Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta
III. Sattāvāsa Vaggo

Sutta 26

Silāyūpopama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ|| ||

Ekaɱ samayaɱ āyasmā ca Sāriputto āyasmā ca Candikāputto Rājagahe viharani Veḷuvane Kalandakanivāpe.|| ||

Tatra kho āyasmā Candikāputto bhikkhu āmantesi:|| ||

'Āvuso bhikkhavo' ti.|| ||

'Āvuso' ti kho te bhikkhu āyasmato Candikāputtassa paccassosuɱ.|| ||

Āyasmā Candikāputto etad avoca:|| ||

Devadatto āvuso bhikkhūnaɱ evaɱ dhammaɱ deseti:|| ||

'Yato ca kho āvuso bhikkhuno cetasā cittaɱ paricitaɱ hoti,||
tass'etaɱ bhikkhūno kallaɱ veyyākaraṇāya:||
"Khīṇā jāti,||
vusitaɱ brahmacariyaɱ,||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

2. Atha kho Āyasmā Sāriputto āyasmantaɱ Candikāputtaɱ etad avoca:|| ||

Na kho āvuso Candikāputta,||
Devadatto bhikkhunaɱ evaɱ dhammaɱ deseti:|| ||

'Yato kho āvuso bhikkhuno cetasā cittaɱ paricitaɱ hoti,||
tass'etaɱ bhikkhuno kallaɱ veyyakaraṇāya:||
"khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

Evañ ca kho āvuso Candikāputta||
Devadatto bhikkhunaɱ dhammaɱ deseti:|| ||

'Yato kho āvuso bhikkhuno cetasā cittaɱ suparicitaɱ hoti,||
tass'etaɱ bhikkhuno kallaɱ veyyākaraṇāya:||
"Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

3. Dutiyam pi kho āyasmā Candikāputto bhikkhu āmantesi:|| ||

Devadatto āvuso bhikkhūnaɱ evaɱ dhammaɱ deseti:|| ||

'Yato ca kho āvuso bhikkhuno cetasā cittaɱ paricitaɱ hoti,||
tass'etaɱ bhikkhuno kallaɱ veyyākaraṇāya:||
"Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

Dutiyam pi kho Āyasmā Sāriputto āyasmantaɱ Candikāputtaɱ etad avoca:|| ||

Na kho āvuso Candikāputta,||
Devadatto bhikkhunaɱ evaɱ dhammaɱ deseti:|| ||

'Yato kho āvuso bhikkhuno cetasā cittaɱ paricitaɱ hoti,||
tass'etaɱ bhikkhuno kallaɱ veyyakaraṇāya:||
"khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

Evañ ca kho āvuso Candikāputta||
Devadatto bhikkhunaɱ dhammaɱ deseti:|| ||

'Yato kho āvuso bhikkhuno cetasā cittaɱ suparicitaɱ hoti,||
tass'etaɱ bhikkhuno kallaɱ veyyākaraṇāya:||
"Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

4. Tatiyam pi kho āyasmā Candikāputto bhikkhu āmantesi:|| ||

Devadatto āvuso bhikkhūnaɱ evaɱ dhammaɱ deseti:|| ||

Yato kho āvuso bhikkhuno cetasā cittaɱ paricitaɱ hoti,||
tass'etaɱ bhikkhuno kallaɱ veyyākaraṇāya:||
"Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

Tatiyam pi kho āyasmā Sāriputto āyasmantaɱ Candikāputtaɱ etad avoca:|| ||

Na kho āvuso Candikāputta,||
Devadatto bhikkhūnaɱ evaɱ dhammaɱ deseti:|| ||

'Yato kho āvuso, bhikkhuno cetasā cittaɱ paricitaɱ hoti,||
tass'etaɱ bhikkhuno kallaɱ veyyākaraṇāya:||
"Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

Evañ ca kho āvuso Candikāputta||
Devadatto bhikkhūnaɱ dhammaɱ deseti:||
yato kho āvuso bhikkhuno cetasā cittaɱ suparicitaɱ hoti,||
tass'etaɱ bhikkhuno kallaɱ veyyākaraṇāya:||
"khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā ti||
pajānāmī"' ti.|| ||

5. Kathañ ca āvuso bhikkhuno cetasā cittaɱ suparicitaɱ hoti?|| ||

'Vītarāgaɱ me cittan' ti||
cetasā cittaɱ suparicitaɱ hoti.|| ||

'Vītadosaɱ me cittan' ti||
cetasā cittaɱ suparicitaɱ hoti.|| ||

'Vītamohaɱ me cittan' ti||
cetasā cittaɱ suparicitaɱ hoti.|| ||

'Asārāgadhammaɱ me cittan' ti||
cetasā cittaɱ suparicitaɱ hoti.|| ||

'Asandosanadhammaɱ me cittan' ti||
cetasā cittaɱ suparicitaɱ hoti.|| ||

'Asammohadhammaɱ me cittān' ti||
cetasā cittaɱ suparicitaɱ hoti.|| ||

'Anāvattidhammaɱ me cittaɱ kāmabhavāyā' ti||
cetasā cittaɱ suparicitaɱ hoti.|| ||

'Anāvattidhammaɱ me cittaɱ rūpabhavāyā' ti||
cetasā cittaɱ suparicitaɱ hoti.|| ||

'Anāvattidhammaɱ me cittaɱ arūpabhavāyā' ti||
cetasā cittaɱ suparicitaɱ hoti.|| ||

6. Evaɱ sammā vimutta-cittassa kho āvuso bhikkhuno bhusā ce pi cakkhuviññeyyā rūpā cakkhussa āpāthaɱ āgacchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi sotaviññeyyā saddā sotassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi ghānaviññeyyā gandhā ghānassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi jivhāviññeyyā rasā jivhāya āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi kāyaviññeyyā phoṭṭhabbā kāyassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi manoviññeyyā dhammā manassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Seyyathā pi āvuso silāyūpo soḷasakukkuko,||
tass'assu aṭṭha kukku heṭṭhā nemassa aṭṭha kukku upari nemassa;||
atha puratthimāya ce pi disāya āgaccheyya bhusā vātavuṭṭhi,||
n'eva naɱ kampeyya na saŋkampeyya na sampakampeyya na sampavedheyya;||
atha pacchimāya ce pi disāya seyyathā pi āvuso silāyūpo soḷasakukkuko,||
tass'assu aṭṭha kukku heṭṭhā nemassa aṭṭha kukku upari nemassa;||
atha puratthimāya ce pi disāya āgaccheyya bhusā vātavuṭṭhi,||
n'eva naɱ kampeyya na saŋkampeyya na sampakampeyya na sampavedheyya,||
atha uttarāya ce pi disāya seyyathā pi āvuso silāyūpo soḷasakukkuko,||
tass'assu aṭṭha kukku heṭṭhā nemassa aṭṭha kukku upari nemassa;||
atha puratthimāya ce pi disāya āgaccheyya bhusā vātavuṭṭhi,||
n'eva naɱ kampeyya na saŋkampeyya na sampakampeyya na sampavedheyya,||
atha dakkhiṇāya ce pi disāya āgaccheyya bhusā vātavuṭṭhi,||
n'eva naɱ kampeyya na saŋkampeyya na sampakampeyya.|| ||

Taɱ kissa hetu?|| ||

Gambhīrattā āvuso nemassa,||
sunikhātattā silāyūpassa.|| ||

Evam eva kho āvuso evaɱ sammā vimutta-cittassa kho āvuso bhikkhuno bhusā ce pi cakkhuviññeyyā rūpā cakkhussa āpāthaɱ āgacchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi sotaviññeyyā saddā sotassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi ghānaviññeyyā gandhā ghānassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi jivhāviññeyyā rasā jivhāya āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi kāyaviññeyyā phoṭṭhabbā kāyassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

Bhusā ce pi manoviññeyyā dhammā manassa āpāthaɱ āgācchanti.|| ||

Nev'assa cittaɱ pariyādiyanti,||
amissikatam ev'assa cittaɱ hoti ṭhitaɱ āneñjappattaɱ,||
vayañ c'assānupassati.|| ||

 


Contact:
E-mail
Copyright Statement   Webmaster's Page