Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
IX: Thera-Vagga

Sutta 88

U-N-A-B-R-I-D-G-E-D

Akkosaka Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Yo so bhikkhave bhikkhu akkosaka paribhāsako ariyūpavādī sabrahmacārīnaɱ,||
aṭṭhānam etaɱ anavakāso,||
yaɱ so dasannaɱ vyasanānaɱ aññataraɱ vyasanaɱ na nigaccheyya.|| ||

Katamesaɱ dasannaɱ?|| ||

3. Anadhigataɱ nādhigacchati,||
adhigatā parihāyati,||
saddhammassa na vodāyati||
saddhammesu vā adhimāniko hoti,||
anabhirato vā brahmacariyaɱ carati,||
aññataraɱ vā saŋkiliṭṭhaɱ āpattiɱ āpajjati,||
gāḷhaɱ vā rogātaŋkaɱ phusati,||
ummādaɱ vā pāpuṇāti cittakkhepaɱ,||
sammūḷho kālaɱ karoti,||
kāyassa bhedā param maraṇā apāyaɱ,||
duggatiɱ vinipātaɱ Nirayaɱ upapajjati.|| ||

Yo so bhikkhave bhikkhu akkosaparibhāsako ariyūpavādī sabrahmacārīnaɱ,||
aṭṭhānam etaɱ avakāso,||
yaɱ so imesaɱ dasannaɱ vyasanānaɱ aññataraɱ vyasanaɱ na nigaccheyyā ti.

 


Contact:
E-mail
Copyright Statement   Webmaster's Page