Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta
III. Sattāvāsa Vaggo

Sutta 29

Āghātavatthu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme,||
tatra kho Bhagavā bhikkhu āmantesi.|| ||

2. Nava yimāni bhikkhave āghātavatthūni.|| ||

Katamāni nava?|| ||

3. 'Anatthaɱ me acarī' ti āghātaɱ bandhati.|| ||

'Anatthaɱ me caratī' ti āghātaɱ bandhati.|| ||

'Anatthaɱ me carissatī' ti āghātaɱ bandhati.|| ||

'Piyassa me manāpassa anatthaɱ acarī' ti āghātaɱ bandhati.|| ||

'Piyassa me manāpassa anatthaɱ caratī' ti āghātaɱ bandhati.|| ||

'Piyassa me manāpassa anatthaɱ carissatī' ti āghātaɱ bandhati.|| ||

'Appiyassa me amanāpassa atthaɱ acari' ti āghātaɱ bandhati.|| ||

'Appiyassa me amanāpassa atthaɱ caratī' ti āghātaɱ bandhati.|| ||

'Appiyassa me amanāpassa atthaɱ carissatī' ti āghātaɱ bandhati.|| ||

Imāni kho bhikkhave nava āghātavatthūtī ti.|| ||

 


Contact:
E-mail
Copyright Statement   Webmaster's Page