Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Dasaka-Nipāta
XXI: Karajakāya-Vagga

Sutta 203

Upāsikā Suttaɱ

Adapted from the 1995 edition of the digital version of the
Sri Lanka Buddha Jayanti Tripitaka Series
and proofed against, and mostly resolved to
the Pali Text Society Aŋguttara-Nikāya
edited by Prof. E. Hardy, PhD., D.D.

 


 

[287]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Dasahi bhikkhave dhammehi samannāgato upāsikā yathābhataɱ nikkhitto evaɱ niraye.|| ||

Katamehi dasahi?|| ||

Pāṇātipātī hoti adinnādāyī hoti,||
kāmesu micchācārī hoti,||
musāvādī hoti,||
pisunā vāco hoti,||
pharusā vāco hoti,||
samphappalāpī hoti,||
abhijjhālū hoti,||
vyāpanna citto hoti,||
micchā diṭṭhiko hoti.|| ||

Imehi kho bhikkhave dasahi dhammehi samannāgato upāsikā yathābhataɱ nikkhitte evaɱ niraye.|| ||

Dasahi bhikkhave dhammehi samannāgato upāsikā yathābhataɱ nikkhitto evaɱ sagge.|| ||

Katamehi dasahi?|| ||

Pāṇātipātā paṭivirato hoti,||
adinnādānā paṭivirato hoti,||
kāmesu micchācārā paṭivirato hoti,||
musāvādā paṭivirato hoti,||
pisunāya vācāya paṭivirato hoti,||
pharusāya vācāya paṭivirato hoti,||
samphappalāpā paṭivirato hoti,||
anabhijjhālū hoti,||
avyāpannacitto hoti,||
sammādiṭṭhiko hoti.|| ||

Imehi kho bhikkhave dasahi dhammehi samannāgato upāsikā yathābhataɱ nikkhitto evaɱ sagge ti.|| ||

 


Contact:
E-mail
Copyright Statement   Webmaster's Page