Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
X. Dasaka-Nipāta
IX: Thera-Vagga

Sutta 82

Ānanda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[152]

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho āyasmā Ānando yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Ānandaɱ Bhagavā etad avoca:|| ||

2. "So vat'Ānanda 'bhikkhu assaddho samāno||
imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

3. So vat'Ānanda bhikkhu 'du-s-sīlo samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

4. So vat'Ānanda bhikkhu 'appassuto samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

5. So vat'Ānanda bhikkhu 'dubbaco samāno imasmiɱ Dhamma-Vinaye [153] vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

6. So vat'Ānanda bhikkhu 'pāpa-mitto samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

7. So vat'Ānanda bhikkhu 'kusīto samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

8. So vat'Ānanda bhikkhu 'muṭṭha-s-sati samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

9. So vat'Ānanda bhikkhu 'a-santuṭṭho samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

10. So vat'Ānanda bhikkhu 'pāpiccho samāno imasmiɱ Dhamma-Vinaye vuḍḍhiɱ virūlhiɱ vepullaɱ āpajjissatī' ti n'etaɱ ṭhānaɱ vijjati.|| ||

11. So vat'Ānanda bhikkhu 'micchā-diṭṭhiko samāno imasmiɱ Dhamma-Vinaye vuḍḍhiɱ virūlhiɱ vepullaɱ āpajjissatī' ti n'etaɱ ṭhānaɱ vijjati.|| ||

So vat'Ānanda bhikkhu 'imehi dasahi dhammehi samannāgato imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti n'etaɱ ṭhānaɱ vijjati.|| ||

 

§

 

12. So vat'Ānanda bhikkhu 'saddho samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

13. So vat'Ānanda bhikkhu 'sīlavā samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

14. So vat'Ānanda bhikkhu 'bahu-s-suto suta-dharo samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

15. So vat'Ānanda bhikkhu 'suvaco samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

16. So vat'Ānanda bhikkhu 'kalyāṇa-mitto samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

17. So vat'Ānanda bhikkhu 'āraddha-viriyo samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

18. So vat'Ānanda bhikkhu 'upaṭṭhita-sati samāno imasmiɱ Dhamma-Vinaye vuḍḍhiɱ virūḷhiɱ vepullaɱ [154] āpajjissatī' ti ṭhāname taɱ vijjati.|| ||

19. So vat'Ānanda bhikkhu 'santuṭṭho samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

20. So vat'Ānanda bhikkhu 'appiccho samāno imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

21. So vat'Ānanda bhikkhu 'sammā-diṭṭhiko samāno imasmiɱ dhamma vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjati.|| ||

So vat'Ānanda bhikkhu 'imehi dasahi dhammehi samannāgato imasmiɱ Dhamma-Vinaye vuḍḍhiɱ virūḷhiɱ vepullaɱ āpajjissatī' ti ṭhāname taɱ vijjatī'" ti.|| ||

 


Contact:
E-mail
Copyright Statement