Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
X. Dasaka-Nipāta
III. Mahā Vagga

Sutta 27

Mahā-Pañha Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


[48]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharataki Jetavane Anāthapiṇḍikassa ārāme.|| ||

Atha kho sambhahulā bhikkhu pubbaṇha samayaɱ nivāsetvā pattacīvaramādāya Sāvatthiyaɱ piṇḍāya pavisiɱsu.|| ||

Atha kho tesaɱ bhikkhunaɱ etad ahosi:|| ||

'Atipaggo kho tāva Sāvatthiyaɱ piṇḍāya carituɱ,||
yan nūna mayaɱ yena aññatitthiyānaɱ paribbājakānaɱ ārāmo ten'upasaŋkameyyāmā' ti.|| ||

Atha kho te bhikkhu yena aññatitthiyānaɱ paribbājakānaɱ ārāmo ten'upasaɱkamiɱsu.|| ||

Upasaɱkamitvā tehi aññatitthiyehi paribbājakehi saddhiɱ sammodiɱsu.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdiɱsu.|| ||

Eka-m-antaɱ nisinne kho te bhikkhu te aññatitthiyā paribbājakā etad avocuɱ.|| ||

'Samaṇo āvuso Gotamo sāvakānaɱ evaɱ dhammaɱ deseti:||
etha tumhe bhikkhave sabbaɱ dhammaɱ abhijānātha:||
sabbaɱ dhammaɱ abhiññāya abhiññāya viharathā' ti.|| ||

Mayam pi kho āvuso sāvakānaɱ evaɱ dhammaɱ desema:||
'etha tumhe āvuso sabbaɱ dhammaɱ abhijānātha:||
sabbaɱ dhammaɱ abhiññāya abhiññāya viharathā' ti.|| ||

Idha no āvuso ko viseso, ko adhippāyo,||
kiɱ nānākaraṇaɱ samaṇassa vā Gotamassa amhākaɱ vā yad idaɱ [49] dhammadesanāya vā dhammadesanaɱ,||
anusāsaniyā vā anusāsanin' ti?|| ||

Atha kho te bhikkhu tesaɱ aññatitthiyānaɱ paribbājakānaɱ n'eva abhinandiɱsu na paṭikkosiɱsu,||
anabhinanditvā appaṭikkositvā uṭṭhāy āsanā pakkamiɱsu Bhagavato santike etassa bhāsitassa atthaɱ ājānissāmāti.|| ||

Atha kho te bhikkhu Sāvatthiyaɱ piṇḍāya caritvā pacchā hattaɱ piṇḍapāta paṭikakkantā yena Bhagavā ten'upasaɱkamiɱsu.|| ||

Upasaɱkamitvā Bhagavantaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinnā kho te bhikkhu Bhagavantaɱ etad avocuɱ:|| ||

Idha mayaɱ bhante, pubbaṇhasamayaɱ nivāsetvā patta cīvaramādāya Sāvatthiyaɱ piṇḍāya pavisimha.|| ||

Tesaɱ no bhante, amhākaɱ etad ahosi:||
'atippago kho tāva Sāvatthiyaɱ piṇḍāya carituɱ,||
yan nūna mayaɱ yena aññatitthiyānaɱ paribbājakānaɱ ārāmo ten'upasaɱkameyyāmā' ti.|| ||

Atha kho mayaɱ bhante yena aññatitthiyānaɱ paribbājakānaɱ ārāmo, ten'upasaɱkamimha.|| ||

Upasaɱkamitvā tehi aññatitthiyehi paribbājakehi saddhiɱ sammodimha.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdimha.|| ||

Eka-m-antaɱ nisinno kho bhante aññatitthiyā paribbājakā amhe etad avocuɱ:||
'samaṇo āvuso Gotamo sāvakānaɱ evaɱ dhammaɱ deseti:||
'etha tumhe bhikkhave sabbaɱ dhammaɱ abhijānātha, sabbaɱ dhammaɱ abhiññāya abhiññāya viharathā' ti.|| ||

Mayam pi kho āvuso sāvakānaɱ evaɱ dhammaɱ desema:||
'etha tumhe āvuso sabbaɱ dhammaɱ abhijānātha, sabbaɱ dhammaɱ abhiññāya abhiññāya viharathā' ti.|| ||

Idha no āvuso ko viseso, ko adhippāyo kiɱnānā karaṇaɱ,||
samaṇassa vā Gotamassa amhākaɱ vā yad idaɱ dhammadesanāya vā dhammadesanaɱ anusāsaniyā vā anusāsanin' ti.|| ||

Atha [50] kho mayaɱ bhante kesaɱ aññatitthiyānaɱ paribbājakānaɱ bhāsitaɱ n'eva abhinandimha, na paṭikkosimha.|| ||

Anabhinanditvā apaṭikkositvā uṭṭhāy āsanā pakkamimha.|| ||

''Bhagavato santike etassa bhāsitassa atthaɱ ājānissāmā' ti.|| ||

Evaɱ vādino bhikkhave aññatitthiyā paribbājakā evamassu vacanīyā:||
'eko āvuso pañho, eko uddeso, ekaɱ veyyākaraṇaɱ,||
dve pañhā, dve uddesā, dve veyyākaraṇāni,||
tayo pañhā, tayo uddesā tīṇi veyyākaraṇāni,||
cattāro pañhā, cattāro uddesā, cattāri veyyākaraṇāni,||
pañca pañhā, pañcuddesā, pañca veyyākaraṇāni,||
cha pañhā, cha uddesā, cha veyyākaraṇāni,||
satta pañhā, satta uddesā, satta veyyākaraṇāni,||
aṭṭha pañhā, aṭṭha uddesā, aṭṭha veyyākaraṇāni,||
nava pañhā, nava uddesā, nava veyyākaraṇāni,||
dasa pañhā, dasuddesā, dasa veyyākaraṇānī ti.|| ||

Evaɱ puṭṭho bhikkhave aññatitthiyā paribbājakā na c'eva sampāyissanti,||
uttariñca vighātaɱ āpajjissanti.|| ||

Taɱ kissa hetu?|| ||

Yathā taɱ bhikkhave avisayasmiɱ.|| ||

Nāhantaɱ bhikkhave passāmi sadevake loke samārake sabrahmake sassamaṇa brāhmaṇiyā pajāya sadeva manussāya,||
yo imesaɱ pañhānaɱ veyyākaraṇena cittaɱ ārādheyya,||
aññatra Tathāgatena vā Tathāgatasāvakena vā,||
ito vā pana sutvā.|| ||

Eko pañho, eko uddeso,||
ekaɱ veyyākaraṇanti iti kho pan'etaɱ vuttaɱ,||
kiñc'etaɱ paṭicca vuttaɱ:||
ekadhamme bhikkhave bhikkhu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca1 diṭṭhe va dhamme dukkhassantakaro hoti,||
katamasmiɱ eka dhamme:||
sabbe sattā āhāraṭṭhitikā.|| ||

[51] Imasmiɱ kho bhikkhave ekadhamme bhikkhu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Eko pañho, eko uddeso, ekaɱ veyyākaraṇanti iti vuttaɱ,||
idame taɱ paṭicca vuttaɱ.|| ||

Dve pañhā, dve uddesā, dve veyyākaraṇānīti||
iti kho pan'etaɱ vuttaɱ kiñc'etaɱ paṭicca vuttaɱ:||
dvīsu bhikkhave dhammesu bhikkhu sammā nibbindamāno sammā virajjamāno sammāvimuccamāno sammā pariyantadassāvī sammatthābhisamecca diṭṭhe va dhamme dukkassantakaro hoti,||
katamesu dvīsu:||
nāme ca rūpe ca.|| ||

Imesu kho bhikkhave dvīsu dhammesu bhikkhu sammā nibbindamāno sammā virajjamāno sammāvimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Dve pañhā, dve uddesā, dve veyyākaraṇānīti||
iti yaɱ taɱ vuttaɱ idame taɱ paṭiccavuttaɱ.|| ||

Tayo pañhā, tayo uddesā, tayo veyyākaraṇānīti||
iti kho pan'etaɱ vuttaɱ kiñc'etaɱ paṭicca vuttaɱ:||
tīsu bhikkhave dhammesu bhikkhu sammā nibbindamāno sammā virajjamāno sammāvimuccamāno sammā pariyantadassāvī sammatthābhisamecca1 diṭṭhe va dhamme dukkassantakaro hoti,||
katamesu tīsu:||
tīsu vedanāsu.|| ||

Imesu kho Bhikkhave tīsu dhammesu bhikkhu sammā nibbindamāno sammā virajjamāno sammāvimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Tayo pañhā, tayo uddesā, tīṇi veyyākaraṇānīti||
iti yaɱ taɱ vuttaɱ idame taɱ paṭiccavuttaɱ.|| ||

Cattāro pañhā, cattāro uddesā, cattāri veyyākaraṇānīti||
iti kho pan'etaɱ vuttaɱ,||
kiñc'etaɱ paṭicca vuttaɱ:||
[52] catūsu bhikkhave dhammesu bhikkhu sammā nibbindamāno sammāvirajjamāno sammāvimuccamāno sammā pariyantadassāvī sammatthābhisamecca diṭṭh'eva Dhamme dukkassantakaro hoti,||
katamesu catūsu:||
catūsu āhāresu.|| ||

Imesu kho bhikkhave catūsu dhammesu bhikkhu sammā nibbindamāno sammā virajjamāno sammāvimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Cattāro pañhā, cattāro uddesā, cattāri veyyākaraṇānīti iti yaɱ nīti,||
iti yaɱ taɱ vuttaɱ idame taɱ paṭiccavuttaɱ.|| ||

Pañca pañhā, pañcuddessā, pañca veyyākaraṇānīti||
iti kho pan'etaɱ vuttaɱ,||
kiñc'etaɱ paṭicca vuttaɱ:||
Pañcasu bhikkhave dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Sammā vimuccamāno sammā pariyantadassāvī sammatthābhisamecca diṭṭhe va dhamme dukkassantakaro hoti, katamesu pañcasu:||
pañcasuupādānakkhandhesu.|| ||

Imesu kho bhikkhave pañcasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Pañca pañhā, pañcuddesā pañcaveyyākaraṇānīti.|| ||

Iti yaɱtaɱ vuttaɱ idame taɱ paṭiccavuttaɱ.|| ||

Dukkhassantakaro hoti pañca pañhā,||
pañcuddesā, pañcaveyyākaraṇānīti.|| ||

Iti yaɱ taɱ vuttaɱ idame taɱ paṭicca vuttaɱ.|| ||

Cha pañhā, cha uddesā cha veyyākaraṇānīti||
iti kho pan'etaɱ vuttaɱ,||
kiñc'etaɱ paṭicca vuttaɱ:||
chasu bhikkhave dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkassantakaro hoti,||
katamesu chasu||
chasu ajjhattikesu āyatanesu.|| ||

Imesu kho bhikkhave chasu dhammesu bhikkhu sammā nibbindamāno sammā Sammā virujjamāno sammā vimaccamāne sammā puriyantadasusāvī sammatthābhisamecca diṭṭhe va dhamme dakkhassantakaro hoti.|| ||

Pañca pañhā, pañcaddesā pañcaveyyākaraṇānīti.|| ||

Iti yaɱtaɱ vattaɱ idame taɱ paṭiccavattaɱ.|| ||

Sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Pañca pañhā, pañcuddesā pañcaveyyākaraṇānīti.|| ||

Iti yaɱtaɱ vuttaɱ idame taɱ paṭiccavuttaɱ.|| ||

Dhamme dukkhassantakaro hoti [53] cha pañhā, cha uddesā, cha veyyākaraṇānīti.|| ||

Iti yaɱ taɱ vuttaɱ idame taɱ paṭicca vuttaɱ.|| ||

Vuttaɱ idame taɱ paṭicca vuttaɱ.|| ||

Satta pañhā satta uddesā satta veyyākaraṇānīti.|| ||

Iti kho pan'etaɱ vuttaɱ,||
kiñc'etaɱ paṭicca vuttaɱ.|| ||

Sattasu bhikkhave dhammesu bhikkhu samamā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Katamesu sattasu: sattasu viññāṇaṭṭhitisu.|| ||

Imesu kho bhikkhave sattasu dhammesu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Sattapañhā, satta uddesā, satta veyyākaraṇānīti.|| ||

Iti yaɱ taɱ vuttaɱ idame taɱ paṭicca vuttaɱ.|| ||

Aṭṭha pañhā aṭṭhuddesā,||
aṭṭha veyyākaraṇānīti.|| ||

Iti kho pan'etaɱ vuttaɱ,||
kiñc'etaɱ paṭicca vuttaɱ.|| ||

Aṭṭhasu bhikkhave dhammesu bhikkhu samamā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Katamesu aṭṭhasu: aṭṭhasu lokadhammesu.|| ||

Imesu kho bhikkhave aṭṭhasu dhammesu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Sattapañhā, aṭṭha pañhā aṭṭhuddesā aṭṭha veyyākaraṇānīti.|| ||

Iti yaɱ taɱ vuttaɱ idame taɱ paṭicca vuttaɱ.|| ||

Nava pañhā nava uddesā,||
nava veyyākaraṇānīti||
iti kho pan'etaɱ vuttaɱ,||
kiñc'etaɱ paṭicca vuttaɱ:||
navasu bhikkhave dhammesu bhikkhu sammā nibbindamāno sammā virajjamāno nisammāsammā vimuccamāno sammā pariyantadassāvī sammatthābhisamecca diṭṭh'eva Dhamme dukkassantakaro hoti,||
katamesu navasu?||
Navasu sattāvāsesu.|| ||

[54] Imesu kho bhikkhave navasu dhammesu bhikkhu sammā nibbindamāno sammā virajjamāno sammāvimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Nava pañhā, nava uddesā.|| ||

Nava veyyākaraṇānīti iti yaɱ Karo hoti.|| ||

Nava pañhā nava uddesā nava veyyākaraṇānīti iti yaɱtaɱ vuttaɱ,||
idame taɱ paṭiccavuttaɱ.|| ||

Paṭcca vuttaɱ.|| ||

Dasa pañhā, dasuddesā, dasa veyyākaraṇānīti||
iti kho pan'etaɱ vuttaɱ,||
kiñc'etaɱ paṭicca vuttaɱ: dasasu bhikkhave dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkassantakaro hoti,||
katamesu dasasu?||
Dasasu akusalesu dhammesu,||
imesu kho bhikkhave dasasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammatthābhisamecca diṭṭhe va dhamme dukkhassantakaro hoti.|| ||

Pañca pañhā, pañcuddesā pañcaveyyākaraṇānīti.|| ||

Iti yaɱtaɱ vuttaɱ idame taɱ paṭiccavuttaɱ.|| ||

Dukkhassantakaro hoti dasa pañhā, dasuddesā, dasa veyyākaraṇānīti.|| ||

Iti yaɱ taɱ vuttaɱ idame taɱ paṭicca vuttanti.|| ||

 


Contact:
E-mail
Copyright Statement   Webmaster's Page