Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
X. Dasaka-Nipāta
I. Ānisaɱsa Vagga

Namo tassa Bhagavato Sammā-sambuddhassa

Sutta 1

Kim Atthiya? Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D..

 


[1]

[1][pts][bodh][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Ānando yena Bhagavā ten'upasaɱkami.||
Upasaŋkamitvā Bhagavantaɱ abhivādetvā eka-m-antaɱ nisīdi.||
Eka-m-antaɱ nisinno kho āyasmā Ānando Bhagavantaɱ etad avoca:|| ||

'Kimatthiyāni bhante kusalāni sīlāni, kimānisaɱsānī' ti?|| ||

'Avippaṭisāratthāni kho Ānanda kusalāni sīlāni, avippaṭisārānisaɱsānī' ti.|| ||

'Avippaṭisāro pana bhante kimatthiyo, kimānisaɱso' ti?|| ||

'Avippaṭisāro kho Ānanda pāmujjattho, pāmujjānisaɱso' ti.|| ||

'Pāmujjaɱ pana bhante kimatthiyaɱ, kimānisaɱsan' ti?|| ||

'Pāmujjaɱ kho Ānanda pītatthaɱ, pītānisaɱsan' ti.|| ||

'Pīti pana bhante kimatthiyā, kimānisaɱsā' ti?|| ||

'Pīti kho Ānanda passaddhatthā, passaddhānisaɱsā' ti.|| ||

'Passaddhi pana bhante kimatthiyā, kimānisaɱsā' ti?|| ||

'Passaddhi kho Ānanda sukhatthā, sukhānisaɱsā' ti.|| ||

'Sukhaɱ pana bhante kimatthiyaɱ, kimānisaɱsan' ti?|| ||

'Sukhaɱ kho Ānanda samādhatthaɱ, [2] samādhānisaɱsan' ti.|| ||

'Samādhi pana bhante kimatthiyo, kimānisaɱso' ti?|| ||

'Samādhi kho Ānanda yathābhūtañāṇadassanattho, yathābhūtañāṇadassanānisaɱso' ti.|| ||

'Yathābhūtañāṇadassanaɱ pana bhante kimatthiyaɱ, kimānisaɱsan' ti?|| ||

'Yathābhūtañāṇadassanaɱ kho Ānanda nibbidāvirāgatthaɱ, nibbidāvirāgānisaɱsan' ti.|| ||

'Nibbidāvirāgo pana bhante kimatthiyo, kimānisaɱso' ti?|| ||

'Nibbidāvirāgo kho Ānanda vimuttiñāṇadassanattho, vimuttiñāṇadassanānisaɱso' ti.|| ||

2. Iti kho Ānanda kusalāni sīlāni avippaṭisāratthāni avippaṭisārānisaɱsāni.||
Avippaṭisāro pāmujjattho, pāmujjānisaɱso.||
Pāmujjaɱ pītatthaɱ pītānisaɱsaɱ.||
Pīti passaddhatthā, passaddhānisaɱsā.||
Passaddhi sukhatthā sukhānisaɱsā.||
Sukhaɱ samādhatthaɱ samādhānisaɱsaɱ.||
Samādhi yathābhūtañāṇadassanattho yathābhūtañāṇadassanānisaɱso.||
Yathābhūtañāṇadassanaɱ nibbidāvirāgānisaɱsaɱ.||
Nibbidāvirāgo vimuttiñāṇadassanattho vimuttiṇadassanānisaɱso.|| ||

Iti kho Ānanda kusalāni sīlāni anupubbena aggāya parentī ti.|| ||

 


Contact:
E-mail
Copyright Statement   Webmaster's Page