Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
XI: Samaṇasaññā-Vagga

Sutta 105

Vijjā Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Avijjā bhikkhave pubbaŋgamā akusalānaɱ dhammānaɱ samāpattiyā anvad eva ahirikaɱ anottappaɱ.|| ||

Avijjā-gatassa bhikkhave aviddasuno micchā-diṭṭhi pahoti.|| ||

Micchā-diṭṭhikassa micchā-saŋkappo pahoti.|| ||

Micchā-saŋkappassa micchā-vācā pahoti.|| ||

Micchā-vāc'assa micchā-kammanto pahoti.|| ||

Micchā-kammantatassa micchā-ājīvo pahoti.|| ||

Micchā-ājīvassa micchā-vāyāmo pahoti.|| ||

Micchā-vāyāmassa micchā-sati pahoti.|| ||

Micchā-satissa micchā-samādhi pahoti.|| ||

Micchā-samādhi'ssa micchā-ñāṇaɱ pahoti.|| ||

Micchā-ñāṇissa micchā-vimutti pahoti.|| ||

 


 

3. Vijjā bhikkhave pubbaŋgamā kusalānaɱ dhammānaɱ samāpattiyā anvad eva hirottappaɱ.|| ||

Vijjāgatassa bhikkhave viddasuno sammā-diṭṭhi pahoti.|| ||

Sammā-diṭṭhikassa sammā-saŋkappo pahoti.|| ||

Sammā-saŋkappassa sammā-vācā pahoti.|| ||

Sammā-vāc'assa sammā-kammanto pahoti.|| ||

Sammā-kammantassa sammā-ājīvo pahoti.|| ||

Sammā-ājīvassa sammā-vāyāmo pahoti.|| ||

Sammā-vāyāmassa sammā-sati pahoti.|| ||

Sammā-satissa sammā-samādhi pahoti.|| ||

Sammā-samādhi'ssa sammā- ṇaɱ pahoti.|| ||

Sammā-ñāṇassa sammā-vimutti pahotī' ti.|| ||

 


Contact:
E-mail
Copyright Statement   Webmaster's Page