Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Navaka Nipāta

Sutta 40

Āraññakanāgopama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Aŋguttara-Nikāya edited by Prof. E. Hardy, PhD., D.D..

 


 

[1][pts][ati] Evaɱ me sutaɱ:|| ||

Sāvatthinidānaɱ.|| ||

Yasmiɱ bhikkhave samaye āraññakassa nāgassa gocarapasutassa hatthī pi hatthiniyo pi hattikalabhā pi hatthicchā pi purato gantvā tiṇaggāni chindanti,||
tena bhikkhave āraññako nāgo aṭṭhiyati harāyati jigucchati.|| ||

Yasmiɱ bhikkhave, samaye āraññakassa nāgassa gocarapasutassa hatthī pi hatthiniyo pi hatthikalabhā pi hatthicchāpā pi ohaggobhaggaɱ sākhābhaŋgaɱ khādanti.|| ||

Tena bhikkhave, āraññako nāgo aṭṭīyati harāyati jigucchati.|| ||

Yasmiɱ bhikkhave,||
samaye āraññakassa nāgassa ogāhaɱ otiṇṇassa hatthī pi hatthiniyo pi hatthikalabhā pi hatthicchāpā pi purato purato ganatvā soṇḍāya udakaɱ ālolonti.|| ||

Tena bhikkhave, āraññako nāgo aṭṭīyati harāyati jigucchati.|| ||

Yasmiɱ bhikkhave, samaye āraññakassa nāgassa ogābhaɱ otiṇṇassa hatthīniyo kāyaɱ upanighaɱsantiyo gacchanti,||
tena bhikkhave,||
āraññako nāgo aṭṭhiyati harāyati jigucchati.|| ||

[2] Tasmaɱ bhikkhave, samaye āraññakassa nāgāssa evaɱ hoti:||
'ahaɱ kho etarahi ākaṇṇo viharāmi,||
hatthihi hatthinīhi hatthikalabhehi hatthicchāpehi,||
chinnaggāni c'eva tiṇāni khādāmi.|| ||

Obhaggobhaggañ ca me sākhabhaŋgaɱ khādanti.|| ||

Āvilāni ca pānīyāni pivāmi||
ogāhaɱ ca me otiṇṇassa hatthiniyo kāyaɱ upanighaɱsanniyo gaccanti||
yan nūnāhaɱ eko gaṇasmā vūpakaṭṭho vihareyyan' ti.|| ||

So aparena samayena eko gaṇasmā vūpakaṭṭho viharati||
accinnaggāni c'eva tiṇāni khādati.|| ||

Ohaggobhaggañ c'assa [436] sākhābhaŋgaɱ na khādanti anāvilāni ca pāniyāni pivati.|| ||

Ogāhañ c'assa otiṇṇassa na hatthiniyo kāyaɱ upanighaɱsanniyo gaccanti.|| ||

Tasmiɱ bhikkhave, samaye āraññakassa nāgāssa evaɱ hoti:||
'Ahaɱ kho pubbe ākiṇṇo vihāsiɱ hatthihi hatthinīhi hatthīkalabhehi hatthiccāpehi,||
chinnaggāni c'eva tiṇāni khādiɱ,||
ohaggobhaggañ ca me sākhābhaŋghaɱ khādiɱsu.|| ||

Āvilāni ca pānīyāni āpāyiɱ,||
ogāhañ ca me otiṇṇassa hatthiniyo kāyaɱ upanighaɱsanniyo agamaɱsu.|| ||

So'haɱ etarahi eko gaṇasmā vūpakaṭṭho viharāmi,||
acchinnaggāni c'eva tiṇāni khādāmi.|| ||

Obhaggobhaggañ ca me sākhābhaŋgaɱ na khādanti||
anāvilāni ca pānīyāni pivāmi,||
ogāhañ ca otiṇnassa na bhatthiniyo kāyāɱ upanighaɱsantiyo gaccantī' ti.|| ||

'So soṇḍāya sākhābhaŋgaɱ bhañjitvā sākhābhaŋgena kāyaɱ parimadditvā attamano kaṇḍuɱ saɱhanti.|| ||

[3] Evam eva kho bhikkhave, yasmiɱ samaye bhikku ākiṇṇo viharati||
bhikkhuhi bhikkhunīhi upāsakehi upāsākāhi||
raññā rājamahāmattehi titthiyehi titthiyasāvakehi,||
tasmiɱ samaye bhikkhussa evaɱ hoti:||
'ahaɱ kho etarahi ākiṇṇo viharāmi,||
bhikkhuhī bhikkhunīhi upāsakehi upāsikāhi||
raññā rājamahāmattehi titthiyehi titthiyasāvakehi.|| ||

Yan nūnāhaɱ eko gaṇasmā vūpakaṭṭho vihareyyan' ti.|| ||

So vicittaɱ senāsanaɱ bhajati araññaɱ [437] rukkhamūlaɱ pabbataɱ kandaraɱ giriguhaɱ susānaɱ vanapatthaɱ abbhokāsaɱ palālapuñjaɱ.|| ||

So araññagato vā rukkhamūgato vā suññāgāragato vā nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā.|| ||

So abhijjhaɱ loke pahāya vigatābhijejhana cetasā viharati,||
abhijjhāya cittaɱ parisodheti.|| ||

Vyāpādapadosaɱ pahāya akhyāpannacitto viharati||
sabbapāṇabhutahitānukampī,||
vyāpādapadosā cittaɱ parisodheti.|| ||

Thīna middhaɱ pahāya vigatathīnamiddho viharati||
ālokasaññi sato sampajāno,||
thinamiddhā cittaɱ parisodheti.|| ||

Uddhaccakukkuccaɱ pahāya anuddhato viharati||
ajjhattaɱ vūpasantacitto uddhaccakukkuccā cittaɱ parisodheti.|| ||

Vicikicchaɱ pahāya tiṇṇavicikiccho viharati||
akathaŋkathi kusalesu dhammesu,||
vicikicchāya cittaɱ parisodheti.|| ||

So ime pañca nīvaraṇe pahāya cetaso upakkilese paññāya dubbalīkaraṇe vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ-jhānaɱ upasampajja viharati.|| ||

So attamano kaṇḍuɱ saɱhanti.|| ||

vitakka-vicārānaɱ vūpasamā||
ajjhattaɱ sampasādanaɱ||
cetaso ekodi-bhāvaɱ||
avitakkaɱ avicāraɱ||
samādhijaɱ pīti-sukhaɱ||
dutiyaɱ-jhānaɱ upasampajja viharati.|| ||

So attamano kaṇḍuɱ saɱhanti.|| ||

Pītiyā ca virāgā upekkhako ca||
viharati sato ca sampajāno,||
sukhañ ca kāyena paṭisaŋvedeti,||
yaɱ taɱ ariyā āvikkhanti upekkhako satimā sukhavihārī ti,||
tatiyaɱ-jhānaɱ upasampajja viharati.|| ||

So attamano kaṇḍuɱ saɱhanti.|| ||

Sukhassa ca pahānā dukkhassa ca pahānā||
pubb'eva somanassa-domanassānaɱ atthaŋgamā||
adukkhaɱ-asukhaɱ upekkhā-sati-pārisuddhiɱ||
catutthaɱ-jhānaɱ upasampajja viharati.|| ||

So attamano kaṇḍuɱ saɱhanti.|| ||

Sabbaso rūpa-saññānaɱ samatikkamā paṭigha-saññānaɱ atthaŋgamā nānattasaññānaɱ amanasi-kārā 'anatto ākāso' ti,||
ākāsanañcāyatanaɱ upasampajja viharati.|| ||

So attamano kaṇḍuɱ saɱhanti.|| ||

Sabbaso ākāsanañcāyatanaɱ samatikkama 'anantaɱ viññānan' ti,||
viññānañcāyatanaɱ upasampajja viharati.|| ||

So attamano kaṇḍuɱ saɱhanti.|| ||

Sabbaso viññānañcāyatanaɱ samatikkamma 'n'atthi kiñci' ti||
ākiñcaññāyatanaɱ upasampajja viharati.|| ||

So attamano kaṇḍuɱ saɱhanti.|| ||

Sabbaso ākiñcaññāyatanaɱ samatikkamma n'eva-saññā-nāsaññāyatanaɱ upasampajja viharati.|| ||

So attamano kaṇḍuɱ saɱhanti.|| ||

Sabbaso n'eva-saññā-nāsaññāyatanaɱ [438] samatikkamma saññāvedayita nirodhaɱ upasampajja viharati.|| ||

Paññāya c'assa disvā āsavā parikkhiṇā honti.|| ||

So attamano kaṇḍuɱ saɱhantī ti.|| ||

 


Contact:
E-mail
Copyright Statement   Webmaster's Page