Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
X. Dasaka-Nipāta
II. Nātha Vagga

Sutta 12

Pañcaŋga Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


[16]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Pañcaŋgavippahīno bhikkhave bhikkhu pañcaŋga samannāgato imasmiɱ dhammavinaye:|| ||

'Kevalī vusitavā uttamapurisoti vucca' ti.|| ||

Kathañ ca bhikkhave bhikkhu pañcaŋgavippahīno hoti?|| ||

2. Idha, bhikkhave, bhikkhuno kāmacchando pahīno hoti,||
vyāpādo pahīno hoti,||
thīnamiddhaɱ pahīnaɱ hoti,||
uddhaccha-kukkuccaɱ pahīnaɱ hoti,||
vicikicchā pahīnā hoti.|| ||

Evaɱ kho bhikkhave bhikkhu pañcaŋgavippahīno hoti.|| ||

Kathañ ca bhikkhave bhikkhu pañcaŋgasamannāgato hoti?|| ||

Idha, bhikkhave, bhikkhu asekhena sīlakkhandhena samannāgato hoti,||
asekhena samādhikkhandhena samannāgato hoti,||
asekhena paññākkhandhena samannāgato hoti,||
asekhena vimuttikkhandhena samannāgato hoti,||
asekhena vimutti-ṇaṇa-dassana-kkhandhena samannāgato hoti.|| ||

Evaɱ kho bhikkhave bhikkhu pañcaŋgasamannāgato hoti.|| ||

Pañcaŋgavippahīno bhikkhave bhikkhu pañcaŋgasamannāgato imasmiɱ dhammavinaye:|| ||

'Kevalī vusitavā uttamapuriso' ti vuccatī ti.|| ||

Kāmacchando ca vyāpādo thīnamiddhañ ca bhikkhuno,||
Uddhaccaɱ vicikicchā ca sabibaso'va na vijjati.|| ||

[17] Asekhena ca sīlena asekhena samādhinā||
Vimuttiyā ca samipanno ñāṇena ca tathāvidho.|| ||

Sa ve pañcaŋgasamipanno pañca aŋge vivajjayaɱ||
Imasmiɱ dhammavinaye kevalī iti vuccatī ti.|| ||

 


Contact:
E-mail
Copyright Statement   Webmaster's Page