Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 19

Devatā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

[390]


 

[1][pts][upal] Evaɱ me sutaɱ.|| ||

Ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme,||
tatra kho Bhagavā bhikkhu āmantesi.|| ||

Imañ ca Bhikkhave, rattiɱ sambahulā devatā abhikkantāya rattiyā abhikkantavaṇṇā kevalakappaɱ Jetavanaɱ obhāsetvā yenāhaɱ ten'upasaŋkamiɱsu.|| ||

Upasaŋkamitvā maɱ abhivādetvā eka-m-antaɱ aṭṭhaɱsu.|| ||

Eka-m-antaɱ ṭhitā kho bhikkhave,||
tā devatā maɱ etad avocuɱ:|| ||

'Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ Bhante, paccuṭṭhimha,||
no ca kho abhivādimha.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

[391] 2. Aparāpi maɱ bhikkhave,||
sambahulā devatā upasaŋkamitvā etad avocuɱ:|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante paccuṭṭhimha,||
abhivādimha||
no ca kho āsanaɱ adamha.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

3. Aparāpi maɱ bhikkhave,
sambahulā devatā upasaŋkamitvā etad avocuɱ:|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante paccuṭṭhimha,||
abhivādimha||
āsanañ ca adamha||
no ca kho yathāsatti yathābalaɱ saɱvibhajimha.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

4. Aparāpi maɱ bhikkhave,
sambahulā devatā upasaŋkamitvā etad avocuɱ:|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante paccuṭṭhimha,||
abhivādimha||
āsanañ ca adamha||
[392] yathāsatti yathābalaɱ saɱvibhajimha,||
no ca kho upanisīdmiha dhammasavaṇāya.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

Aparāpi maɱ bhikkhave,
sambahulā devatā upasaŋkamitvā etad avocuɱ|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante paccuṭṭhimha,||
abhivādimha||
āsanañ ca adamha||
yathāsatti yathābalaɱ saɱvibhajimha,||
upanisīdmha dhammasavaṇāya||
no ca kho ohitasotā dhammaɱ suṇimha.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

Aparāpi maɱ bhikkhave,
sambahulā devatā upasaŋkamitvā etad avocuɱ|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante paccuṭṭhimha,||
abhivādimha||
āsanañ ca adamha||
yathāsatti yathābalaɱ saɱvibhajimha,||
upanisīdmha dhammasavaṇāya||
ohitasotā dhammaɱ suṇimha,||
no ca kho sutvā dhammaɱ dhārayimha.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

Aparāpi maɱ bhikkhave,
sambahulā devatā upasaŋkamitvā etad avocuɱ|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante paccuṭṭhimha,||
abhivādimha||
āsanañ ca adamha||
yathāsatti yathābalaɱ saɱvibhajimha,||
upanisīdmha dhammasavaṇāya||
ohitasotā dhammaɱ suṇimha,||
sutvā dhammaɱ dhārayimha||
no ca kho dhatānaɱ dhammānaɱ atthaɱ upaparikkhimha.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

Aparāpi maɱ bhikkhave,
sambahulā devatā upasaŋkamitvā etad avocuɱ|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante paccuṭṭhimha,||
abhivādimha,||
āsanañ ca adamha,||
yathāsatti yathābalaɱ saɱvibhajimha,||
upanisīdmha dhammasavaṇāya||
ohitasotā dhammaɱ suṇimha,||
sutvā dhammaɱ dhārayimha,||
dhatānaɱ dhammānaɱ atthaɱ upaparikkhimha,||
no ca kho attham aññāya dhammam aññāya dhammānudhammaɱ paṭipajjimha.|| ||

Tā mayaɱ bhante,||
aparipuṇṇakammantā vippaṭisāriniyo pacchānutāpiniyo hīnaɱ kāyaɱ upapannā" ti.|| ||

Aparāpi maɱ bhikkhave,||
sambihulā devatā upasaŋkamitvā etad avocuɱ:|| ||

"Upasaŋkamiɱsu no bhante,||
pubbe manussabhūtānaɱ pabbajitā agārāni,||
tā mayaɱ bhante, paccuṭṭhimha,||
abhivādimha,||
āsanaɱ adamha,||
yathāsatti yathābalaɱ saɱvibhajimha,||
upanisīdimha dhammasavaṇāya,||
ohitasotā ca dhammaɱ suṇimha,||
sutvā ca dhammaɱ dhārayimha,||
dhatānañ ca dhammānaɱ atthaɱ upaparikkhimha,||
attham aññāya dhammam aññāya dhammānudhammaɱ paṭipajjimha.|| ||

Tā mayaɱ bhante,||
paripuṇṇakammāntā avippaṭisāriniyo apacchānutāpiniyo paṇītaɱ kāyaɱ upapannā" ti.|| ||

Etāni bhikkhave,||
rukkhamūlāni etani suññāgārāni jhāyatha bhikkhave,||
mā pamādattha,||
mā pacchā vippaṭisārino ahuvattha,||
seyyathā pi tā purimikā devatā ti.|| ||

 


Contact:
E-mail
Copyright Statement   Webmaster's Page