Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 32

Anupubbavihāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts] Evaɱ me sutaɱ ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme,||
tatra kho Bhagavā bhikkhu āmantesi.|| ||

Bhikkhavo ti.|| ||

Bhadanteti te bhikkhu Bhagavato paccassosuɱ Bhagavā etad avoca:|| ||

[2][pts][ati] Nava ime bhikkhave anupubbavihārā.|| ||

Katame nava?|| ||

3. Idha bhikkhave vivicc'eva kāmehi vivicca akusalehi dhammehi savitakkaɱ savicāraɱ vivekajaɱ pīti-sukhaɱ paṭhamaɱ-jhānaɱ upasampajja viharati.|| ||

Vitakka vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ-jhānaɱ upasampajja viharati.|| ||

Pītiyā ca virāgā upekkhako ca viharati,||
sato ca sampajāno sukhañ ca kāyena paṭisaŋvedeti,||
yantaɱ ariyā āvikkhanti:||
'Upekkhako satimā sukha-vihārī'||
ti taɱ tatiyaɱ-jhānaɱ upasampajja viharati.|| ||

Sukhassa ca pahānā dukkhassa ca pahānā pubb'eva somanassa-domanassānaɱ atthaŋgamā adukkha-m-asukhaɱ upekkhā-sati-pārisuddhiɱ catutthaɱ-jhānaɱ upasampajja viharati.|| ||

Sabbaso rūpa-saññānaɱ samatikkamā paṭigha-saññānaɱ atthaŋgamā nānattasaññānaɱ amanasikārā 'anatto ākāso' ti ākāsānañcāyatanaɱ upasampajja viharati.|| ||

Sabbaso ākāsānañcāyatanaɱ samatikkamma 'anattaɱ viññāṇan' ti viññāṇañcāyatanaɱ upasampajja viharati.|| ||

Sabbaso viññāṇañcāyatanaɱ samatikkamma 'n'atthi kiñci' ti ākiñcaññāyatanaɱ upasampajja viharati.|| ||

Sabbaso ākiñcaññāyatanaɱ samatikkamma n'eva-saññā-nāsaññāyatanaɱ upasampajja viharati.|| ||

Sabbaso n'eva-saññā-nāsaññāyatanaɱ samatikkamma saññāvedayita nirodhaɱ upasampajja viharati.|| ||

Ime kho bhikkhave nava anupubbavihārā ti.|| ||

 


Contact:
E-mail
Copyright Statement   Webmaster's Page