Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
X. Dasaka-Nipāta
II. Nātha Vagga

Sutta 11

Senāsana Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


[15]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Pañcaŋgasamannāgato bhikkhave bhikkhu pañcaŋgasamannāgataɱ senāsanaɱ sevamāno bhajamāno na cirass'eva āsavānaɱ khayā anāsavaɱ ceto-vimuttiɱ paññā-vimuttiɱ diṭiṭh'eva dhamme sayaɱ abhiññā sacchikatvā upasampajja vihareyya.|| ||

2. Kathañ ca bhikkhave bhikkhu pañcaŋgasamannāgato hoti?|| ||

Idha, bhikkhave, bhikkhu saddho hoti,||
saddahati Tathāgatassa bodhiɱ:|| ||

'Iti pi so Bhagavā arahaɱ sammā samibuddho vijjācaraṇa sampanno sugato loka-vidū anuttaro purisadhammasārathi Satthā deva-manussānaɱ buddho Bhagavā' ti.|| ||

Appābādho hoti appātaŋiko samavepākiniyā gahaṇiyā samannāgato nātisītāya nāccuṇhāya majjhamāya padhānakkhamāya.|| ||

Asaṭho hoti amāyāvī,||
yathābhūtaɱ attānaɱ āvīkattā Satthari vā viññūsu vā sabrahmacārīsu.|| ||

Āraddhaviriyo viharati akusalānaɱ dhamimānaɱ pahānāya kusalānaɱ dhamimānaɱ upasamipadāya thāmavā daḷhaparakkamo anikkhittadhuro kusalesu dhamimesu.|| ||

Paññavā hoti udayatthagāminiyā paññāya samannāgato ariyāya nibibedhikāya sammādukkhakkhayagāminiyā.|| ||

Evaɱ kho bhikkhave bhikkhu pañcaŋgasamannāgato hoti.|| ||

3. Kathañ ca bhikkhave senāsanaɱ pañcaŋgasamannāgataɱ hoti?|| ||

Idha, bhikkhave, senāsanaɱ nātidūraɱ hoti nāccāsannaɱ gamanāgamanasamipannaɱ divā appakiṇṇaɱ rattiɱ appasaddaɱ appanigghosaɱ,||
appaḍaɱsamakasavātātapasiriɱsapasamphassaɱ.|| ||

Tasmiɱ kho pana senāsane viharantassa appakasiran'eva uppajjanti cīvara-piṇḍapāta-senāsana-gilāna-paccaya-bhesajja-parikkhāraɱ.|| ||

Tasmiɱ kho pana senāsane therā bhikkhu viharanti bahussutā āgatāgamā [16] dhammadharā vinayadharā mātikādharā,||
te kālena kālaɱ upasaŋikamitvā paripucichati paripañhati:|| ||

"Idam bhante kathaɱ,||
imassa ko attho" ti?|| ||

Tassa te āyasmanto avivaṭañ c'eva vivaranti,||
anuttānīkatañ ca uttānīɱ karonti.|| ||

Anekavihitesu ca kaŋikhāṭṭhānīyesu dhamimesu kaŋikhaɱ paṭivinodenti.|| ||

Evaɱ kho bhikkhave senāsanaɱ pañcaŋgasamannāgataɱ hoti.|| ||

Pañcaŋgasamannāgato kho bhikkhave bhikkhu pañcaŋgasamannāgataɱ senāsanaɱ sevamāno bhajamāno na cirass'eva āsavānaɱ khayā anāsavaɱ cetovimuttaɱ paññā-vimuttiɱ diṭṭhe va dhamme sayaɱ abhiññā sacchikatvā upasampajja vihareyyā ti.|| ||

 


Contact:
E-mail
Copyright Statement   Webmaster's Page