Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Majjhima Nikāya
III. Upari Paṇṇāsa
2. Anupada Vagga

Sutta 111

Anupada Suttaɱ

Based on the 'Sri Lanka Buddha Jayanti Tripitaka Series.'

 


 

[1][chlm][pts][ntbb][than][upal][olds] Evaɱ me sutaɱ:|| ||

Ekaɱ samayaɱ Bhagavā Sāvatthīyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:||
Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca: —|| ||

[2][pts][ntbb][than][olds] Paṇḍito bhikkhave, Sāriputto,||
mahāpañño bhikkhave, Sāriputto||
puthupañño bhikkhave, Sāriputto,||
hāsupañño bhikkhave, Sāriputto,||
javanapañño bhikkhave, Sāriputto,||
tikkhapañño bhikkhave, Sāriputto,||
nibbedhikapañño bhikkhave, Sāriputto.|| ||

Sāriputto, bhikkhave, aḍḍhamāsaɱ anupadadhammavipassanaɱ vipassati.|| ||

Tatr'idaɱ bhikkhave, Sāriputtassa anupadadhammavipassanāya hoti.|| ||

[3][pts][ntbb][than][olds] Idha, bhikkhave,, Sāriputto vivicc'eva kāmehi vivicca akusalehi dhammehi savitakkaɱ savicāraɱ vivekajaɱ pīti-sukhaɱ paṭhamaɱ-jhānaɱ upasammajja viharati.|| ||

[4][pts][ntbb][than][olds] Ye ca paṭhamajjhāne dhammā vitakko ca vicāro ca pīti ca sukhañ ca cittekaggatā ca phasso vedanā saññā cetanā cittaɱ chando adhimokkho viriyaɱ sati upekkhā manasikāro,||
tyāssa dhammā anupadavavatthitā honti,||
tyāssa dhammā viditā uppajjanti,||
viditā upaṭṭhahanti,||
viditā abbhatthaɱ gacchanti.|| ||

So evaɱ pajānāti:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito apaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[5][pts][ntbb][than][olds] Puna ca paraɱ bhikkhave,||
Sāriputto vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ [26] avitakkaɱ avicāraɱ samādhijaɱ pitisukhaɱ dutiyaɱ-jhānaɱ upasampajja viharati.|| ||

[6][pts][ntbb][than][olds] Ye ca dutiyajjhāne dhammā ajjhattaɱ sampasādo ca pīti ca sukhañ ca cittekaggatā ca phasso vedanā saññā cetanā cittaɱ chando adhimokkho viriyaɱ sati upekkhā manasikāro,||
tyāssa dhammā anupadavavatthitā honti,||
tyāssa dhammā viditā uppajjanti,||
viditā upaṭṭhahanti,||
viditā abbhatthaɱ gacchanti.|| ||

So evaɱ pajānāti:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito apaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[7][pts][ntbb][than][olds] Puna ca paraɱ bhikkhave, Sāriputto pītiyā ca virāgā upekkhako ca viharati sato ca sampajāno sukhañ ca kāyena paṭisaŋvedeti,||
yaɱ taɱ ariyā ācikkhanti:||
'Upekkhako satimā sukhavihārī' ti||
tatiyaɱ-jhānaɱ upasampajja viharati.|| ||

[8][pts][ntbb][than][olds] Ye ca tatiyajjhāne dhammā sukhañ ca sati ca sampajaññañ ca cittekaggatā ca phasso vedanā saññā cetanā cittaɱ chando adhimokkho viriyaɱ sati upekkhā manasikāro,||
tyāssa dhammā anupadavavatthitā honti,||
tyāssa dhammā viditā uppajjanti,||
viditā upaṭṭhahanti,||
viditā abbhatthaɱ gacchanti.|| ||

So evaɱ pajānāti:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito apaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[9][pts][ntbb][than][olds] Puna ca paraɱ bhikkhave, Sāriputto sukhassa ca pahānā dukkhassa ca pahānā pubbe va somanassa-domanassānaɱ atthaŋgamā adukkhaɱ-asukhaɱ upekkhā-sati-pārisuddhiɱ catutthaɱ-jhānaɱ upasampajja viharati.|| ||

[10][pts][ntbb][than][olds] Ye ca catutthajjhāne dhammā upekkhā adukkham-asukhā vedanā [passi vedanā][1] cetaso anābhogo sati pārisuddhi cittekaggatā||
ca phasso vedanā saññā cetanā cittaɱ chando adhimokkho viriyaɱ sati upekkhā manasikāro||
tyāssa dhammā anupadavavatthitā honti,||
tyāssa dhammā viditā uppajjanti,||
viditā upaṭṭhahanti,||
viditā abbhatthaɱ gacchanti.|| ||

So evaɱ pajānāti:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito apaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[11][pts][ntbb][than][olds] Puna ca paraɱ bhikkhave, Sāriputto||
sabbaso rūpa-saññānaɱ samatikkamā paṭigha-saññānaɱ atthaŋgamā nānatta-saññānaɱ amanasi-kārā||
'ananto ākāso' ti||
ākāsānañcāyatanaɱ upasampajja viharati.|| ||

[12][pts][ntbb][than][olds] Ye ca ākāsānañcāyatane dhammā ākāsānañcāyatanasaññā ca cittekaggatā ca||
phasso vedanā saññā cetanā cittaɱ chando adhimokkho viriyaɱ sati upekkhā manasikāro,||
tyāssa dhammā anupadavavatthitā honti,||
tyāssa dhammā viditā uppajjanti,||
viditā upaṭṭhahanti,||
viditā abbhatthaɱ gacchanti.|| ||

So evaɱ pajānāti:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito apaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[13][pts][ntbb][than][olds] Puna ca paraɱ bhikkhave, Sāriputto||
sabbaso ākāsānañcāyatanaɱ samatikkamma:||
'Anantaɱ viññāṇaɱ ti||
viññāṇañcāyatanaɱ upasampajja viharati.|| ||

[14][pts][ntbb][than][olds] Ye ca viññāṇañcāyatane dhammā viññāṇañcāyatanasaññā ca cittekaggatā ca phasso vedanā saññā cetanā cittaɱ chando adhimokkho viriyaɱ sati upekkhā manasikāro,||
tyāssa dhammā anupadavavatthitā honti,||
tyāssa dhammā viditā uppajjanti,||
viditā upaṭṭhahanti,||
viditā abbhatthaɱ gacchanti.|| ||

So evaɱ pajānāti:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito apaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[28] [15][pts][ntbb][than][olds] Puna ca paraɱ bhikkhave, Sāriputto sabbaso viññāṇañcāyatanaɱ samatikkamma:||
'Na'tthi kiñcī' ti||
ākiñcaññāyatanaɱ upasampajja viharati.|| ||

[16][pts][ntbb][than][olds] Ye ca ākiñcaññāyatane dhammā ākiñcaññāyatanasaññā ca cittekaggatā ca phasso vedanā saññā cetanā cittaɱ chando adhimokkhaɱ viriyaɱ sati upekkhā manasikāro,||
tyāssa dhammā anupadavavatthitā honti,||
tyāssa dhammā viditā uppajjanti,||
viditā upaṭṭhahanti,||
viditā abbhatthaɱ gacchanti.|| ||

So evaɱ pajānāti:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito apaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[17][pts][ntbb][than][olds] Puna ca paraɱ bhikkhave, Sāriputto sabbaso ākiñcaññāyatanaɱ samatikkamma n'eva-saññā-nāsaññāyatanaɱ upasampajja viharati.|| ||

[18][pts][ntbb][than][olds] So tāya samāpattiyā sato vuṭṭhahati.|| ||

So tāya samāpattiyā sato vuṭṭhahitvā||
ye dhammā atītā niruddhā vipariṇatā||
te dhamme samanupassati:||
'Evaɱ kira me dhammā ahutvā sambhonti,||
Hutvā pativedentī ti.|| ||

So tesu dhammesu anupayo anapāyo anissito appaṭibaddho vippamutto visaŋyutto vimariyādīkatena cetasā viharati.|| ||

So atthi uttariɱ nissaraṇan ti pajānāti.|| ||
Tabbahulīkārā atthi t'ev'assa hoti.|| ||

[19][pts][ntbb][than][olds] Puna ca paraɱ bhikkhave,||
Sāriputto sabbaso n'eva-saññā-nāsaññāyatanaɱ samatikkamma saññā-vedayita-nirodhaɱ upasampajja viharati.|| ||

[20][pts][ntbb][than][olds] Paññāya c'assa disvā āsavā parikkhīṇā honti.|| ||

So tāya samāpattiyā sato vuṭṭhahitvā ye te dhammā atītā niruddhā vipariṇatā,||
te dhamme samanupassati:||
'Evaɱ kira me dhammā ahutvā sambhonti,||
hutvā pativedentī ti.|| ||

So tesu dhammesu anupayo anapāyo anissito appaṭibaddho vippamutto visaŋyutto vimariyādīkatena cetasā viharati so n'atthi uttariɱ nissaraṇanti pajānāti.|| ||

Tabbahulīkārā n'atthitvev'assa hoti.|| ||

[21][pts][ntbb][than][olds] Yaɱ kho taɱ bhikkhave, sammā vadamāno vadeyya:||
Vasippatto pāramippatto ariyasmiɱ sīlasmiɱ,||
vasippatto [29] pāramippatto ariyasmiɱ samādhismiɱ,||
vasippatto pāramippatto ariyāya paññāya,||
vasippatto pāramippatto ariyāya vimuttiyā ti.||
Sāriputtam eva taɱ sammā vadamāno vadeyya:||
Vasippatto pāramippatto ariyasmiɱ sīlasmiɱ,||
vasippatto [29] pāramippatto ariyasmiɱ samādhismiɱ,||
vasippatto pāramippatto ariyāya paññāya,||
vasippatto pāramippatto ariyāya vimuttiyā ti.|| ||

[22][pts][ntbb][than][olds] Yaɱ kho taɱ bhikkhave, sammā vadamāno vadeyya:||
'Bhagavato putto oraso mukhato jāto dhammajo ||
dhammanimmito dhammadāyādo no āmisadāyādo' ti||
Sāriputtameva taɱ sammā vadamāno vadeyya:||
'Bhagavato putto oraso mukhato jāto dhammajo||
dhammanimmito dhammadāyādo no āmisadāyādo' ti|| ||

[23][pts][ntbb][than][olds] Sāriputto bhikkhave, Tathāgatena anuttaraɱ dhammacakkaɱ pavattikaɱ sammad eva anuppavattetīti|| ||

Idam avoca Bhagavā,||
attamanā te bhikkhū Bhagavato bhāsitaɱ abhinandunti.|| ||

Anupada suttaɱ paṭhamaɱ.

 


[1] This reading from PTS edition. See Bhk. Thanissaro's notes at mn.111 n3


 

Contact:
E-mail
Copyright Statement   Webmaster's Page