Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta
III. Sattāvāsa Vaggo

Sutta 22

Khaḷuŋka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


[397]

[1][pts] Evaɱ me sutaɱ ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme.|| ||

"Tayo ca bhikkhave, assakhaḷuŋke desissāmi||
tayo ca purisakhaḷuŋke,||
tayo ca assasadasse||
tayo ca purisasadasse||
tayo ca bhadde assājānīye||
tayo ca bhadde purisājānīye.|| ||

Taɱ suṇātha,||
sādhukaɱ manasikarotha,||
bhāsissāmī" ti.|| ||

"Evaɱ bhante" ti kho te bhikkhu Bhagavato paccassosuɱ.|| ||

Bhagavā etad avoca:|| ||

2. "Katame ca bhikkhave, tayo assakhaḷuŋkā?|| ||

Idha, bhikkhave, ekacco assakhaḷuŋko||
javasampanno ca hoti,||
na vaṇṇasampanno,||
na ārohapariṇāhasampanno.|| ||

Idha pana bhikkhave, ekacco assakhaḷuŋko||
javasampanno ca hoti||
vaṇṇasampanno ca||
na ārohapariṇāhasampanno.|| ||

Idha pana bhikkhave, ekacco assakhaḷuŋko||
javasampanno ca hoti||
vaṇṇasampanno ca||
ārohapariṇāhasampanno ca.|| ||

Ime kho bhikkhave tayo assakhaḷuŋkā.|| ||

 


 

3. Katame ca bhikkhave, tayo purisakhaḷuŋko?|| ||

Idha bhikkhave, ekacco purisakhaḷuŋko||
javasampanno hoti||
na ca vaṇṇasampanno hoti,||
na ārohapariṇāha sampanno.|| ||

Idha pana bhikkhave, ekacco purisakhaḷuŋko||
javasampanno ca hoti,||
vaṇṇasampanno ca,||
na ārohapariṇāha sampanno.|| ||

Idha pana bhikkhave, ekacco purisakhaḷuŋko||
javasampanno ca hoti,||
vaṇṇasampanno ca,||
ārohapariṇāha sampanno ca.|| ||

 


 

4. Kathañ ca bhikkhave, purisakhaḷuŋko||
javasampanno hoti||
na vaṇṇasampanno,||
na ārohapariṇāha sampanno?|| ||

Idha, bhikkhave, bhikkhu||
'idaɱ dukkhan' ti yathābhūtaɱ pajānāti,||
'ayaɱ dukkhasamudayo' ti yathābhūtaɱ pajānāti,||
'ayaɱ dukkhanirodho' ti yathābhūtaɱ pajānāti||
'ayaɱ dukkhanirodhagāminī paṭipadā' ti yathābhūtaɱ pajānāti.|| ||

[398] Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho saɱsādeti,||
no vissajjeti.|| ||

Idam assa na vaṇṇasmiɱ vadāmi.|| ||

Na kho pana lābhī hoti cīvara-piṇḍapāta-senāsana-gilāna-paccaya-bhesajja-parikkhārānaɱ.

Idam assa na ārohapariṇāhasmiɱ vadāmi.|| ||

Evaɱ kho bhikkhave,||
purisakhaḷuŋko javasampanno hoti||
na vaṇṇa sampanno,||
na ārohapariṇāhasampanno.|| ||

5. Kathañ ca bhikkhave, purisakhaḷuŋko||
javasampanno ca hoti||
vaṇṇasampanno ca,||
na ārohapariṇāhasampanno?|| ||

Idha, bhikkhave, bhikkhu||
'idaɱ dukkhan' ti yathābhūtaɱ pajānāti,||
'ayaɱ dukkhasamudayo' ti yathābhūtaɱ pajānāti,||
'ayaɱ dukkhanirodho' ti yathābhūtaɱ pajānāti||
'ayaɱ dukkhanirodhagāminī paṭipadā' ti yathābhūtaɱ pajānāti.|| ||

Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti||
saɱsādeti.|| ||

Idam assa vaṇṇasmiɱ vadāmi.|| ||

Na kho pana lābhī hoti cīvara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.|| ||

Evaɱ kho bhikkhave, purisakhaḷuŋko||
javasampanno ca hoti
vaṇṇasampanno ca,||
na ārohapariṇāhasampanno.|| ||

6. Kathañ ca bhikkhave,||
purisakhaḷuŋko javasampanno ca hoti||
vaṇṇasampanno ca||
ārohapariṇāhasampanno ca?|| ||

Idha, bhikkhave, bhikkhu||
'idaɱ dukkhan' ti yathābhūtaɱ pajānāti,||
'ayaɱ dukkhasamudayo' ti yathābhūtaɱ pajānāti,||
'ayaɱ dukkhanirodho' ti yathābhūtaɱ pajānāti||
'ayaɱ dukkhanirodhagāminī paṭipadā' ti yathābhūtaɱ pajānāti.|| ||

Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti,||
no saɱsādeti.|| ||

Idam assa vaṇṇasmiɱ vadāmi.|| ||

[399] Lābhī kho pana hoti cīvara-piṇḍapāta-senāsana-gilāna-paccaya-bhesajja-parikkhārānaɱ|| ||

Idam assa ārohapariṇāhasmiɱ vadāmi.|| ||

Evaɱ kho bhikkhave, purisakhaḷuŋko||
javasampanno ca hoti,||
vaṇṇasampanno ca,||
ārohapariṇāha sampanno ca.|| ||

Ime kho bhikkhave,||
tayo purisakhaḷuŋkā.|| ||

 

§

 

7. Katame ca bhikkhave, tayo assasadassā?|| ||

Idha, bhikkhave, ekacco assasadasso||
javasampanno ca hoti,||
na vaṇṇasampanno,||
na ārohapariṇāhasampanno.|| ||

Idha pana bhikkhave, ekacco assasadasso||
javasampanno ca hoti||
vaṇṇasampanno ca||
na ārohapariṇāhasampanno.|| ||

Idha pana bhikkhave, ekacco assasadasso||
javasampanno ca hoti||
vaṇṇasampanno ca||
ārohapariṇāhasampanno ca.|| ||

Ime kho bhikkhave tayo assa sadasso.|| ||

 


 

8. Katame ca bhikkhave, tayo purisasadassā?|| ||

Idha bhikkhave, ekacco purisasadassā||
javasampanno hoti||
na ca vaṇṇasampanno hoti,||
na ārohapariṇāhasampanno.|| ||

Idha pana bhikkhave, ekacco purisasadassā||
javasampanno ca hoti,||
vaṇṇasampanno ca,||
na ārohapariṇāhasampanno.|| ||

Idha pana bhikkhave, ekacco purisasadasso||
javasampanno ca hoti,||
vaṇṇasampanno ca,||
ārohapariṇāhasampanno ca.|| ||

Ime kho bhikkhave tayo purisasadasso.|| ||

 


 

9.1 Kathañ ca bhikkhave, purisasadasso||
javasampanno hoti||
na vaṇṇasampanno,||
na ārohapariṇāhasampanno ca?|| ||

Idha, bhikkhave, bhikkhu pañcannaɱ orambhāgiyānaɱ saññojanānaɱ parikkhayā opapātiko hoti||
tattha parinibbāyī anāvattīdhāmmo tasmā lokā.|| ||

Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti,||
no saɱsādeti.|| ||

Idam assa na vaṇṇasmiɱ vadāmi.|| ||

Na kho pana lābhī kho pana hoti cīvara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.|| ||

Evaɱ kho bhikkhave, purisasadasso||
javasampanno ca hoti,||
na vaṇṇasampanno ca||
na ārohapariṇāhasampanno ca.|| ||

9.2 Kathañ ca bhikkhave, purisasadasso||
javasampanno hoti||
vaṇṇasampanno,||
na ārohapariṇāhasampanno ca?|| ||

Idha, bhikkhave, bhikkhu pañcannaɱ orambhāgiyānaɱ saññojanānaɱ parikkhayā opapātiko hoti||
tattha parinibbāyī anāvattīdhāmmo tasmā lokā.|| ||

Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti,||
saɱsādeti.|| ||

Idam assa vaṇṇasmiɱ vadāmi.|| ||

Na kho pana lābhī kho pana hoti cīvara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.|| ||

Evaɱ kho bhikkhave, purisasadasso||
javasampanno ca hoti,||
vaṇṇasampanno ca||
na ārohapariṇāhasampanno ca.|| ||

9.3 Kathañ ca bhikkhave, purisasadasso||
javasampanno hoti||
vaṇṇasampanno,||
ārohapariṇāhasampanno ca?|| ||

Idha, bhikkhave, bhikkhu pañcannaɱ orambhāgiyānaɱ saññojanānaɱ parikkhayā opapātiko hoti||
tattha parinibbāyī anāvattīdhāmmo tasmā lokā.|| ||

Idam assa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti,||
saɱsādeti.|| ||

Idam assa vaṇṇasmiɱ vadāmi.|| ||

Lābhī kho pana hoti cīvara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa ārohapariṇāhasmiɱ vadāmi.|| ||

Evaɱ kho bhikkhave, purisasadasso||
javasampanno ca hoti,||
vaṇṇasampanno ca||
ārohapariṇāhasampanno ca.|| ||

Ime kho bhikkhave, tayo purisasadassā.|| ||

 

§

 

10. Katame ca bhikkhave, tayo bhadro assājānīye?|| ||

Idha, bhikkhave, ekacco bhadro assājānīye||
javasampanno ca hoti,||
na vaṇṇasampanno,||
na ārohapariṇāhasampanno.|| ||

Idha pana bhikkhave, ekacco bhadro assājānīye||
javasampanno ca hoti||
vaṇṇasampanno ca||
na ārohapariṇāhasampanno.|| ||

Idha pana bhikkhave, ekacco bhadro assājānīye||
javasampanno ca hoti||
vaṇṇasampanno ca||
ārohapariṇāhasampanno ca.|| ||

[400] Ime kho bhikkhave tayo bhadro assājānīye.|| ||

 


 

11. Katame ca bhikkhave, tayo bhadro purisājānīye?|| ||

Idha bhikkhave, ekacco bhadro purisājānīye||
javasampanno hoti||
na ca vaṇṇasampanno hoti,||
na ārohapariṇāhasampanno.|| ||

Idha pana bhikkhave, ekacco bhadro purisājānīye||
javasampanno ca hoti,||
vaṇṇasampanno ca,||
na ārohapariṇāhasampanno.|| ||

Idha pana bhikkhave, ekacco bhadro purisājānīye||
javasampanno ca hoti,||
vaṇṇasampanno ca,||
ārohapariṇāhasampanno ca.|| ||

Ime kho bhikkhave tayo bhadro purisājānīye.|| ||

 


 

12.1 Kathañ ca bhikkhave, bhadro purisājānīye||
javasampanno hoti||
na vaṇṇasampanno,||
na ārohapariṇāhasampanno ca?|| ||

Idha, bhikkhave, bhikkhu āsavānaɱ khayā||
anāsavaɱ ceto-vimuttaɱ||
paññā-vimuttiɱ||
diṭṭhe va dhamme||
sayaɱ abhiññā sacchikatvā||
upasampajja viharati.|| ||

Idaɱ massa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti,||
no saɱsādeti.|| ||

Idam assa na vaṇṇasmiɱ vadāmi.

Na kho pana lābhī kho pana hoti cīvara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.

Evaɱ kho bhikkhave, bhadro purisajānīyo javasampanno ca hoti||
vaṇṇa sampanno ca||
ārohapariṇāha sampanno ca.|| ||

12.2 Kathañ ca bhikkhave, bhadro purisājānīye||
javasampanno hoti||
vaṇṇasampanno,||
na ārohapariṇāhasampanno ca?|| ||

Idha, bhikkhave, bhikkhu āsavānaɱ khayā||
anāsavaɱ ceto-vimuttaɱ||
paññā-vimuttiɱ||
diṭṭhe va dhamme||
sayaɱ abhiññā sacchikatvā||
upasampajja viharati.|| ||

Idaɱ massa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti,||
saɱsādeti.|| ||

Idam assa vaṇṇasmiɱ vadāmi.

Na kho pana lābhī kho pana hoti cīvara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa na ārohapariṇāhasmiɱ vadāmi.

Evaɱ kho bhikkhave, bhadro purisajānīyo javasampanno ca hoti||
vaṇṇa sampanno ca||
ārohapariṇāha sampanno ca.|| ||

12.2 Kathañ ca bhikkhave, bhadro purisājānīye||
javasampanno hoti||
vaṇṇasampanno,||
ārohapariṇāhasampanno ca?|| ||

Idha, bhikkhave, bhikkhu āsavānaɱ khayā||
anāsavaɱ ceto-vimuttaɱ||
paññā-vimuttiɱ||
diṭṭhe va dhamme||
sayaɱ abhiññā sacchikatvā||
upasampajja viharati.|| ||

Idaɱ massa javasmiɱ vadāmi.|| ||

Abhidhamme kho pana abhivinaye pañhaɱ puṭṭho vissajjeti,||
saɱsādeti.|| ||

Idam assa vaṇṇasmiɱ vadāmi.

Lābhī kho pana hoti cīvara-piṇḍapāta-senāsana-gilāna-paccaya-bhesajja-parikkhārānaɱ.|| ||

Idam assa ārohapariṇāhasmiɱ vadāmi.

Evaɱ kho bhikkhave, bhadro purisajānīyo javasampanno ca hoti||
vaṇṇa sampanno ca||
ārohapariṇāha sampanno ca.|| ||

Ime kho bhikkhave, tayo bhadrā purisājānīyā" ti.|| ||

 


Contact:
E-mail
Copyright Statement   Webmaster's Page