Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
V. Akkosa Vagga

Sutta 42

Paṭhama Vivādamūla Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho āyasmā Upāli yena Bhagavā ten'upasaɱkami.|| ||

Upasaɱkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Upāli Bhagavantaɱ etad avoca:|| ||

2. Kati nu kho bhante vivādamūlānī ti?|| ||

Dasa kho Upāli vivādamūlāni.|| ||

Katamāni dasa?|| ||

3. Idh'Upāli bhikkhu adhammaɱ 'dhammo' ti dīpenti,||
dhammaɱ 'adhammo' ti dīpenti,||
avinayaɱ 'vinayo' ti dīpenti,||
vinayaɱ 'avinayo' ti dīpenti,||
abhāsitaɱ alapitaɱ Tathāgatena 'bhāsitaɱ lapitaɱ Tathāgatenā' ti dīpenti,||
bhāsitaɱ lapitaɱ Tathāgatena 'abhāsitaɱ alapitaɱ Tathāgatenā' ti dīpenti,||
anāciṇṇaɱ Tathāgatena 'āciṇṇaɱ Tathāgatenā' ti dīpenti,||
āciṇṇaɱ Tathāgatena 'anāciṇṇaɱ Tathāgatenā' ti dīpenti,||
apaññattaɱ Tathāgatena 'paññattaɱ Tathāgatenā' ti dīpenti,||
paññattaɱ Tathāgatena 'apaññattaɱ Tathāgatenā' ti dīpenti.|| ||

Imāni kho Upāli dasa vivādamūlānī ti.|| ||

 


Contact:
E-mail
Copyright Statement   Webmaster's Page