Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
XV: Ariya-Vagga

Sutta 154

Sacchikātabba Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Sacchikātabbañ ca vo bhikkhave dhammaɱ desissāmi, na sacchikātabbañ ca.|| ||

Taɱ suṇātha sādhukaɱ manasikarotha bhāsissāmī ti.|| ||

'Evaɱ bhante' ti kho te bhikkhu Bhagavato paccassosuɱ.|| ||

Bhagavā etad avoca:|| ||

'Katamañ ca bhikkhave na sacchikātabbo dhammo?

Micchā-diṭṭhi,||
micchā-saŋkappo,||
micchā-vācā,||
micchā-kammanto,||
micchā-ājīvo,||
micchā-vāyāmo,||
micchā-sati,||
micchā-samādhi,||
micchā-ñāṇaɱ,||
micchā-vimutti.|| ||

Ayaɱ vuccati bhikkhave na sacchikātabbo dhammo.|| ||

Katamañ ca bhikkhave sacchikātabbo dhammo?|| ||

Sammā-diṭṭhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi,||
sammā-ñāṇaɱ,||
sammā-vimutti.|| ||

Ayaɱ vuccati bhikkhave sacchikātabbo dhammo ti|| ||

 


Contact:
E-mail
Copyright Statement   Webmaster's Page