Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Majjhima Nikāya
II. Majjhima-Paṇṇāsa
5. Brāhmaṇa Vagga

Sutta 92

Sela Suttaɱ

Based on the 'Sri Lanka Buddha Jayanti Tripitaka Series.'

 


[146] [102][ed1]

[1][chlm][pts][upal] Evaɱ me sutaɱ|| ||

Ekaɱ samayaɱ Bhagavā Aŋguttarāpesu cārikaɱ caramāno mahatā bhikkhu-saŋghena saddhiɱ aḍḍhateḷa [103] sehi bhikkhusatehi yena Āpaṇaɱ nāma Aŋguttarāpānaɱ nigamo tad avasari.|| ||

Assosi kho Keṇiyo jaṭilo:|| ||

"Samaṇo khalu bho Gotamo Sakyaputto Sakyakulā pabbajito Aŋguttarāpesu cārikaɱ caramāno mahatā bhikkhu-saŋghena saddhiɱ aḍḍhateḷasehi bhikkhusatehi Āpaṇaɱ anuppatto,||
taɱ kho pana bhavantaɱ Gotamaɱ evaɱ kalyāṇo kittisaddo abbhuggato,|| ||

"Iti pi so Bhagavā arahaɱ sammāSambuddho vijjācaraṇasampanno Sugato lokavidu anuttaro purisadammasārathi satthā devamanussānaɱ Buddho Bhagavā" ti so imaɱ lokaɱ sadevakaɱ samārakaɱ sabrahamakaɱ sassamaṇabrāhmaṇiɱ pajaɱ sadevamunassaɱ sayaɱ abhiññā sacchikatvā pavedeti,||
so dhammaɱ deseti ādikalyāṇa majjhe kalyāṇaɱ pariyosānakalyāṇaɱ sātthaɱ savyañajanaɱ kevala-paripuṇaṇaɱ pariyuddhaɱ brahmacariyaɱ pakāseti,||
sādhu kho pana tathārūpānaɱ arahataɱ dasasnaɱ hoti" ti.|| ||

Atha kho Keṇiyo jaṭilo yena Bhagavā ten'upasaŋkami,||
upasaŋkamitvā Bhagavatā saddhiɱ sammodi,||
sammodiniyaɱ kathaɱ sārāṇiyaɱ vitisāretvā eka-m-antaɱ nisīdi.|| ||

Eka-m-antaɱ nisinnaɱ kho Keṇiyaɱ jaṭilaɱ Bhagavā dhammiyā kathāya sandassesi samādapesi samuttejesi samp'ahaɱsesi.|| ||

Atha kho Keṇiyā jaṭilo Bhagavatā dhammiyā kathāya sandassito samādapito samuttejito samp'ahaɱsito Bhagavantaɱ etad avoca:|| ||

"Adhivāsetu me bhavaɱ Gotamo svātanāya bhattaɱ saddhiɱ bhikkhu-saŋghenā" ti,||
evaɱ vutto Bhagavā Keṇiyaɱ jaṭilaɱ etad avoca:|| ||

"Mahā kho Keṇiya, [104] bhikkhu-saŋgho aḍḍhateḷasāni bhikkhusatāni,||
tvañ ca kho brāhmaṇesu abhippasanno" ti.|| ||

Dutiyam pi kho Keṇiyo jaṭilo Bhagavantaɱ etad avoca: "Kiñcāpi bho Gotama,||
mahā bhikkhasaŋgho aḍḍhateḷasāni bhikkhusatāni,||
ahañ ca brāhmaṇesu abhippasanno,||
adhivāsetu me bhavaɱ Gotamo svātanāya bhattaɱ saddhiɱ bhikkhu-saŋghenā" ti.|| ||

Dutiyam pi kho Bhagavā Keṇiyo jaṭilaɱ etad avoca:|| ||

"Mahā Keṇiya,||
bhikkhasaŋgho aḍḍhateḷasāni bhikkhusatāni,||
tvañ ca kho brāhmaṇesu abhippasanno"ti.|| ||

Tatiyam pi kho Keṇiyo jaṭilo Bhagavantaɱ etad avoca:|| ||

"Kiñcā pi bho Gotama,||
mahā bhikkhasaŋgho aḍḍhateḷasāni bhikkhusatāni,||
ahañ ca brāhmaṇesu abhippasanno,||
adhivāsetv-eva me bhavaɱ Gotamo svātanāya bhattaɱ saddhiɱ bhikkhu-saŋghenā" ti.|| ||

Adhivāsesi Bhagavā tuṇahibhāvena.|| ||

Atha kho Keṇiyo jaṭilo Bhagavantaɱ adhivāsanaɱ viditvā uṭṭhāyasā yena sako assame ten'upasaŋkami,||
upasaŋkamitvā mittāmacce ñātisālohite āmantesi:|| ||

"Suṇantu me bhonto mittāmacacā ñātisālohitā samaṇo me Gotamo nimantito svātanāya bhattaɱ sadadhiɱ bhikkhu-saŋghena yena me kāyaveyyāvaṭikaɱ kareyyā" ti.|| ||

"Evaɱ bho" ti kho Keṇiyassa jaṭilassa mittāmaccā ñātisālohitā Keṇiyassa jaṭilassa paṭissutvā app-ekacce uddhanānani khaṇanti,||
app-ekacce kaṭṭhāni phālenti,||
app-ekacce bhājanti dhovanti,||
app-ekacce udakamaṇikaɱ patiṭṭhāpenti,||
app-ekacce āsanāni paññāpenti.|| ||

Keṇiyo pana jaṭilo sāmaɱ yeva maṇḍalamālaɱ paṭiyādeti.|| ||

Tena kho pana samayena Selo brāhmaṇo Āpaṇe paṭivasati [105] tiṇaṇaɱ vedānaɱ pāragu sanighaṇaṭukeṭubhānaɱ sākkharappabhedānaɱ itihāsapañcamānaɱ padako veyyākaraṇo lokāyatamahāpurisalakkhaṇesu anavayo,||
tīṇi māṇavakasatāni matte vāceti.|| ||

Tena kho pana samayena Keṇiye jaṭile Sele brāhmaṇe abhippasanno hoti|| ||

Atha kho Selo brāhmaṇo tihi māṇavakasatehi parivuto jaŋghāvihāraɱ anucaŋkammāno anuvicaramāno yena Keṇiyassa jaṭilassa assamo ten'upasaŋkami.|| ||

Addasā kho Selo brāhmaṇo Keṇiyasmiɱ jaṭile app-ekacce uddhanānani khaṇante,||
app-ekacce kaṭṭhāni phālenti,||
app-ekacce bhājanti dhovanti,||
app-ekacce udakamaṇikaɱ patiṭṭhāpenti,||
app-ekacce āsanāni paññāpenti.|| ||

Keṇiyaɱ pana jaṭilaɱ sāmañ ñeva maṇḍalamālaɱ paṭiyādentaɱ disvā Keṇiyaɱ jaṭilaɱ etad avoca: || ||

"Ki nu bhoto Keṇiyassa āvāho vā bhavissati,||
vihāho vā bhavissati,||
mahāyañño vā pacucapaṭṭhito,||
rājā vā Māgadho Seniyo Bimbisāro nimantino svātanāya saddhiɱ balakāyenā" ti?|| ||

"Na me Sela,||
āvāho bhavissati,||
na pi vihābho bhavissati,||
na pi rājā Māgadho Seniyeba Bimbisāro nimattito svātanāya saddhiɱ balakāyena,||
api ca kho me mahāyañño paccupaṭṭhito atithi.|| ||

Samaṇo Gotamo Sakyaputto Sakyakulā pabbajito Aŋguttarāpesu cārikaɱ caramāno mahatā bhikkhu-saŋghena saddhiɱ aḍḍhateḷasehi bhikkhusatehi Āpaṇaɱ anuppatto.|| ||

Taɱ kho [106] pana bhavantaɱ Gotamaɱ evaɱ kalyāṇo nitti saddo abbhuggato "Iti pi so Bhagavā arahaɱ sammāSambuddho vijjācaraṇasampanno Sugato lokavidu anuttaro purisadammasārathi satthā devamanussānaɱ Buddho Bhagavā" ti so me nimattito svātanāya saddhiɱ bhikkhu-saŋghenā" ti.|| ||

"Buddho" ti kho bho Keṇiya, vadesi?|| ||

"'Buddho' ti bho Sela, vadāmi."|| ||

"Buddho" ti bho Keṇiya, vadesi?|| ||

"'Buddho' ti bho sela vadāmi" ti.|| ||

Atha bho Selassa brahmaṇassa etad ahosi:|| ||

"Ghoso pi kho eso dullabho lokasmiɱ yadidaɱ 'Buddho' ti.|| ||

Āgatāni kho pana asmākaɱ mantesu dvattiɱsa mahāpurisalakkhanāni,||
yehi samannāgatassa mahāpurisassa dve va gatiyo bhavanti anaññā.|| ||

Sace agāraɱ ajjhāvasati,||
rājā hoti cakkavatti dhammiko dhammarājā cāturanto vijitāvi janapadatthācariyappatto santaratanasamannāgato.|| ||

Tass'imāni satta ratanāni bhavanti,||
seyyathīdaɱ:||
cakkaratanaɱ hatthiratanaɱ assaratanaɱ maṇiratanaɱ itthiratanaɱ gahapatiratanaɱ pariṇāyakaratanam eva sattamaɱ,||
parosahassaɱ kho pan'assa puttā bhavatti surā viraŋgarūpā parasenappamaddanā,||
so imaɱ paṭhaviɱ sāgarapariyantaɱ adaṇḍena asatthena dhammena abhivijiya ajjhāvasati.|| ||

Sace kho panāgārasmā anagāriyaɱ pabbajati,||
arahaɱ hoti sammāSambuddho loka vivattacchaddo' —|| ||

"Kahaɱ pana bho Keṇiya,||
etarahi so bhavaɱ Gotamo viharati arahaɱ sammāsammuddho" ti?|| ||

Evaɱ vutte Keṇiyo jaṭilo dakkhiṇaɱ bāhaɱ paggahetvā Selaɱ brāhmaṇaɱ etad avoca:|| ||

[107] "Yen'esā bho Sela nilavanarāji" ti.|| ||

Atha kho Selo brāhmaṇo tihi māṇavakasatehi saddhiɱ yena Bhagavā tenupasaŋkakami.|| ||

Atha kho Selo brāhmaṇo te māṇavake āmantesi:|| ||

"Appasaddā honto āgacchantu pāde padaɱ nikkhipantā,||
durāsadā hi te Bhagavanto sīhā va ekacarā,||
yadā cāhaɱ bho samaṇena Gotamena saddhiɱ manteyyaɱ,||
mā me bhonto,||
antarantarā kathaɱ opātetha,||
kathāpariyosānaɱ me bhavanto āgamentu" ti.|| ||

Atha kho Selo brāhmaṇo yena Bhagavā ten'upasaŋkami,||
upasaŋkamitvā Bhagavatā saddhiɱ sammodi,||
sammodaniyaɱ kathaɱ sārāṇiyaɱ vitisāretvā eka-m-antaɱ nisīdi.|| ||

Eka-m-antaɱ nisinno kho Selo brāhmaṇo Bhagavato kāye dvattiɱsa mahāpurisalakkhanāni samannesi.|| ||

Addasā kho Selo brāhmaṇo Bhagavato kāye dvattiɱsa mahāpuraghalakkhaṇāni yebhuyyena ṭhapetvā dve,||
dvisu mahāpurisalakkhaṇesu kaŋkhati vicikicchati nādhimuccati na sampasidati,||
kosohite ca vatthaguyhe pahutajivhatāya ca.|| ||

Atha kho Bhagavato etad ahosi:|| ||

"Passati kho me ayaɱ Selo brāhmaṇo dvittiɱsa mahāpurisalakkhaṇāni yebhuyyena ṭhapetvā dve,||
dvisu mahāpurisalakkhaṇesu kaŋkhati vicikicchati nādhimuccati na sampasidati,||
kosohite ca vatthaguyhe pahutajivhatāya cā" ti.|| ||

Atha kho Bhagavā tathārūpaɱ iddhābhisankhāraɱ abisaŋkhāsi yathā addasa Selo brāhmaṇo Bhagavato kosohitaɱ [108] vatthaguyhaɱ.|| ||

Atha kho Bhagavā jivhaɱ ninnāmetvā ubho pi kaṇṇasotāni anumasi paṭimasi,||
ubho pi nāsikasotāni anumasi paṭimasi,||
kevalam pi nalāṭamaṇḍalaɱ jivhāya chadesi.|| ||

Atha kho Selassa brahmaṇassa etad ahosi:|| ||

"Samannāgato kho samaṇo Gotamo dvattiɱsamahāpurisalakkhaṇehi paripuṇṇehi no aparipuṇṇehi,||
no ca kho naɱ jānāmi 'Buddho vā no vā.'|| ||

Sutaɱ kho pana metaɱ brāhmaṇānaɱ vuddhānaɱ mahallakānaɱ ācariyapācariyānaɱ bhāsamānānaɱ.|| ||

'Ye te bhavanti arahanto sammāSambuddho te sake vaṇṇe bhaññamāne attānaɱ pātukaronti' ti,||
yan nunāhaɱ samaṇaɱ Gotamaɱ sammukhā sāruppāhi gāthāhi abhitthaveyyan" ti.|| ||

Atha kho Sele brāhmaṇo Bhagavantaɱ sammukhā sāruppāhi gāthāhi abhitthavi.|| ||

"Paripuṇṇakāyo suruci sujāto cārudasasano,||
Suvaṇṇavaṇṇo si Bhagavā susukkadāṭho si viriyavā.|| ||

Narassa hi sujātassa ye bhavanti viyañajanā||
Sabbe te tava kāyasmiɱ mahāpurisalakkhaṇā.|| ||

Pasannanetto sumukho brahā uju patāpavā,||
Majjhe samaṇasaŋghassa ādicco va virocasi.|| ||

Kalyāṇadassano bhikkhu kañcanasannibhattaco,||
Kiɱ te samaṇabhāvena evaɱ uttamavaṇṇino.|| ||

Rājā arahasi bhavituɱ cakkavatti rathesabho,||
Cāturanto vijitāvī Jambusaṇḍassa issaro.|| ||

[109] Khattiyā bhoja-rājāno anuyuttā bhavatti te,||
Rājābhirājā manujindo rajjaɱ kārehi Gotama."|| ||

"Rājāham asmi Sela (iti Bhagavā ) dhammarājā anuttaro,||
Dhammena cakkaɱ vattemi cakkaɱ appativattiyaɱ."|| ||

"Sambuddho paṭijānāsi (iti Selo brāhmaṇo) 'dhammarājā anuttaro||
Dhammena cakkaɱ vattemi' ita bhāsasi Gotama.|| ||

Ko nu senāpita bhoto sāvako satthu-d-anthayo,||
Ko te imaɱ anuvatteti dhammacakkaɱ pavattitaɱ."|| ||

"Mayā pavattitaɱ cakkaɱ (Selā ti Bhagavā) dhammacakkaɱ anuttaraɱ,||
Sāriputto anuvatteti anujāto Tathāgataɱ|| ||

Abhiññeyyaɱ abhiññātaɱ bhāvetabbañ ca bhāvitaɱ,||
Pahātabbaɱ pahinaɱ me, tasmā Buddho'smi brāhmaṇa|| ||

Vinayassu mayi kaŋkhaɱ adhimuccassu brāhmaṇa,||
Dullabhaɱ dassanaɱ hoti sambuddhānaɱ abhiṇhaso.|| ||

[110] Yesaɱ vo dullabho loke pātubhāvo abhiṇahaso,||
So'haɱ brāhmaṇa sambudedhā sallakatto anuttaro|| ||

Brahmabhūto atitulo Mārasenappamaddano,||
Sabbāmitte vasikatvā modāmi akutobhayo."|| ||

"Imaɱ bhonto nisāmetha, yathā bhāsati cakkhumā,||
Sallakatto mahāvīro siho va nadati vane|| ||

Brahmabhūtaɱ atitulaɱ Mārasenappamaddanaɱ,||
Ko disvā na-ppasideyya api kaṇhābhijātiko.|| ||

Yo maɱ icchati anvetu, yo vā n'icchati gacchatu,||
Idhāhaɱ pabbajissāmi varapaññassa santike."|| ||

"Etañ ce ruccati bhoto Sammāsambuddhasāsanaɱ,||
Mayam pi pabbajissāma varapaññassa santike."|| ||

"Brāhmaṇā tisatā ime yācanti pañajalikatā,||
Buhmacariyaɱ carissāma Bhagavā tava santike."|| ||

"Svākkhātaɱ brahmacariyaɱ (Selā ti Bhagavā) sandiṭṭhikam akalikaɱ,||
Yattha amoghā pabbajjā appamattassa sikkhato" ti.|| ||

Alattha kho Selo brāhmaṇo sapariso Bhagavato santike pabbajjaɱ,||
alattha upasampadaɱ.|| ||

Atha kho Keṇiyo jaṭilo tassā rattiyā accayena sake assame paṇitaɱ khādaniyaɱ bhojaniyaɱ paṭiyādāpetvā [111] Bhagavato kālaɱ ārocāpasi:|| ||

"Kālo bho Gotama niṭṭhitaɱ bhattan" ti.|| ||

Atha kho Bhagavā pubbanahasamayaɱ nivāsetvā pattacivaram ādāya yena Keṇiyassa jaṭilassa assamo ten'upasaŋkami.|| ||

Upasaŋkamitvā paññatte āsane nisīdi,||
saddhiɱ bhikkhu-saŋghena.|| ||

Atha kho Keṇiyo jaṭilo Buddha-pamukhaɱ bhikkhu-saŋghaɱ paṇitena khādaniyena bhojaniyena sahatthā santappesi sampavāresi.|| ||

Atha kho Keṇiyo jaṭilo Bhagavantaɱ bhuttāmiɱ onitapattapāṇiɱ aññataraɱ nicaɱ āsanaɱ gahetvā eka-m-antaɱ nisīdi.|| ||

Eka-m-antaɱ nisinnaɱ kho Kheṇiyaɱ jaṭilaɱ Bhagavā imāhi gāthāhi anumodi.|| ||

"Aggihuttamukhā yaññā, Sāvitti chandaso mukhaɱ,||
Rājā mukhaɱ manussānaɱ, nadinaɱ sāgaro mukhaɱ.|| ||

Nakkhattānaɱ mukhaɱ cando, ādicco tapataɱ mukhaɱ,||
Puññaɱ ākaŋkhamānānaɱ saŋgho ve yajataɱ mukhat" ti.|| ||

Atha kho Bhagavā Keṇiyaɱ jaṭilaɱ imāhi gāthāhi anumoditvā uṭṭhāy āsanā pakkāmi.|| ||

Atha kho āyasmā Selo sapariso eko vupakaṭṭho appamatto ātāpi pahitatto viharatto na cirass'eva yass'atthāya kulaputtā samma-d-eva agārasmā anagāriyaɱ pabbajanti.|| ||

Tad anuttaraɱ brahmacariyapariyosānaɱ diṭṭhe va dhamme sayaɱ abhiññā sacchikatvā upasampajja vihāsi.|| ||

Khiṇā jāti,||
vusitaɱ brahmacariyaɱ,||
kataɱ karaṇiyaɱ,||
nāparaɱ itthāntāyā' ti abbhaññāsi.|| ||

Aññataro ca kho panāyasmā Selo sapariyo arahataɱ ahosi.|| ||

Atha kho āyasmā Selo sapariso yena Bhagavā ten'upasaŋkami.|| ||

Upasaŋkamitvā ekaɱsaɱ cīvaraɱ katvā yena Bhagavā ten'añajalim paṇāmetvā Bhagavantaɱ gāthāhi ajjhabhāsi.|| ||

"Yaɱ taɱ saraṇam āgamma ito aṭṭhami cakkhuma,||
Sattarattena Bhagavā dant'ambha tava sāsane.|| ||

Tuvaɱ Buddho, tuvaɱ Satthā, tuvaɱ Mārābhābhu muni,||
Tuvaɱ anusaye chetvā tiṇṇo tāres'imaɱ pajaɱ.|| ||

Upadhi te samatikkantā, āsavā te padālitā,||
Siho si anupādāno pahiṇahayabheravo.|| ||

Bhikkhavo tisatā ime tiṭṭhanti pañajalikatā,||
Pāde cira pasārehi nāgā vandantu Satthuno" ti.|| ||

Selasuttaɱ dutiyaɱ

 


[ed1] The Pali text was not printed in the PTS edition 'as it is identical with that of the same name in the Suttanipāta, printed at page 99 of Professor Fausbøll's edition for the Pali Text Society (pp. 102-12 of the 1913 edition).' Page numbers in red refer to the 1913 edition of the Suttanipāta,.


 

Contact:
E-mail
Copyright Statement   Webmaster's Page