Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
XIV: Sādhu-Vagga

Sutta 143

Dukkhudraya Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Dukkhudrayañ ca vo bhikkhave dhammaɱ desissāmi, sukhudrayañ ca.|| ||

Taɱ suṇātha sādhukaɱ manasikarotha bhāsissāmī ti.|| ||

Evaɱ bhante' ti kho te bhikkhu Bhagavato paccassosuɱ.|| ||

Bhagavā etad avoca:|| ||

Katamañ ca bhikkhave dukkhudrayo dhammo?

Micchā-diṭṭhi,||
micchā-saŋkappo,||
micchā-vācā,||
micchā-kammanto,||
micchā-ājīvo,||
micchā-vāyāmo,||
micchā-sati,||
micchā-samādhi,||
micchā-ñāṇaɱ,||
micchā-vimutti.|| ||

Ayaɱ vuccati bhikkhave dukkhudrayo dhammo.|| ||

Katamañ ca bhikkhave sukhudrayo dhammo?|| ||

Sammā-diṭṭhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi,||
sammā-ñāṇaɱ,||
sammā-vimutti.|| ||

Ayaɱ vuccati bhikkhave sukhudrayo dhammo ti|| ||

 


Contact:
E-mail
Copyright Statement   Webmaster's Page