Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta
III. Sattāvāsa Vaggo

Sutta 21

Ṭhāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme.|| ||

Tīhi bhikkhave, ṭhānehi Uttarakurukā manussā deve ca Tāvatiɱse adhigaṇhanti Jambudīpake ca manusse.|| ||

Katamehi tīhi?|| ||

2. Amamā apariggahā,||
niyatāyukā,||
visesabhuno.|| ||

Imehi kho bhikkhave, tīhi ṭhānehi Uttarakurukā manussā deve ca Tāvatiɱse adhigaṇhanti Jambudīpake ca manusse.|| ||

3. Tīhi bhikkhave, ṭhānehi devā Tāvatiɱsā Uttarakuruke ca manusse adhiguṇhanti Jambudīpake ca manusse.|| ||

Katamehi tīhi:|| ||

4. Dibbena āyunā,||
dibbena vaṇṇena,||
dibbena sukhena.|| ||

Imehi kho bhikkhave, tīhi ṭhānehi devā Tāvatiɱsā Uttarakuruke ca manusse adhigaṇhanti Jambudīpake ca manusse.|| ||

5. Tīhi bhikkhave, ṭhānehi Jambudīpakā manussā Uttarakuruke ca manusse adhigaṇhanti deve ca Tāvatiɱse.|| ||

Katamehi tīhi?|| ||

Surā,||
satimanto,||
idha brahmacariyavāso.|| ||

Imehi kho bhikkhave, tīhi ṭhānehi Jambudīpakā manussā Uttarakuruke ca manusse adhigaṇhanti deve ca Tāvatiɱse ti.|| ||

 


Contact:
E-mail
Copyright Statement   Webmaster's Page