Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Majjhima Nikāya
III. Upari Paṇṇāsa
2. Anupada Vagga

Sutta 112

Chabbisodhana Suttaɱ

Based on the 'Sri Lanka Buddha Jayanti Tripitaka Series.'

 


 

[1][chlm][pts][upal][olds][ntbb] Evaɱ me sutaɱ:|| ||

Ekaɱ samayaɱ Bhagavā Sāvatthīyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

Bhikkhavo ti.|| ||

Bhadante ti te bhikkhu Bhagavato paccassosuɱ.|| ||

Bhagavā etad avoca:|| ||

Idha, bhikkhave, bhikkhu aññaɱ vyākaroti:|| ||

Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyāti pajānāmi' ti.|| ||

Tassa, bhikkhave, bhikkhuno bhāsitaɱ n'eva abhinanditabbaɱ nappaṭikkositabbaɱ.|| ||

Anabhinanditvā appaṭikkositvā pañho pucchitabbo:|| ||

Cattāro'me, āvuso, vohārā tena Bhagavatā jānatā passatā arahatā Sammā-Saɱ-Buddhena sammad akkhātā.|| ||

Katame cattāro?|| ||

Diṭṭhe diṭṭhavāditā,||
sute sutavāditā,||
mute mutavāditā,||
viññāte [30] viññātavāditā.|| ||

Ime kho āvuso, cattāro vohārā tena Bhagavatā jānatā passatā arahatā Sammā-Saɱ-Buddhena sammad akkhato.|| ||

Kathaɱ jānato pan'āyasmato kathaɱ passato imesu catusu vohāresu anupādāya āsavehi cittaɱ vimuttan ti?|| ||

Khīṇāsavassa, bhikkhave, bhikkhuno||
vusitavato||
katakaraṇīyassa||
ohitabhārassa||
anuppattasadatthassa||
parikkhīṇabhavasaɱyojanassa||
samma-d-aññā vimuttassa||
ayam anudhammo hoti veyyākaraṇāya:|| ||

Diṭṭhe kho ahaɱ, āvuso,||
anupayo anapāyo anissito appaṭibaddho vippamutto visaŋyutto vimariyādīkatena cetasā vihārāmi.|| ||

Sute kho ahaɱ, āvuso,||
anupayo anapāyo anissito appaṭibaddho vippamutto visaŋyutto vimariyādīkatena cetasā viharāmi.|| ||

Mute kho ahaɱ, āvuso,||
anupayo anapāyo anissito appaṭibaddho vippamutto visaŋyutto vimariyādīkatena cetasā viharāmi.|| ||

Viññāte kho ahaɱ, āvuso,||
anupayo anapāyo anissito appaṭibaddho vippamutato visaŋyutto vimariyādīkatena cetasā viharāmī.|| ||

Evaɱ kho me āvuso,||
jānato evaɱ passato imesu catusu vohāresu anupādāya āsavehi cittaɱ vimuttan ti.|| ||

Tassa, bhikkhave, bhikkhuno Sādhūti bhāsitaɱ abhinanditabbaɱ, anumoditabbaɱ.|| ||

Sādhūti bhāsitaɱ abhinanditvā anumoditvā uttariɱ pañho pucchitabbo:|| ||

Pañca kho ime, āvuso,||
upādānakkhandhā tena Bhagavatā jānatā passatā arahatā Sammā-Saɱ-Buddhena sammad akkhatā.|| ||

Katame pañca?|| ||

Seyyathīdam:||
rūpūpādānakkhandho||
vedanūpādānakkhandho||
saññūpādānakkhandho||
sankhārūpādānakkhandho||
viññāṇūpādānakkhandho.|| ||

Ime kho āvuso, pañc'upādānakkhandhā tena Bhagavatā jānatā passatā arahatā Sammā-Saɱ-Buddhena sammad akkhātā.|| ||

Kathaɱ jānato pan'āyasmato||
kathaɱ passato imesu pañcasū'pādānakkhandhesu anupādāya āsavehi cittaɱ vimuttan ti?|| ||

Khīṇāsavassa, bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaɱyojanassa samma-d-aññā vimuttassa ayam anudhammo hoti veyyākaraṇāya:|| ||

— Rūpaɱ kho ahaɱ, āvuso,||
abalaɱ virāgaɱ anassāsikan viditvā ye rūpe upāyūpādānā [31] cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Vedanaɱ kho ahaɱ, āvuso,||
abalaɱ virāgaɱ anassāsikan viditvā ye vedanā upāyūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Saññaɱ kho ahaɱ, āvuso,||
abalaɱ virāgaɱ anassāsikan viditvā ye saññā upāyūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Sankhāre kho ahaɱ, āvuso,||
abalaɱ virāgaɱ anassāsikan viditvā ye sankhārā upāyūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.

Viññāṇaɱ kho ahaɱ, āvuso,||
abalaɱ virāgaɱ anassāsikan viditvā ye viññāṇe upāyūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Evaɱ kho me āvuso,||
jānato evaɱ passato imesu pañcasū'pādānakkhandhesu anupādāya āsavehi cittaɱ vimuttan ti.|| ||

Tassa bhikkhave, bhikkhuno Sādhūti bhāsitaɱ abhinanditabbaɱ anumoditabbaɱ.|| ||

Sādhūti bhāsitaɱ abhinanditvā anumoditvā uttariɱ pañho pucchitabbo:|| ||

chaḷy'imā āvuso,||
dhātuyo tena Bhagavatā jānatā passatā arahatā Sammā-Saɱ-Buddhena sammad akkhatā.|| ||

Katamā cha?|| ||

Paṭhavīdhātu||
āpodhātu||
tejodhātu||
vāyodhātu||
ākāsadhātu||
viññāṇadhātu.|| ||

Imā kho, āvuso, cha dhātuyo tena Bhagavatā jānatā passatā arahatā Sammā-Saɱ-Buddhena sammad akkhatā.|| ||

Kathaɱ jānato pan'āyasmato kathaɱ passato imāsu chasu dhātusu anupādāya āsavehi cittaɱ vimuttanti?|| ||

Khīṇāsavassa, bhikkhave, bhikkhuno vusitavato katakaraṇīyassa ohitabhārassa anupattasadatthassa parikkhīṇabhavasaɱyojanassa samma-d-aññā vimutassa ayam anudhammo hoti veyyākaraṇāya:|| ||

Paṭhavīdhātuɱ kho ahaɱ, āvuso,||
na attato upagacchiɱ,||
na ca paṭhavīdhātunissitaɱ attānaɱ.|| ||

Ye ca paṭhavīdhātunissitā upayūpādānā cetaso adhiṭṭhānābhinivesānusayā tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Āpodhātuɱ kho ahaɱ, āvuso,||
na attato upagacchiɱ,||
na ca āpodhātunissitaɱ attānaɱ.|| ||

Ye ca āpodhātuunissitā upayūpādānā cetaso adhiṭṭhānābhinivesānusayā tesaɱ khayā virāgā nirodhā cāgā paṭinissaggā vimuttaɱ me cittanti pajānāmi.|| ||

Tejodhātuɱ kho ahaɱ, āvuso,||
na attato upagacchiɱ,||
na ca tejodhātunissitaɱ attānaɱ.|| ||

Ye ca tejodhātunissitā upayūpādānā cetaso adhiṭṭhānābhinivesānusayā tesaɱ khayā virāgā nirodhā cāgā paṭinissaggā vimuttaɱ me cittanti pajānāmi.|| ||

Vāyodhātuɱ kho ahaɱ, āvuso,||
na attato upagacchiɱ,||
na ca vāyodhātunissitaɱ attānaɱ.|| ||

Ye ca vāyodhātunissitā upayūpādānā cetaso adhiṭṭhānābhinivesānusayā tesaɱ khayā virāgā nirodhā cāgā paṭinissaggā vimuttaɱ me cittanti pajānāmi.|| ||

Ākāsadhātuɱ kho ahaɱ, āvuso,||
na attato upagacchiɱ,||
na ca ākāsadhātunissitaɱ attānaɱ.|| ||

Ye ca ākāsadhātunissitā upayūpādānā cetaso adhiṭṭhānābhinivesānusayā tesaɱ khayā virāgā nirodhā cāgā paṭinissaggā vimuttaɱ me cittanti pajānāmi.|| ||

Viññāṇadhātuɱ kho ahaɱ, āvuso,||
na attato upagacchiɱ,||
na ca viññāṇadhātunissitaɱ attānaɱ.|| ||

Ye ca viññāṇadhātunissitā upayūpādānā cetaso adhiṭṭhānābhinivesānusayā tesaɱ khayā virāgā nirodhā cāgā paṭinissaggā vimuttaɱ me cittanti pajānāmi.|| ||

Evaɱ kho me āvuso,||
jānato evaɱ passato imāsu chasu dhātusu anupādāya āsavehi cittaɱ vimuttan ti.|| ||

Tassa, bhikkhave, bhikkhuno Sādhūti bhāsitaɱ abhinanditabbaɱ anumoditabbaɱ.|| ||

Sādhūti bhāsitaɱ abhinanditvā anumoditvā uttariɱ pañho pucchitabbo:|| ||

Cha kho pan'imāni āvuso,
ajjhattikāni bāhirāni āyatanāni tena Bhagavatā jānatā passatā arahatā Sammā-Saɱ-Buddhena sammad akkhātāni.|| ||

Katamāni cha?|| ||

Cakkhuɱ c'eva rūpā ca,||
sotaɱ ca saddā ca,||
ghānaɱ ca ghandhā ca,||
jivhā ca rasā ca,||
kāyo ca phoṭṭhabbā ca,||
mano ca dhammā ca.|| ||

Imāni kho, āvuso,||
cha ajjhattikāni bāhirāni āyatanāni tena Bhagavatā jānatā passatā arahatā Sammā-Saɱ-Buddhena sammad akkhātāni.|| ||

Kathaɱ jānato pan'āyasmato kathaɱ passato imesu chasu ajjhattikāni bāhirāni āyatanesu anupādāya āsavehi cittaɱ vimuttan ti?|| ||

Khīṇāsavassa, bhikkhave,||
bhikkhuno vusitavato katakaraṇīyassa ohitabhārassa ||
anupattasadatthassa parikkhīṇabhavasaɱyojanassa||
samma-d-aññā vimuttassa ayam anudhammo hoti veyyākaraṇāya:|| ||

Cakkhusmiɱ āvuso,||
rūpe cakkhuviññāṇe||
cakkhuviññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upayūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Sotasmiɱ āvuso,||
sadde sotaviññāṇe||
sotaviññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upayūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Ghānasmiɱ āvuso,||
gandhe ghānaviññāṇe||
ghānaviññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upayūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Jivhāya āvuso,||
rase jivhāviññāṇe||
jivhāviññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upayūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Kāyasmiɱ āvuso,||
phoṭṭhabbe kāyaviññāṇe||
kāyaviññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upayūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Manasmiɱ āvuso,||
dhamme manoviññāṇe||
manoviññāṇaviññātabbesu dhammesu||
yo chando,||
yo rāgo,||
yā nandi,||
yā taṇhā,||
ye ca upayūpādānā cetaso adhiṭṭhānābhinivesānusayā,||
tesaɱ khayā virāgā nirodhā cāgā paṭinissaggā vimuttaɱ me cittan ti pajānāmi.|| ||

Evaɱ kho me, āvuso,||
jānato evaɱ passato imesu chasu ajjhattikāni bāhirāni āyatanesu anupādāya āsavehi cittaɱ vimuttan ti.|| ||

Tassa bhikkhave, bhikkhuno Sādhūti bhāsitaɱ abhinanditabbaɱ anumoditabbaɱ.|| ||

Sādhūti bhāsitaɱ abhinanditvā anumoditvā uttariɱ pañho pucchitabbo:|| ||

Kathaɱ jānato pan'āyasmato kathaɱ passato imasmiɱ ca saviññāṇake kāye bahiddhā ca sabbanimittesu ahiɱkāramamiŋkāramānānusayā susamūhatā ti?|| ||

[33] Khīṇāsavassa bhikkhave, bhikkhuno vusitavato katakaraṇīyassa ohitabhārassa anuppattasadatthassa parikkhīṇabhavasaɱyojanassa samma-d-aññā vimuttassa ayam anudhammo hoti veyyākaraṇāya:|| ||

'Pubbe kho ahaɱ, āvuso, agāriyabhūto samāno aviddasu ahosiɱ.|| ||

Tassa me Tathāgato vā Tathāgatasāvako vā dhammaɱ desesi.|| ||

Tāhaɱ dhammaɱ sutvā Tathāgate saddhaɱ paṭilabhiɱ.|| ||

So tena saddhāpaṭilābhena samannāgato iti paṭisañcikkhiɱ:|| ||

Sambādho ghārāvāso rajāpatho,||
abbhokāso pabbajjā,||
na-y-idaɱ sukaraɱ agāraɱ ajjhāvasatā||
ekanta-paripuṇṇaɱ||
ekanta-parisuddhaɱ||
sankhalikhitaɱ brahmacariyaɱ carituɱ.|| ||

Yan'nūnāhaɱ kesamassuɱ ohāretvā kāsāyāni vatthāni acchādetvā agārasmā anagāriyaɱ pabbajeyyan ti.|| ||

So kho ahaɱ, āvuso,||
aparena samayena appaɱ vā bhogakkhandhaɱ pahāya mahantaɱ vā bhogakkhandhaɱ pahāya,||
appaɱ vā ñātiparivaṭṭaɱ pahāya mahantaɱ vā ñātiparivaṭṭaɱ pahāya,||
kesamassuɱ ohāretvā kāsāyāni vatthāni acchādetvā agārasmā anagāriyaɱ pabbajiɱ.|| ||

So evaɱ pabbajito samāno bhikkhūnaɱ sikkhāsājivasamāpanno pāṇātipātaɱ pahāya pāṇātipātā paṭivirato ahosiɱ,||
nihita-daṇḍo nihita-sattho lajjī dayāpanno sabba-pāṇa-bhūta-hitānukampī vihāsiɱ.|| ||

Adinnādānaɱ pahāya adinnādānā paṭivirato ahosiɱ.||
Dinnādāyī dinna-pāṭikaŋkhī athenena sucibhūtena attanā vihāsiɱ.|| ||

Abrahmacariyaɱ pahāya brahmacārī ahosiɱ ārā-cārī||
virato methunā gāma-dhammā.|| ||

Musā-vādaɱ pahāya musāvādā paṭivirato ahosiɱ,||
sacca-vādī saccasandho theto paccayiko avisaɱvādako lokassa.|| ||

Pisunaɱ vācaɱ pahāya pisunāya vācāya paṭivirato ahosiɱ,||
ito sutvā na amutra akkhātā imesaɱ bhedāya,||
amutra vā sutvā na imesaɱ akkhātā amūsaɱ bhedāya,||
iti bhinnānaɱ vā sandhātā||
sahitānaɱ vā anuppadātā||
samaggārāmo samaggarato samagganandī samaggakaraṇiɱ vācaɱ bhāsitā ahosiɱ.|| ||

Pharusaɱ vācaɱ pahāya pharusāya vācāya paṭivirato ahosiɱ,||
yā sā vācā ne'ā kaṇṇasukhā [34] pemaṇīyā hadayaŋgamā porī bahujanakantā bahujanamanāpā tathārūpiɱ vācaɱ bhāsitā ahosiɱ.|| ||

Samphappalāpaɱ pahāya samphappalāpā paṭivirato ahosiɱ,||
kāla-vādī bhūta-vādī attha-vādī dhamma-vādī vinaya-vādī ,||
nidhānavatiɱ vācaɱ bhāsitā ahosiɱ kālena sāpadesaɱ pariyantavatiɱ atthasaɱhitaɱ.|| ||

So bījagāmabhūtagāmasamāramhā paṭivirato ahosiɱ.|| ||

Ekabbhattiko ahosiɱ rattūparato,||
paṭivirato vikāla-bhojanā.|| ||

Naccagītavādita visukadassanā paṭivirato ahosiɱ.|| ||

Mālāgandhavilepanadhāraṇamaṇḍana vibhusanaṭṭhānā paṭivirato ahosiɱ.|| ||

Uccāsayana-mahāsayanā paṭivirato ahosiɱ.|| ||

Jātarūpa-rajata-paṭiggahaṇā paṭivirato ahosiɱ.|| ||

Āmakadhañña paṭiggahaṇā paṭivirato ahosiɱ.|| ||

Āmaka-maɱsa-paṭiggahaṇā paṭivirato ahosiɱ.|| ||

Itthi-kumārika-paṭiggahaṇā paṭivirato ahosiɱ.|| ||

Dāsi-dāsa-paṭiggahaṇā paṭivirato ahosiɱ.|| ||

Ajeḷaka-paṭiggahaṇā paṭivirato ahosiɱ.|| ||

Kukkuṭa-sūkara-paṭiggahaṇā paṭivirato ahosiɱ.|| ||

Hatthigavāssa va'avapaṭiggahaṇā paṭivirato ahosiɱ.|| ||

Khetta-vatthu-paṭiggahaṇā paṭivirato ahosiɱ.|| ||

Dūteyya pahinagamanānuyogā paṭivirato ahosiɱ.|| ||

Kaya-vikkayā paṭivirato ahosiɱ.|| ||

Tulākūṭakaɱsakuṭamānakuṭā paṭivirato ahosiɱ.|| ||

Ukkoṭanavañ cananikatisāciyogo paṭivirato ahosiɱ.|| ||

Chedana-vadhabandhana-viparāmosa-ālopa-sahasākārā paṭivirato ahosiɱ.|| ||

So santuṭṭho ahosiɱ kāyaparihārikena cīvarena kucchiparihārikena piṇḍapātena.|| ||

So yena yen'eva pakkamiɱ,||
samādāyeva pakkamiɱ.|| ||

Seyyathā pi nāma pakkhī sakuṇo yena yen'eva ḍeti,||
sapattabhārova ḍeti.|| ||

Evam eva kho ahaɱ āvuso,||
santuṭṭho ahosiɱ,||
kāyaparihārikena cīvarena kucchiparihārikena piṇḍapātena.|| ||

So yena yen'eva pakkamiɱ,||
samādāyeva pakkamiɱ.|| ||

So iminā ariyena silakkhandhena samannāgato ajjhattaɱ anavajjasukhaɱ paṭisaŋvedesiɱ.|| ||

So cakkhunā rūpaɱ disvā na nimittaggāhī ahosiɱ nānuvyañjanaggāhī.|| ||

Yato'dhikaraṇam enaɱ cakkhu'ndriyaɱ asaŋvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saŋvarāya [35] paṭipajjiɱ,||
rakkhiɱ cakkhūndriyaɱ,||
cakkhu'ndriye saŋvaraɱ āpajjiɱ.|| ||

Sotena saddaɱ sutvā na nimittaggāhī ahosiɱ nānuvyañjanaggāhī.|| ||

Yato'dhikaraṇam enaɱ sot'indriyaɱ asaŋvutaɱ viharantaɱ abhijjhā-domanassā pāpakā akusalā dhammā anvāssaveyyuɱ,||
tassa saŋvarāya paṭipajjiɱ,||
rakkhiɱ sot'indriyaɱ,||
sot'indriye saŋvaraɱ āpajjiɱ.|| ||

Ghānena gandhaɱ ghāyitvā na nimittaggāhī ahosiɱ nānuvyañjanaggāhī.|| ||

Yato'dhikaraṇam enaɱ ghān'indriyaɱ asaŋvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saŋvarāya paṭipajjiɱ,||
rakkhiɱ ghān'indriyaɱ,||
ghān'indriye saŋvaraɱ āpajjiɱ.|| ||

Jivhāya rasaɱ sāyitvā na nimittaggāhī ahosiɱ nānuvyañjanaggāhī.|| ||

Yato'dhikaraṇam enaɱ jivh'indriyaɱ asaŋvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saŋvarāya paṭipajjiɱ,||
rakkhiɱ jivh'indriyaɱ,||
jivh'indriye saŋvaraɱ āpajjiɱ.|| ||

Kāyena phoṭṭhabbaɱ phusitvā na nimittaggāhī ahosiɱ nānuvyañjanaggāhī.|| ||

Yato'dhikaraṇam enaɱ kāy'indriyaɱ asaŋvutaɱ viharantaɱ abhijjhā domanassā pāpakā akusalā dhammā anvāssaveyyuɱ,||
tassa saŋvarāya paṭipajjiɱ,||
rakkhiɱ kāy'indriyaɱ,||
kāy'indriye saŋvaraɱ āpajjiɱ.|| ||

Manasā dhammaɱ viññāya na nimittaggāhī ahosiɱ nānuvyañjanaggāhī.|| ||

Yato'dhikaraṇam enaɱ man'indriyaɱ asaŋvutaɱ viharantaɱ abhijjhā-domanassā pāpakā akusalā dhammā anvāssaveyyuɱ,||
tassa saŋvarāya paṭipajjiɱ,||
rakkhiɱ man'indriyaɱ,||
man'indriye saŋvaraɱ āpajjiɱ.|| ||

So iminā ariyena indriyasaɱvarena samannāgato ajjhattaɱ avyāsekasukhaɱ paṭisaŋvedesiɱ.|| ||

So abhikkante paṭikkante sampajānakārī ahosiɱ.|| ||

Ālokite vilokite sampajānakārī ahosiɱ.|| ||

Sammiñjite pasārite sampajānakārī ahosiɱ.|| ||

Sanghāṭīpattacivaradhāraṇe sampajānakārī ahosiɱ.|| ||

Asite pīte khāyite sāyite sampajānakārī ahosiɱ.|| ||

Uccārapassāvakamme sampajākārī ahosiɱ.|| ||

Gate ṭhite nisinne sutte jāgarite bhāsite tuṇhībhāve sampajānakārī ahosi.|| ||

So iminā ca ariyena sīlakkhandhena samannāgato iminā ca ariyena indriyasaɱvarena samannāgato iminā ca ariyena satisampajaññena samannāgato vivittaɱ senāsanaɱ bhajiɱ araññaɱ rukkhamūlaɱ pabbataɱ kandaraɱ giriguhaɱ susānaɱ vanapatthaɱ abbhokāsaɱ palālapuñjaɱ.|| ||

So pacchābhattaɱ piṇḍapātapaṭikkanto
nisīdiɱ pallaŋkaɱ ābhujitvā,||
ujuɱ kāyaɱ paṇidhāya,||
parimukhaɱ satiɱ upaṭṭhapetvā.|| ||

So abhijjhaɱ loke pahāya||
vigātābhijjhena cetasā vihāsiɱ,||
abhijjhāya cittaɱ parisodhesiɱ.|| ||

vyāpādapadosaɱ pahāya||
avyāpannacitto vihāsiɱ sabbapānabhūtahitānukampī,||
vyāpādapadosā cittaɱ parisodhesiɱ.|| ||

Thīnamiddhaɱ pahāya||
vigatathīnamiddho vihāsiɱ ālokasaññī sato sampajāno,||
thīnamiddhā cittaɱ parisodhesiɱ.|| ||

Uddhaccakukkuccaɱ pahāya||
anuddhato vihāsiɱ ajjhattaɱ vūpasantacitto,||
uddhaccakukkuccā cittaɱ parisodhesiɱ.|| ||

Vicikicchaɱ pahāya||
tiṇṇavicikiccho vihāsiɱ akathaŋkathī kusalesu dhammesu,||
vicikicchāya cittaɱ parisodhesiɱ.|| ||

[36] So ime pañca nīvaraṇe pahāya||
cetaso upakkilese paññāya dubbalīkaraṇe||
vivicc'eva kāmehi||
vivicca akusalehi dhammehi||
savitakkaɱ savicāraɱ||
vivekajaɱ pīti-sukhaɱ||
paṭhamaɱ-jhānaɱ upasampajja vihāsiɱ.|| ||

Vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ||
avitakkaɱ avicāraɱ samādhijaɱ pitisukhaɱ dutiyaɱ-jhānaɱ upasampajja vihāsiɱ.|| ||

Pītiyā ca virāgā upekkhako ca vihāsiɱ sato ca sampajāno sukhañca kāyena paṭisaŋvedesiɱ.|| ||

Yaɱ taɱ ariyā ācikkhanti:|| ||

'Upekkhako satimā sukha-vihārī' ti taɱ tatiyaɱ-jhānaɱ upasampajja vihāsiɱ.|| ||

Sukhassa ca pahānā dukkhassa ca pahānā pubbe va somanassa-domanassānaɱ atthaŋgamā adukkha-m-asukhaɱ upekkhā-sati-pārisuddhiɱ catutthaɱ-jhānaɱ upasampajja vihāsiɱ.|| ||

So evaɱ samāhite citte parisuddhe pariyodāte anaŋgaṇe vigatupakkilese mudubhute kammanīye ṭhite āṇañjappatte āsavānaɱ khayañāṇāya cittaɱ abhininnāmesiɱ.|| ||

So idaɱ dukkhan ti yathābhūtaɱ abbhaññāsiɱ,||
ayaɱ dukkhasamudayo ti yathābhūtaɱ abbhaññāsiɱ,||
ayaɱ dukkhanirodho ti yathābhūtaɱ abbhaññāsiɱ,||
ayaɱdukkhanirodhagāminīpaṭipadā ti yathābhūtaɱ abbhaññāsiɱ.|| ||

Ime āsavā ti yathābhūtaɱ abbhaññāsiɱ,||
ayaɱ āsavasamudayo ti yathābhūtaɱ abbhaññāsiɱ,||
ayaɱ āsavanirodho ti yathābhūtaɱ abbhaññāsiɱ,||
ayaɱ āsavanirodhagāminīpaṭipadā ti yathābhūtaɱ abbhaññāsiɱ.|| ||

Tassa me evaɱ jānato evaɱ passato kāmāsavā pi cittaɱ vimuccittha,||
bhavāsavā pi cittaɱ vimuccittha,||
avijjāsavā pi cittaɱ vimuccittha.|| ||

Vimuttasmiɱ vimuttamiti ñāṇaɱ ahosi:|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā'ti abbhaññāsiɱ.|| ||

Evaɱ kho me āvuso,||
jānato evaɱ passato imasmiɱ ca saviññāṇake kāye bahiddhā ca sabbanimittesu ahaŋkāra-mamaŋkāra-mānānusayā susamūhatāti.|| ||

Tassa bhikkhave, bhikkhuno Sādhūti bhāsitaɱ abhinanditabbaɱ anumoditabbaɱ.|| ||

Sādhūti bhāsitaɱ abhinanditvā anumoditvā evam assa vacanīyo:|| ||

'Lābhā no āvuso,||
suladdhaɱ [37] no, āvuso,||
ye mayaɱ āyasmantaɱ tādisaɱ brahmacāriɱ passāmā' ti.|| ||

Idam avoca Bhagavā. Attamanā te bhikkhū Bhagavato bhāsitaɱ abhinandunti.|| ||

Jabbisodhanasuttaɱ dutiyaɱ


 

Contact:
E-mail
Copyright Statement   Webmaster's Page