Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 38

Lokāyatika Brāhmaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][ati] Evaɱ me sutaɱ:|| ||

Sāvatthinidānaɱ.|| ||

Atha kho dve lokāyatikā brahmaṇā yena Bhagavā ten'upasaŋkamiɱsu.|| ||

Upasaŋkamitvā bhagakavatā saddhi sammodiɱsu.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdiɱsu.|| ||

Eka-m-antaɱ nisinnā kho te brāhmaṇā Bhagavantaɱ etad avocuɱ:|| ||

2. Pūraṇo bho Gotama Kassapo sabbaññū sabbadassāvī aparisesañāṇadassanaɱ paṭijānāti:|| ||

"Carato ca me tiṭṭhito ca suttassa ca jāgarassa ca satataɱ samitaɱ ñāṇadassanaɱ paccupaṭṭhitan" ti.|| ||

So evam āha:|| ||

"Ahaɱ anantena ñāṇena antavantaɱ lokaɱ jānaɱ passaɱ viharāmī" ti.|| ||

[429] Ayam pi bho Gotama,||
Nigaṇṭho Nātaputto sabbaññū sabbadassāvī aparisesa ñāṇadassanaɱ paṭijānāti|| ||

"Carato ca me tiṭṭhito ca suttassa ca jāgarassa ca satataɱ samitaɱ ñāṇadassanaɱ paccupaṭṭhitan" ti.|| ||

So evam āha:|| ||

"Ahaɱ antavantena āṇena antavantaɱ lokaɱ jānaɱ passaɱ viharāmī" ti.|| ||

"Imesaɱ bho Gotama,||
uhinnaɱ ñāṇavādānaɱ uhinnaɱ aññamaññaɱ vipaccanīkavādānaɱ ko saccaɱ āha ko musā" ti?|| ||

3. Alaɱ brāhmaṇā, tiṭṭhate taɱ:

"Imesaɱ uhinnaɱ ñāṇavādānaɱ ubhinnaɱ aññamaññaɱ vipaccanīkavādānaɱ ko saccaɱ āha ko musā" ti?|| ||

Dhammaɱ vo brāhmaṇā desessāmi.

Taɱ suṇātha,||
sādhukaɱ manasi karotha,||
bhāsissāmīti.|| ||

'Evaɱ hoti' kho te brāhmaṇā Bhagavato paccassosuɱ.

Bhagavā etad avoca:|| ||

4. Seyyathā pi brāhmaṇā,||
cattāro purisā catuddisā ṭitā paramāya gatiyā ca javena ca samannāgatā paramena ca padavītihārena.|| ||

Te evarūpena javena samannāgatā assu,||
seyyathā pi nāma brāhmaṇā,||
daḷhadhammo dhanuggaho sikkhito katahattho katupāsāno lahukena asanena appakasirena tiriyaɱ tālacchāyaɱ atipāteyya,||
evarūpena ca padavītihārena.|| ||

Seyyathā pi nāma puratthimā samuddā pacchimo samuddo.|| ||

Atha puratthimāya disāya ṭhito puriso evaɱ vadeyya:|| ||

"Ahaɱ gamanena lokassa antaɱ pāpuṇissāmī" ti.|| ||

So aññatreva asitapītakhāyitasāyitā aññatreva uccārapassāvakammā aññatreva niddākilamathapaṭivinodanā vassasatāyuko vassasatajīvī vassasataɱ gantvā appatvāva lokassa antaɱ antarā [430] kālaɱ kareyya.|| ||

Atha pacchimāya disāya ṭhito puriso evaɱ vadeyya:|| ||

"Ahaɱ gamanena lokassa antaɱ pāpuṇissāmī" ti.|| ||

So aññatreva asitapītakhāyitasāyitā aññatreva uccārapassāvakammā aññatreva niddākilamathapaṭivinodanā vassasatāyuko vassasatajīvī vassasataɱ gantvā appatvāva lokassa antaɱ antarā kālaɱ kareyya.|| ||

Atha uttarāya disāya ṭhito puriso evaɱ vadeyya:|| ||

"Ahaɱ gamanena lokassa antaɱ pāpuṇissāmī" ti.|| ||

So aññatreva asitapītakhāyitasāyitā aññatreva uccārapassāvakammā aññatreva niddākilamathapaṭivinodanā vassasatāyuko vassasatajīvī vassasataɱ gantvā appatvāva lokassa antaɱ antarā kālaɱ kareyya.|| ||

Atha dakkhiṇāya disāya ṭhito puriso evaɱ vadeyya:|| ||

"Ahaɱ gamanena lokassa antaɱ pāpuṇissāmī" ti.|| ||

So aññatreva asitapītakhāyitasāyitā aññatreva uccārapassāvakammā aññatreva niddākilamathapaṭivinodanā vassasatāyuko vassasatajīvī vassasataɱ gantvā appatvāva lokassa antaɱ antarā kālaɱ kareyya.|| ||

Taɱ kissa hetu?|| ||

Nāhaɱ brāhmaṇā,||
evarūpāya sandhāvanikānaya lokassa antaɱ ñāteyyaɱ daṭṭheyyaɱ patteyyanti vadāmi.|| ||

Na cāhaɱ brāhmaṇā,||
appattāva lokassa antaɱ dukkhassantakiriyaɱ vadāmīti.|| ||

5. Pañc'ime brāhmaṇā,||
kāmaguṇā ariyassa vinaye lokoti vuccati.|| ||

Katame pañca?|| ||

6. Cakkhu viññeyyā rūpā||
iṭṭhā kantā manāpā piyarūpā kāmūpasaɱhitā rajanīyā,||
sota viññeyyā saddā||
iṭṭhā kantā manāpā piyarūpā kāmūpasaɱhitā rajanīyā,||
ghāna viññeyyā gandhā||
iṭṭhā kantā manāpā piyarūpā kāmūpasaɱhitā rajanīyā,||
jivhā viññeyyā rasā||
iṭṭhā kantā manāpā piyarūpā kāmūpasaɱhitā rajanīyā,||
kāya viññeyyā phoṭṭhabbā||
iṭṭhā kantā manāpā piyarūpā kāmūpasaɱhitā rajanīyā.|| ||

Ime kho brāhmaṇā,||
pañca kāmaguṇā ariyassa vinaye lokoti vuccati.|| ||

7. Idha, brāhmaṇā bhikkhave, vivicc'eva kāmehi vivicca akusalehi dhammehi savitakkaɱ savicāraɱ vivekajaɱ pīti-sukhaɱ paṭhamaɱ-jhānaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokassa ante viharati.|| ||

Tam aññe evam āhaɱsu:|| ||

"Ayam pi lokapariyāpanno,||
anissaṭo lokamhā" ti.|| ||

Aham pi brāhmanā,||
evaɱ vadāmi:|| ||

"Ayam pi lokapariyāpanno,||
ayam pi anissaṭo lokāmhā" ti.|| ||

[431] 8. Puna ca paraɱ brāhmaṇā,||
bhikkhu vitakka-vicārānaɱ vūpasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pīti-sukhaɱ dutiyaɱ-jhānaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokassa ante viharati.|| ||

Tamaññe evam āhaɱsu:|| ||

"Ayam pi lokapariyāpanno,||
anissaṭo lokamhā" ti.|| ||

Aham pi brāhmanā,||
evaɱ vadāmi:|| ||

"Ayam pi lokapariyāpanno,||
ayam pi anissaṭo lokāmhā" ti.|| ||

Pītiyā ca virāgā upekkhako ca viharati sato ca sampajāno,||
sukhañca kāyena paṭisaɱvedeti,||
yaɱ taɱ ariyā āvikkhanti
'Upekkhako satimā sukha-vihārī' ti,||
tatiyaɱ-jhānaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokassa ante viharati.|| ||

Tamaññe evam āhaɱsu:|| ||

"Ayam pi lokapariyāpanno,||
anissaṭo lokamhā" ti.|| ||

Aham pi brāhmanā,||
evaɱ vadāmi:|| ||

"Ayam pi lokapariyāpanno,||
ayam pi anissaṭo lokāmhā" ti.|| ||

Sukhassa ca pahānā dukkhassa ca pahānā pubb'eva somanassa-domanassānaɱ atthaŋgamā adukkhaɱ-asukhaɱ upekkhā-sati-pārisuddhiɱ catutthaɱ-jhānaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokassa ante viharati.|| ||

Tamaññe evam āhaɱsu:|| ||

"Ayam pi lokapariyāpanno,||
anissaṭo lokamhā" ti.|| ||

Aham pi brāhmanā,||
evaɱ vadāmi:|| ||

"Ayam pi lokapariyāpanno,||
ayam pi anissaṭo lokāmhā" ti.|| ||

9. Puna ca paraɱ brāhmaṇā,||
bhikkhu sabbaso rūpa-saññānaɱ samatikkamā paṭigasaññānaɱ atthaŋgamā nānattasaññānaɱ amanasi-kārā ananto ākāsoti ākāsānañcāyatanaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokāssa ante viharati,||
tamaññe evam āhaɱsu:|| ||

"Ayaɱm pi lokapariyāpanno,||
ayam pi anissaṭo lokamhā" ti.|| ||

Aham pi brāhmaṇā evaɱ vadāmi:|| ||

"Ayam pi lokapariyāpanno,||
ayam pi anissaṭo lokāmhā" ti.|| ||

10. Puna ca paraɱ brāhmaṇā,||
bhikkhu sabbaso ākāsānañcāyatanaɱ samatikkamma ''Anantaɱ viññāṇan' ti viññāṇañcāyatanaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokassa ante viharati.|| ||

Tamaññe evam āhaɱsu:|| ||

"Ayam pi lokapariyāpanno,||
anissaṭo lokamhā" ti.|| ||

Aham pi brāhmanā,||
evaɱ vadāmi:|| ||

"Ayam pi lokapariyāpanno,||
ayam pi anissaṭo lokāmhā" ti.|| ||

11. Puna ca paraɱ brāhmaṇa,||
bhikkhu sabbaso viññāṇañcāyatanaɱ samatikkamma n'atthi kiñcī' ti ākiñcaññāyatanaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokassa ante viharati.|| ||

Tamaññe evam āhaɱsu:|| ||

"Ayam pi lokapariyāpanno,||
anissaṭo lokamhā" ti.|| ||

Aham pi brāhmanā,||
evaɱ vadāmi:|| ||

"Ayam pi lokapariyāpanno,||
ayam pi anissaṭo lokāmhā" ti.|| ||

12. Puna ca paraɱ brāhmaṇa,||
bhikkhu sabbaso ākiñcaññāyatanaɱ samatikkamma n'eva-saññā-nāsaññāyatanaɱ upasampajja viharati.|| ||

Ayaɱ vuccati brāhmaṇā,||
bhikkhu lokassa antaɱ āgamma lokasse ante viharati.|| ||

Tamaññe evam āhaɱsu:|| ||

"Ayam pi lokapariyāpanto ayam pi anissaṭo lokāmhā" ti.|| ||

Ahampi brāhmaṇā, evaɱ vadāmi:|| ||

"Ayam pi lokapariyāpanno,||
ayam pi anissaṭo lokamhā" ti.|| ||

13. Puna ca paraɱ brāhmaṇā,||
bhikkhu sabbaso n'eva-saññā-nāsaññāyatanaɱ samatikkamma saññāvedayitanirodhaɱ upasampajja viharati.|| ||

Paññāya c'assa disvā āsavā parikkhiṇā honti.|| ||

Ayaɱ vuccati brāhmaṇā,||
bhikkhu lo [432] kassa antaɱ āgamma lokassa ante viharati
tiṇṇo loke visattikan ti.|| ||

 


Contact:
E-mail
Copyright Statement   Webmaster's Page