Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 33

Anupubbavihārasamāpatti Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts]Evaɱ me sutaɱ:|| ||

Ekaɱ samayaɱ Bhagavā Sāvātthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi.|| ||

'Bhikkhavo' ti.|| ||

'Bhadante' ti te bhikkhu Bhagavato paccassosuɱ.|| ||

Bhagavā etad avoca:|| ||

Nava imā bhikkhave, anupubbavihārasamāpāttiyo desessāmi.|| ||

Taɱ suṇātha||
sādhukaɱ manasikarotha,||
bhāsissāmī ti.|| ||

'Evaɱ bhante' ti kho te bhikkhu Bhagavato paccassosuɱ.|| ||

Bhagavā etad avoca:|| ||

[2][pts][ati]Katamā ca bhikkhave,||
nava anupubbavihāra samāpāttiyo?|| ||

Yattha kāmā nirujjhanti,||
ye ca kāme nirodhetvā nirodhetvā viharanti,||
addhā te āyasmanto nicchātā nibbutā tiṇṇā pāragatā tadaŋgenā ti vadāmi.|| ||

'Kattha kāmā nirujjhanti,||
ke ca kāme nirodhetvā nirodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso bhakkhu vivicc'eva kāmehi vivicca akusalehi dhammehi savitakkaɱ savicāraɱ vivekajaɱ pīti-sukhaɱ paṭhamaɱ-jhānaɱ upasampajja viharati.|| ||

Ettha kāmā nirujjhanti,||
te ca kāme nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

2. Yattha vitakkavicārā nirajjhanti,||
ye ca vitakkavicāre nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tadaŋgenāti vadāmi.|| ||

Kattha vitakkavicārā nirujajhanti,
ke ca vitākkavicāre nirodhetvā nīrodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso, bhikkhu vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyaɱ-jhānaɱ upasampajja viharati.|| ||

Ettha vitakkavicārā nirujjhanti,||
te ca vitākkavicāre nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

3. Yattha piti nirujjhanti,||
ye ca pītiɱ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tadaŋgenāti vadāmi.|| ||

Kattha pīti nirujjhati,
ke ca pītiɱ nirodhetvā nirodhetvā viharantīti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso, bhikkhu pītiyā ca virāgā upekkhako ca viharati||
sato ca sampajāno sukhañca kāyena paṭisaŋvedeti||
yantaɱ ariyā āvikkhanti:||
'Upekkhako satimā sukha-vihārī'||
ti taɱ tatiyaɱ-jhānaɱ upasampajja viharati.|| ||

Ettha pīti nirujjhati,||
taɱ ca pītiɱ nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

4. Yattha upekhāsukhaɱ nirujajhati,||
ye ca upekhāsukhaɱ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tadaŋgenāti vadāmi.|| ||

"Kattha upekhāsukhaɱ nirujjhati,
ke ca upekkhāsukhaɱ nirodhetvā nirodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso, bhikkhu sukhassa ca pahānā dukkhassa ca pahānā pubb'eva somanassa-domanassānaɱ atthaŋgamā adukkha-m-asukhaɱ upekkhā-sati-pārisuddhiɱ catutthaɱ-jhānaɱ upasampajja viharati.|| ||

Ettha upekhāsukhaɱ nirujajhati,||
te ca upekhāsukhaɱ nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

5. Yattha rūpasaññā nirujjhanti,||
ye ca rūpasaññā,||
nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tadaŋgenāti vadāmi.|| ||

"Kattha rūpasaññā nirujajhanti,||
ke ca rūpasaññā nirodhetvā nirodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso, bhikkhu sabbaso rūpa-saññānaɱ samatikkamā paṭigha-saññānaɱ atthaŋgatamā nānattasaññānaɱ amanasi-kārā anatto ākāsoti ākāsānañcāyatanaɱ upasampajja viharati.|| ||

Ettha rūpasaññā nirujjhanti,||
te va rūpasaññā nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

6. Yattha ākāsānañcāyatanasaññā nirujajhati,||
ye ca ākāsānañcāyatanasaññaɱ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tadaŋgenāti vadāmi.|| ||

"Kattha ākāsānañcāyatanasaññā nirujjhati,
ke ca ākāsānañcāyatanasaññaɱ nirodhetvā nirodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso, bhikkhu sabbaso ākāsānañcāyatanaɱ samatikkamma,||
'Anantaɱ viññāṇan' ti,||
viññāṇañcāyatanaɱ upasampajja viharati.|| ||

Ettha ākāsānañcāyatanasaññā nirujjhati||
te ca ākāsānañcāyatanasaññaɱ nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

7. Yattha viññāṇañcāyatanasaññā nirujajhati,||
ye ca viññāṇañcāyatanasaññaɱ nirodhetvā nirodhechatvā viharanti,||
addhā te āyasmanto nicchātā nibābutā nitṇhā pāragatā tadaŋgenāti vadāmi.|| ||

"Kattha viññāṇañcāyatanasaññā nirujajhati,||
ke ca viññāṇañcāyatanasaññaɱ nirodhetvā nirodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso, bhikkhu sabbaso viññāṇañcāyatanaɱ samatikkamma,||
'N'atthi kiñci' ti||
ākiñcaññāyatanaɱ upasampajja viharati.|| ||

Ettha viññāṇañcāyatanasaññā nirujajhati,||
te ca viññāṇañcāyatanasañdaɱ nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

8. Yattha ākiñcaññāyatanasaññā nirujajhati,||
ye ca ākiñcaññāyatanasaññaɱ nirodhetvā nirodhechatvā viharanti,||
addhā te āyasmanto nicchātā nibābutā nittaṇhā pāragatā tadaŋgenāti vadāmi.|| ||

"Kattha ākiñcaññāyatanasaññā nirujajhati,
ke ca ākiñcaññāyatanasaññaɱ nirodhetvā nirodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso, bhikkhu sabbaso ākiñcaññāyatanaɱ samatikkamma n'eva-saññā-nāsaññāyatanaɱ upasampajja viharati.|| ||

Ettha ākiñcaññānāsaññā nirujajhati,||
te ca ākiñcaññāyatanatanasaññaɱ nirodhetvā nirodhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

9. Yattha n'eva-saññā-nāsaññāyatanasaññā nirujjhati,||
ye ca n'eva-saññā-nāsaññāyatanasaññaɱ nirodhetvā nirodhetvā viharanti,||
addhā te āyasmanto nicchātā nibbutā nittaṇhā pāragatā tadaŋgenāti vadāmi.|| ||

"Kattha n'eva-saññā-nāsaññāyatanasaññā nirujajhati,
ke ca n'eva-saññā-nāsaññāyatanasaññaɱ nirodhetvā nirodhetvā viharanti?|| ||

Aham etaɱ na jānāmi,||
aham etaɱ na passāmī" ti.|| ||

Iti yo evaɱ vadeyayya,||
so evam assa vacanīyo:|| ||

'Idh'āvuso bhikkhu sabbaso n'eva-saññā-nāsaññāyatanaɱ samatikkamma saññāvedayitanirodhaɱ upasampajja viharati.|| ||

Ettha n'eva-saññā-nāsaññāyatanasaññā nirujajhati,||
te ca n'eva-saññā-nāsaññāyatanasaññaɱ nirodhetvā niredhetvā viharantī' ti.|| ||

Addhā bhikkhave,||
asaṭho amāyāvī 'sādhu' ti bhāsitaɱ abhinandeyya anumodeyya 'sādhu' ti bhāsitaɱ abhinanditvā anumoditvā namassamāno pañchaliko payirupāseyya.|| ||

Imā kho bhikkhave, nava anupubba vihārasamāpattiyo ti.|| ||

 


Contact:
E-mail
Copyright Statement   Webmaster's Page