Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

Saɱyutta Nikāya
I. Sagātha Vagga
1. Devatā-Saɱyutta
VII. Addha Vagga

Adapted from the 1995 edition of the digital version of the
Sri Lanka Buddha Jayanti Tripitaka Series.

 


 

Sutta 61

Nāma(anvabhavi) Suttaɱ

[61.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
[39] Kiɱ su sabbaɱ anvabhavi1 kismā||
bhiyyo na vijjati,||
Kissassa ekaDhammassa||
sabbe va vasamanvagūti.|| ||

(Bhagavā:)||
Nāmaɱ sabbaɱ anvabhavi||
nāmā bhiyyo na vijjati,||
Nāmassa ekaDhammassa||
sabbe va vasamanvagūti.

 


 

Sutta 62

Citta Suttaɱ

[62.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kenassu nīyati loko||
kenassu parikassati,||
Kissassa ekaDhammassa||
sabbe va vasamanvagūti.|| ||

(Bhagavā:)||
Cittena nīyati loko||
cittena parikassati,||
Cittassa ekaDhammassa||
sabbe va vasamanvagūti.|| ||

 


 

Sutta 63

Taṇhā Suttaɱ

[63.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kenassu nīyati loko||
kenassu parikassati,||
Kissassa ekaDhammassa||
sabbe va vasamanvagūti,|| ||

(Bhagavā:)||
Taṇhāya nīyati loko||
taṇhāya parikassati,||
Taṇhāya ekaDhammassa||
sabbe va vasamanvagūti.|| ||

 


 

Sutta 64

Saɱyojana Suttaɱ

[64.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kiɱ su saɱyojano loko||
kiɱ su tassa vicāraṇaɱ,||
Kissassa vippahāṇena||
nibbāṇamiti vuccatī ti.|| ||

 


 

Sutta 65

Bandhana Suttaɱ

[65.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kiɱ su sambandhano loko||
kiɱ su tassa vicāraṇaɱ,||
Kissassa vippahāṇena||
sabbaɱ chindati bandhananti.|| ||

(Bhagavā:)||
[40] Nandi sambandhano loko||
vitakkassa vicāraṇaɱ,||
Taṇhāya vippahāṇena||
sabbaɱ chindati bandhananti.|| ||

 


 

Sutta 66

Abbhāhata Suttaɱ

[66.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kenassu uḍḍito loko||
kenassu parivārito,||
Kena sallena otiṇṇo||
kissa dhūmāyito sadā ti.|| ||

(Bhagavā:)||
Maccunā'bbhāhato loko||
jarāya parivārito,||
Taṇhāsallena otiṇṇo||
icchādhūmāyito sadāti.|| ||

 


 

Sutta 67

Uḍḍita Suttaɱ

[67.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kenassu uḍḍito loko||
kenassu parivārito,||
Kenassu pihito loko||
kismiɱ loko patiṭṭhitoti.|| ||

(Bhagavā:)||
Taṇhāya uḍḍito loko||
jarāya parivārito,||
Maccunā pihito loko||
dukkhe loko patiṭṭhitoti.|| ||

 


 

Sutta 68

Pihita Suttaɱ

[68.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kenassu pihito loko||
kismiɱ loko patiṭṭhito,||
Kenassu uḍḍito loko||
kenassu parivāritoti.|| ||

(Bhagavā:)||
Maccunā pihito loko||
dukkhe loko patiṭṭhito,||
Taṇhāya uḍḍito loko||
jarāya parivārito.|| ||

 


 

Sutta 69

Icchā Suttaɱ

[69.1][rhyc][than][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
Kenassu bajjhati loko||
kissa vinayāya muccati,||
Kissassa vippahāṇena||
sabbaɱ chindati bandhananti.|| ||

(Bhagavā:)||
Icchāya bajjhati loko||
icchāvinayāya muccati,||
Icchāya vippahāṇena||
sabbaɱ chindati bandhananti.|| ||

 


 

Sutta 70

Loka Suttaɱ

[70.1][rhyc][bodh] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

(Devatā:)||
[41] Kismiɱ loko samuppanno||
kismiɱ kubbati santhavaɱ,||
Kissa loko upādāya||
kismiɱ loko vihaññatī ti.|| ||

(Bhagavā:)||
Chasu loko samuppanno||
chasu kubbati santhavaɱ,||
Channameva upādāya||
chasu loko vihaññatī ti.|| ||

Anvavaggo sattamo.

 


Contact:
E-mail
Copyright Statement   Webmaster's Page