Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
IX: Thera-Vagga

Sutta 83

U-N-A-B-R-I-D-G-E-D

Puṇṇiya Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

2. Atha kho āyasmā Puṇṇiyo yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Puṇṇiyo Bhagavantaɱ etad avoca:|| ||

"Ko nu kho bhante, hetu, ko paccayo,||
yena app'ekadā Tathāgataɱ dhammadesanā paṭibhāti,||
app'ekadā na paṭibhātī" ti?|| ||

3. Saddho ca Puṇṇiyo bhikkhu hoti,||
no ca upasaŋkamitā,||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
no ca payirupāsitā,||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
payirupāsitā ca,||
no ca paripucchitā,||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
paripucchitā ca,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
payirupāsitā ca,||
paripucchitā ca,||
no ca ohitasoto dhammaɱ suṇāti,||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
paripucchitā ca,||
ohitasoto ca dhammaɱ suṇāti,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
payirupāsitā ca,||
paripucchitā ca,||
ohitasoto dhammaɱ suṇāti ca,||
no ca sutvā dhammaɱ dhāreti,||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
paripucchitā ca,||
ohitasoto ca dhammaɱ suṇāti,||
sutvā ca dhammaɱ dhāreti,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
payirupāsitā ca,||
paripucchitā ca,||
ohitasoto dhammaɱ suṇāti ca,||
sutvā dhammaɱ dhāreti ca,||
no ca dhatānaɱ dhammānaɱ atthaɱ upaparikkhati,|| ||

n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
paripucchitā ca,||
ohitasoto ca dhammaɱ suṇāti,||
sutvā ca dhammaɱ dhāreti,||
dhatānañ ca dhammānaɱ atthaɱ upaparikkhati,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
payirupāsitā ca,||
paripucchitā ca,||
ohitasoto dhammaɱ suṇāti ca,||
sutvā dhammaɱ dhāreti ca,||
dhatānañ ca dhammānaɱ atthaɱ upaparikkhati,|| ||

no ca attham [155] aññāya dhammam aññāya dhammānudhammapaṭipanno hoti||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
paripucchitā ca,||
ohitasoto ca dhammaɱ suṇāti,||
sutvā ca dhammaɱ dhāreti,||
dhatānañ ca dhammānaɱ atthaɱ upaparikkhati,||
attha aññāya dhammam aññāya dhammānudhammapaṭipanno ca hoti,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
payirupāsitā ca,||
paripucchitā ca,||
ohitasoto dhammaɱ suṇāti ca,||
sutvā dhammaɱ dhāreti ca,||
dhatānañ ca dhammānaɱ atthaɱ upaparikkhati,|| ||

attham aññāya dhammam aññāya dhammānudhammapaṭipanno hoti||
no ca kalyāṇavāco hoti kalyāṇavākkaraṇo poriyā vācāya samannāgato vissaṭṭhāya aneḷagalāya atthassa viññāpaniyā,||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
paripucchitā ca,||
ohitasoto ca dhammaɱ suṇāti,||
sutvā ca dhammaɱ dhāreti,||
dhatānañ ca dhammānaɱ atthaɱ upaparikkhati,||
attha aññāya dhammam aññāya dhammānudhammapaṭipanno ca hoti,||
kalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya aneḷagalāya atthassa viññāpaniyā,||
evaɱ Tathāgataɱ dhammadesanā paṭibhāti.|| ||

 


 

Saddho ca Puṇṇiyo bhikkhu hoti||
upasaŋkamitā ca,||
payirupāsitā ca,||
paripucchitā ca,||
ohitasoto dhammaɱ suṇāti ca,||
sutvā dhammaɱ dhāreti ca,||
dhatānañ ca dhammānaɱ atthaɱ upaparikkhati,|| ||

no ca attham aññāya dhammam aññāya dhammānudhammapaṭipanno hoti||
kalyāṇavāco hoti kalyāṇavākkaraṇo poriyā vācāya samannāgato vissaṭṭhāya aneḷagalāya atthassa viññāpaniyā,||
no ca sandassako hoti samādapako samuttejako sampahaɱsako sabrahmacārīnaɱ||
n'eva tāva Tathāgataɱ dhammadesanā paṭibhāti.|| ||

Yato ca kho Puṇṇiyo bhikkhu saddho ca||
hoti upasaŋkamitā ca,||
payirupāsitā ca,||
paripucchitā ca,||
ohitasoto ca dhammaɱ suṇāti,||
sutvā ca dhammaɱ dhāreti,||
dhatānañ ca dhammānaɱ atthaɱ upaparikkhati,||
attha aññāya dhammam aññāya dhammānudhammapaṭipanno ca hoti,||
kalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya aneḷagalāya atthassa viññāpaniyā,||
sandassako ca hoti samādapako samuttejako sampahaɱsako sabrahmacārīnaɱ||
evaɱ Tathāgataɱ dhammadesanā paṭibhāti.|| ||

Imehi kho Puṇṇiyo, dasahi dhammehi samannāgatā ekantaɱ paṭibhānaɱ Tathāgataɱ dhammadesanā hotī ti.|| ||

 


Contact:
E-mail
Copyright Statement   Webmaster's Page