Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 8

Sajajhaparibbājaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][upal][olds] Evaɱ me sutaɱ:|| ||

Ekaɱ samayaɱ Bhagavā Rājagahe viharati Gijjhakūṭepabbate.|| ||

Atha kho Sajjho paribbājako yena Bhagavā ten'upasaŋkami,||
upasaŋkamitvā Bhagavatā saddhiɱ sammodi,||
sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho Sajjha paribbājako Bhagavantaɱ etad avoca:|| ||

Ekam idaɱ bhante,||
samayaɱ Bhagavā idh'eva Rājagahe viharati Giribbaje,||
tatra me bhante,||
Bhagavato sammukhā sutaɱ sammukhā paṭiggahītaɱ "yo so Sajjha,||
bhikkhu arahaɱ khīṇāsavo vusitavā katakaraṇīyo ohitabhāro anuppatta-sadattho parikkhīṇabhavasaɱ yojano sammadaññā vimutto,||
abhabbo so pañcaṭhānāni ajajhācarituɱ.|| ||

Abhabbo khīṇāsavo bhikkhu sañcīcca pāṇaɱ jīvitā voropetuɱ,||
abhabbo khīṇāsavo bhikkhu adinnaɱ theyya saŋkhātaɱ ādātuɱ,||
abhabbo khīṇāsavo bhikkhu methunaɱ dhammaɱ patisevitūɱ,||
abhabbo khīṇāsavo bhikkhu sampajānamusā bhāsituɱ,||
abhabbo khīṇāsavo bhikkhu sannidhikārake kāme paṭisevituɱ,||
seyyathā pi pubbe agāriyabhutoti.|| ||

Kacci me taɱ bhante,||
Bhagavato sussutaɱ suggahītaɱ sumanasikataɱ sūpadhāritanti.|| ||

Taggha te taɱ, Sajajha,||
sussutaɱ suggahītaɱ sumanasikataɱ supadhāritaɱ.|| ||

Pubbe cāhaɱ sajajha,||
etarahi ca evaɱ vadāmi.|| ||

"Yo so bhikkhu arahaɱ khīṇāsavo vusitavā katakaraṇīyo ohitabhāro anuppatta-sadattho parikkīṇabhavasaññojano sammadaññāvimutto.|| ||

Abhabbo sonavaṭhānāni ajajhācarituɱ:||
abhabbo khīṇāsavo bhikkhu sañcicca pāṇaɱ jīvitā voropetuɱ,||
abhabbo khīṇāsavo bhikkhū adinnaɱ theyyasaŋkhātaɱ ādātuɱ,||
abhabbo khīṇāsavo bhikkhu methunaɱ dhammaɱ patisevītuɱ,||
abhabbo khīṇāsavo bhikkhu sampajānamusā bhāsituɱ,||
abhabbo khīṇāsavo bhikkhu sannidhikārake kāme paribhuñjituɱ,||
seyyathā pi pubbe agāriyabhuto.|| ||

Abhabbo khīṇāsavo bhikkhu Buddhaɱ paccakkhātuɱ abhabbo khīṇāsavo bhikkhu dhammaɱ paccakkhātuɱ abhabbo khīṇāsavo bhikkhu saŋghaɱ paccakkhātuɱ abhabbo khīṇāsavo bhikkhu sikkhaɱ paccakkhātuɱ pubbevāhaɱ Sutavā, etarahi ca evaɱ vadāmi:|| ||

Abhabbo khīṇāsavo bhikkhu sannidhikārake kāme paribhuñjituɱ seyyathā pi pubbe agāriyabhuto.|| ||

Abhabbo khīṇāsavo bhikkhu chandāgatiɱ gantuɱ abhabbo khīṇāsavo bhikkhu dosāgatiɱ gantuɱ,||
abhabbo khīṇāsavo bhikkhu mohāgatiɱ gantuɱ,||
abhabbo khīṇāsavo bhikkhu bhayāgatiɱ gantuɱ.|| ||

Pubbe cāhaɱ sajajha,||
etarahi ca evaɱ vadāmi.|| ||

"Yo kho bhikkhu arahaɱ khīṇāsavo vusitvā kataɱkaraṇīyo ohitabhāro anuppatta-sadattho parikkhiṇabhavasaññojano,||
sammadaññā vimutto,||
abhabbo so imāni navaṭhānāni ajajhācaritun" ti.|| ||

 


Contact:
E-mail
Copyright Statement   Webmaster's Page