Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
XI: Samaṇasaññā-Vagga

Sutta 110

Niddhamaniya Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Dasa ime bhikkhave niddhamaniyā dhammā.|| ||

Katame dasa?|| ||

Sammādiṭṭhikassa bhikkhave micchādiṭṭhi niddhantā hoti,||
ye ca micchādiṭṭhipaccayā aneke pāpakā akusalā dhammā sambhavanti,||
te c'assa niddhantā honti,||
sammādiṭṭhipaccayā ca aneke kusalā dhammā bhāvanā-pāripūriɱ [221] gacchanti.|| ||

Sammāsaŋkappassa bhikkhave micchāsaɱkappo niddhantā hoti,||
ye ca micchāsaŋkappapaccayā aneke pāpakā akusalā dhammā sambhavanti,||
te c'assa niddhantā honti,||
sammāsaŋkappapaccayā ca aneke kusalā dhammā bhāvanā-pāripūriɱ gacchanki.|| ||

Sammāvāc'assa bhikkhave micchāvācā niddhantā hoti,||
ye ca micchāvācāpaccayā aneke pāpakā akusalā dhammā sambhavanti,||
te c'assa niddhantā honti,||
sammāvācāpaccayā ca aneke kusalā dhammā bhāvanā-pāripūriɱ gacchanti.|| ||

Sammākammantassa bhikkhave micchākammanto niddhantā hoti,||
ye ca micchākammantapaccayā aneke pāpakā akusalā dhammā sambhavanti,||
te c'assa niddhantā honti,||
sammākammantapaccayā ca aneke kusalā dhammā bhāvanā-pāripūriɱ gacchanti.|| ||

Sammāājīvassa bhikkhave micchāājīvo niddhantā hoti,||
ye ca micchāājīvapaccayā aneke pāpakā akusalā dhammā sambhavanti,||
te c'assa niddhantā honti,||
sammāājīvapaccayā ca aneke kusalā dhammā bhāvanā-pāripūriɱ gacchanti.|| ||

Sammāvāyāmassa bhikkhave micchāvāyāmo virito hoti,||
ye ca micchāvāyāmapaccayā anete pāpatā akusalā dhammā sambhavanti,||
te c'assa niddhantā honti,||
sammāvāyāmapaccayā ca aneke kusalā dhammā bhāvanā-pāripūriɱ gacchanti.|| ||

Sammāsatissa bhikkhave micchāsati niddhantā hoti,||
ye ca micchāsatipaccayā aneke pāpakā akusalā dhammā sambhavanti,||
te c'assa niddhantā honti,||
sammāsatipaccayā ca aneke kusalā dhammā bhāvakā pāripūriɱ gacchanti.|| ||

[219] sammāsamādhi'ssa bhikkhave micchāsamādhi niddhantā hoti,||
ye ca micchāsamādhipaccayā aneke pāpakā akusalā dhammā sambhavanti,||
te c'assa niddhantā honti,||
sammāsamādhipaccayā ca aneke kusalā dhammā bhāvanā-pāripūriɱ gacchanti.|| ||

Sammāñāṇissa bhikkhave micchāñāṇaɱ virittaɱ hoti,||
ye ca micchāñāṇa paccayā aneke pāpakā akusalā dhammā sambhavanti,||
te c'assa niddhantā honti,||
sammāñāṇapaccayā ca aneke kusalā dhammā bhāvanā-pāripūriɱ gacchanti.|| ||

Sammāvimuttissa bhikkhave micchāvimutti niddhantā hoti,||
ye ca micchāvimutti paccayā aneke pāpakā akusalā dhammā sambhavanti,||
te c'assa niddhantā honti,||
sammāvimuttipaccayā ca aneke kusalā dhammā bhāvanā-pāripūriɱ gacchanti.|| ||

Ime kho bhikkhave dasa niddhamaniyā dhammā ti.|| ||

 


Contact:
E-mail
Copyright Statement   Webmaster's Page