Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta
III. Sattāvāsa Vaggo

Sutta 23

Taṇhā Mūlaka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme.|| ||

Nava bhikkhave, taṇhā mūlake dhamme desessāmi.|| ||

Taɱ suṇātha, sādhukaɱ manasikarotha, bhāsissāmī ti.|| ||

Evaɱ bhante ti kho te bhikkhu Bhagavato paccassosuɱ.|| ||

Bhagavā etad avoca:|| ||

Katame ca bhikkhave, nava tanhā mulakā dhammā?|| ||

2. Taṇhaɱ paṭicca pariyesanā;||
pariyesanaɱ paṭicca lābho;||
lābhaɱ paṭicca vinicchayo;||
viniccayaɱ paṭicca chandarāgo;||
chandarāgaɱ paṭicca ajjhosānaɱ;||
ajjhosānaɱ paṭicca pariggaho;||
pariggahaɱ paṭicca macchariyaɱ;||
macchiriyaɱ paṭicca ārakkhā,||
ārakkhādhikaraṇaɱ,||
daṇḍādānasatthādāna-kalaha-viggaha-vivādā||
tuvaɱtuvapesuññamusāvāda||
aneke pāpakā akusalā dhammā samabhavanti.|| ||

Ime kho bhikkhave, nava taṇhā mūlakā dhammā ti.|| ||

 


Contact:
E-mail
Copyright Statement   Webmaster's Page