Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta
III. Sattāvāsa Vaggo

Sutta 30

Āghātapaṭivinaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme,||
tatra kho Bhagavā bhikkhu āmantesi.|| ||

2. Nava yimāni bhikkhave āghāta paṭivinayā.|| ||

Katamāni nava?|| ||

3. 'Anatthaɱ me acarī taɱ kut'ettha labbhā' ti āghātaɱ paṭivineti.|| ||

'Anatthaɱ me caratī taɱ kut'ettha labbhā' ti āghātaɱ paṭivineti.|| ||

'Anatthaɱ me carissatī taɱ kut'ettha labbhā' ti āghātaɱ paṭivineti.|| ||

'Piyassa me manāpassa anatthaɱ acarī taɱ kut'ettha labbhā' ti āghātaɱ paṭivineti.|| ||

'Piyassa me manāpassa anatthaɱ caratī taɱ kut'ettha labbhā' ti āghātaɱ paṭivineti.|| ||

'Piyassa me manāpassa anatthaɱ carissatī taɱ kut'ettha labbhā' ti āghātaɱ paṭivineti.|| ||

'Appiyassa me amanāpassa atthaɱ acari taɱ kut'ettha labbhā' ti āghātaɱ paṭivineti.|| ||

'Appiyassa me amanāpassa atthaɱ carati taɱ kut'ettha labbhā' ti āghātaɱ paṭivineti.|| ||

'Appiyassa me amanāpassa atthaɱ carissati taɱ kut'ettha labbhā' ti āghātaɱ paṭivineti.|| ||

Imāni kho bhikkhave nava āghātapaṭivinayā ti.|| ||

 


Contact:
E-mail
Copyright Statement   Webmaster's Page