Jataka stories Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

The Jātaka:

Together with its commentary
Being
Tales of the Anterior Births
of
Gotama Buddha
Volume II

Book 2: Dukanipāta

No. 273

Kacchapa-Jātaka

For the first time Edited in the Original Pāli by
V. Fausboll
Published 1879 by the Pāli Text Society.

 


 

Ko nu uddhitabhatto vā ti. Idaɱ Satthā Jetavane viharanto Kosalarājassa dvinnaɱ mahāmattānaɱ kalahavūpasamanaɱ ārabbha kathesi. Paccuppannavatthuɱ Dukanipāte kathitam eva.|| ||

Atīte pan Bārāṇasiyaɱ Brahmadatte rajjaɱ kārente Bodhisatto Kāsiraṭṭhe brāhmaṇakule nibbattitvā vayappatto Takkasilāyaɱ sippāni uggaṇhitvā kāme pahāya isipabbajjaɱ pabbajitvā Himavantapadese Gañgātīre assamapadaɱ māpetvā abhiññā ca samāpattiyo ca nibbattetvā jhānakī'aɱ kī'anto vāsaɱ kappesi. Imasmiɱ kira jātake Bodhisatto paramamajjhatto ahosi upekkhāpāramiɱ pūresi. Tassa paṇṇasāladvāre nisinnassa eko pagabbho dussīlo makkaṭo agantvā kaṇṇasotesu añgajātena salākapavesanakammaɱ karoti. Bodhisatto avāretvā majjhatto hutvā nisīdati yeva. Ath'ekadivasaɱ eko kacchapo udakā uttaritvā Gañgātīre mukhaɱ vivaritvā ātapaɱ tapanto niddāyati. Taɱ disvā so lolavānaro tassa mukhe salākapavesanakammaɱ akāsi. Tth'assa kacchapo pabujjhitvā añgajātaɱ samugge pakkhipanto viya ḍasi. Balavavedanā uppajji, vedanā adhivāsetuɱ asakkonto, ko nu kho maɱ imamhā dukkhā moceyya, kassa santikaɱ mayā gantuɱ vaṭṭatīti "kacchapaɱ dvīhi hatthehi ukkhipitvā Bodhisattassa santikaɱ agamāsi. Bodhisatto tena sussīlamakkaṭtna saddhiɱ davaɱ karonto paṭhamaɱ gātham āha:

Ko nu uddhitabhatto va pūrahattho va brāhmaṇo,
kahan nu bhikkhaɱ acari, kaɱ saddhaɱ upasaɱkamīti.|| ||

Tattha ko nu uddhitabbatto vā ti ko esa vaḍhitabhatto viya, ekaɱ bhattavaḍhitikaɱ bbattapūrapātiɱ batthehi gahetvā viya ko nu esa āgacchatīti attho, pūrahattho va brāhmaṇo ti kattikamāse vācanakaɱ labhitvā puṇṇahattho brāhmaṇo viya ca ko nu eso ti vānaraɱ sandhāa vadati, kahan nu bhikkhaɱ acarīti bho vānara kasmiɱ padese ajja tava bhikkhaɱ acari, kaɱ saddhaɱ upasaɱkamīti kataran nāma pubbe pete uddissa kataɱ saddhābhattaɱ kataraɱ vā saddhaɱ puggalaɱ upasaɱkamitvā te ayaɱ deyyadhammo laddho ti dīpeti.|| ||

Taɱ sutvā dussīlamakkaṭo dutiyaɱ gātham āha:

Ahaɱ kapi'smi dummedho, anāmāsāni āmasiɱ,
tvaɱ maɱ mcaya, bhaddan te, mutto gaccheyya pabbatan ti.|| ||

Tattha aham kapi'ami dummedho ti bhante aham asmi dummedho capalacitto makkaṭo, anāmāsāni āmasin ti anāmāsetabbāni thānāni āmasiɱ, tvaɱ maɱ mocaya bhaddam te ti tvaɱ dayālu anukampako maɱ imamhā dukkhā moccehi, bhaddan te hotu, mutto gaccheyya pabbatan ti so'haɱ tavānubhāvena imamhā te hotu, mutto gaccheyya pabbatan ti so'haɱ tavānubhāvena imamhā vyasanā mutto pabbatam eva gaccheyyaɱ, na te puna cakkhupathe attānaɱ dasseyyan ti.|| ||

Bodhisatto tasmiɱ kāle tena kacchapena saddhiɱ sallapanto tatiyaɱ gātham āha:

Kacchapā kassapā honti, hoṇḍaññā honti makkaṭā,
muñca kassapa koṇḍaññaɱ, kataɱ methunakaɱ tayā ti.|| ||

Tass'attho: kacchapā nāma kassapagottā honti makkaṭā koṇḍaññagottā, kassapakoṇḍaññānañ ca aññamaññaɱ āvāhavivāhassambandho atthi, tay'idaɱ lolena dussīlamakkaṭena saddhiɱ tayā ca dussīlen'eva iminā makkaṭena saddhiɱ gottasadisatāsaɱkhātassa methunadhammassa anucchavikaɱ dussīlyakammasaɱkhātam pi methunakaɱ kataɱ, tasmā muñca kassapa koṇḍaññan ti.|| ||

Kacchapo Bodhisattassa vacanaɱ sutvā kāraṇena pasanno vānarassa añgajātaɱ muñci. Makkaṭo muttamatto Bodhisattaɱ vanditvā palāto, puna taɱ ṭhānaɱ nivattitvāpi na olokesi. Kacchapo pi Bodhisattaɱ vanditvā yathāṭṭhānam eva gato. Bodhisatto pi aparihīnajjhāno Brahmaloka-parāyano va ahosi.|| ||

Setthā imaɱ desanaɱ āharitvā saccāni pakāsetvā jātakaɱ samodhanesi: "Tadā kacchapavānarā dve mahāmattā ahesuɱ, tāpaso pana aham evā" ti.|| ||

 


Contact:
E-mail
Copyright Statement   Webmaster's Page