Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

Saŋyutta Nikāya
I. Sagātha Vagga
2. Devaputtasaŋyutta

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 1

Paṭhama Kassapa Suttaɱ

[1.1][rhyc] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho Kassapo devaputto abhikkantāya rattiyā abhikkantavaṇṇo kevalakappaɱ Jetavanaɱ obhāsetvā yena Bhagavā ten'upasaŋkami.||
Upasaŋkamitvā Bhagavantaɱ abhivādetvā eka-m-antaɱ aṭṭhāsi.|| ||

Eka-m-antaɱ ṭhito kho Kassapo devaputto Bhagavantaɱ etad avoca:||
"bhikkhuɱ Bhagavā pakāsesi.|| ||

No ca bhikkhuno anusāsaninti."|| ||

(Bhagavā:)||
Tena hi kassapa taɱ yeva ettha paṭibhātūti.|| ||

(Kassapadevaputto:)||
"Subhāsitassa sikkhetha samaṇūpāsanassa ca,||
Ekāsanassa ca raho cittavūpasamassa cāti."|| ||

Idam avoca Kassapo devaputto samanuñño satthā ahosi.||
Atha kho Kassapo devaputto samanuñño me satthāti Bhagavantaɱ||
Abhivādetvā padakkhiṇaɱ katvā tatthevantaradhāyīti.|| ||

 

§

 

Sutta 2

Dutiya Kassapa Suttaɱ

[2.1][rhyc] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Eka-m-antaɱ ṭhito kho Kassapo devaputto Bhagavato santike imaɱ gāthaɱ abhāsi:|| ||

Bhikkhu siyā jhāyī vimuttacitto ākaŋkhe ce hadayassānupattiɱ,||
Lokassa ñatvā udayabbayañ ca sucetaso anissito tadānisaɱsoti.|| ||

 

§

 

Sutta 3

Māgha Suttaɱ

[3.1][rhyc] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho māgho devaputto abhikkantāya rattiyā abhikkantavaṇṇo kevalakappaɱ Jetavanaɱ obhāsetvā yena Bhagavā ten'upasaŋkami.||
Upasaŋkamitvā Bhagavantaɱ abhivādetvā eka-m-antaɱ aṭṭhāsi.|| ||

Eka-m-antaɱ ṭhito kho māgho devaputto Bhagavantaɱ gāthāya ajjhabhāsi:|| ||

Kiɱ su jhatvā sukhaɱ seti kiɱ su jhatvā na socati,||
Kissassa ekaDhammassa vadhaɱ rocesi gotamāti.|| ||

(Bhagavā:)||
Kodhaɱ jhatvā sukhaɱ seti kodhaɱ jhatvā na socati,||
Kodhassa visamūlassa madhuraggassa vatrabhū,||
Vadhaɱ ariyā pasaɱsanti taɱ hi jhatvā na socatī ti.|| ||

 

§

 

Sutta 4

Māgadha Suttaɱ

[4.1][rhyc] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Eka-m-antaɱ ṭhito kho Māgadho devaputto Bhagavantaɱ gāthāya ajjhabhāsi:||
kati lokasmiɱ pajjotā yehi loko pakāsati.|| ||

Bhagavantaɱ puṭṭhumāgamma kathaɱ jānemu taɱ mayanti|| ||

(Bhagavā:)||
cattāro loke pajjotā pañcamettha na vijjati,||
Divā tapati ādicco rattiɱ ābhāti candimā.|| ||

Atha aggi divārattiɱ tattha tattha pakāsati,||
Sambuddho tapataɱ seṭṭho esā ābhā anuttarāti.|| ||

 

§

 

Sutta 5

Dāmali Suttaɱ

[5.1][rhyc] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho dāmali devaputto abhikkantāya rattiyā abhikkantavaṇṇo kevalakappaɱ Jetavanaɱ obhāsetvā yena Bhagavā ten'upasaŋkami.||
Upasaŋkamitvā Bhagavantaɱ abhivādetvā eka-m-antaɱ aṭṭhāsi.|| ||

Eka-m-antaɱ ṭhito kho dāmali devaputto Bhagavato santike imaɱ gāthaɱ abhāsi.|| ||

Karaṇīyame taɱ brāhmaṇena padhānamakilāsunā,||
Kāmānaɱ vippahāṇena na tenāsiɱsate bhavanti.|| ||

N'atthi kiccaɱ brāhmaṇassa||
(Dāmalīti Bhagavā)||
katakicco hi brāhmaṇo,||
Yāva na gādhaɱ labhati||
Nadīsu āyūhati sabbagattehi jantu||
Gādhañca laddhāna thale ṭhito so nāyūhati pāragato hi soti|| ||

Esūpamā dāmali brāhmaṇassa khīṇāsavassa nipakassa jhāyino,||
Pappuyya jātimaraṇassa antaɱ nāyūhati pāragato hi soti.|| ||

Sutta 6

Kāmada Suttaɱ

[6.1][rhyc][olen] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Eka-m-antaɱ ṭhito kho Kāmado devaputto Bhagavantaɱ etad avoca:|| ||

Dukkaraɱ Bhagavā sudukkaraɱ Bhagavāti.|| ||

Dukkaraɱ cāpi karonti||
(Kāmadā ti Bhagavā)||
Sekhā sīlasamāhitā Ṭhitattā||
anagāriyupetassa||
Tuṭṭhi hoti sukhāvahāti.|| ||

Dullabhā Bhagavā yad idaɱ tuṭṭhīti.|| ||

Dullabhaɱ vāpi labhanti||
(Kāmadā ti Bhagavā)||
Cittavūpasame ratā,||
Yesaɱ divā ca ratto ca||
Bhāvanāya rato mano ti.|| ||

Dussamādahaɱ Bhagavā yad idaɱ cittan ti.|| ||

Dussamādahaɱ vāpi samādahanti||
(Kāmadāti Bhagavā)||
Indriyūpasame ratā,||
Te chetvā maccuno jālaɱ||
Ariyā gacchanti Kāmadāti.|| ||

Duggamo Bhagavā visamo maggo ti|| ||

(Bhagavā:)||
Duggame visame vāpi||
Ariyā gacchanti Kāmada,||
Anariyā visame magge||
Papatanti avaɱsirā,||
Ariyānaɱ samo maggo||
Ariyā hi visame samāti.|| ||

 

§

 

Sutta 7

Pañcālacaṇḍa Suttaɱ

[7.1][rhyc][than] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Eka-m-antaɱ ṭhito ko pañcālacaṇḍo devaputto Bhagavato santike imaɱ gāthaɱ abhāsi:|| ||

Sambādhe vata okāsaɱ avindi bhūrimedhaso,||
Yo jhānambudhā buddho patilīnanisabho munīti.|| ||

Sambādhe vāpi vindanti||
(pañcālacaṇḍāti Bhagavā)||
dhammaɱ nibbāṇapattiyā,||
Ye satiɱ paccalatthuɱ su sammā te susamāhitāti.|| ||

 

§

 

Sutta 8

Tāyana Suttaɱ

[8.1][rhyc] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho tāyano devaputto purāṇatitthakaro abhikkantāya rattiyā abhikkantavaṇṇo kevalakappaɱ Jetavanaɱ obhāsetvā yena Bhagavā ten'upasaŋkami,||
upasaŋkamitvā Bhagavantaɱ abhivādatvā eka-m-antaɱ aṭṭhāsi.|| ||

Eka-m-antaɱ ṭhito kho tāyano devaputto Bhagavato santike imā gāthāyo abhāsi:|| ||

Chinda sotaɱ parakkamma kāme panuda brāhmaṇa,||
Nappahāya munī kāme nekattamupapajjati.|| ||

Kayirā ce kayirāthenaɱ daḷhamenaɱ parakkame,||
Sithilohi paribbājo bhiyyo ākirate rajaɱ.|| ||

Akataɱ dukkataɱ seyyo pacchā tapati dukkataɱ,||
Katañ ca sukataɱ seyyo yaɱ katvā nānutappati.|| ||

Kuso yathā duggahito hatthamevānukantati,||
Sāmaññaɱ dupparāmaṭṭhaɱ nirayāyūpakaḍḍhati.|| ||

Yaɱ kiñci sithilaɱ kammaɱ saɱkiliṭṭhañca yaɱ vataɱ,||
Saɱkassaraɱ brahmacariyaɱ na taɱ hoti mahapphalanti.|| ||

Idamavo ca tāyano devaputto idaɱ vatvā Bhagavantaɱ abhivādetvā padakkhiṇaɱ katvā tatthevantaradhāyīti.|| ||

Atha kho Bhagavā tassā rattiyā accayena bhikkhū āmantesi: imaɱ bhikkhave rattiɱ tāyano nāma devaputto purāṇatitthakaro abhikkantāya rattiyā abhikkantavaṇṇo kevalakappaɱ Jetavanaɱ obhāsetvā yenāhaɱ ten'upasaŋkami.||
Upasaŋkamitvā maɱ abhivādetvā eka-m-antaɱ aṭṭhāsi.|| ||

Eka-m-antaɱ ṭhito bhikkhave tāyano devaputto mama santike imā gāthāyo abhāsi:|| ||

Chinda sotaɱ parakkamma kāme panuda4 brāhmaṇa,||
Nappahāya muni kāme nekattamupapajjati.|| ||

Kayirā ce kayirāthenaɱ daḷhamenaɱ parakkame,||
[50] Sithilohi paribbājo bhiyyo ākirate rajanti.|| ||

Akataɱ dukkataɱ seyyo pacchā tapati dukkataɱ,||
Katañ ca sukataɱ seyyo yaɱ katvā nānutappati.|| ||

Kuso yathā duggahito hatthamevānukantati,||
Sāmaññaɱ dupparāmaṭṭhaɱ nirayāyūpakaḍḍhati.|| ||

Yaɱ kiñci sithilaɱ kammaɱ saɱkiliṭṭhañca yaɱ vataɱ,||
Saŋkassaraɱ brahmacariyaɱ na taɱ hoti mahapphalanti.|| ||

Idamavo ca tāyano devaputto idaɱ vatvā maɱ abhivādetvā padakkhiṇaɱ katvā tatthevantaradhāyi.|| ||

Uggaṇhātha bhikkhave,||
tāyanagāthā,||
pariyāpuṇātha bhikkhave,||
tāyanagāthā.|| ||

Dhāretha bhikkhave,||
tāyanagāthā.|| ||

Atthasaɱhitā bhikkhave,||
tāyanagāthā.|| ||

Ādibrahmacariyikāti.|| ||

 

§

 

Sutta 9

Candima Suttaɱ

[9.1][rhyc][piya] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tena kho pana samayena candimā devaputto rāhunā asurindena gahito hoti.|| ||

Atha kho candimā devaputto Bhagavantaɱ anussaramāno tāyaɱ velāyaɱ imaɱ gāthaɱ abhāsi:|| ||

"Namo te Buddhavīratthu vippamuttosi sabbadhi,||
Sambādhapaṭipannosmi tassa me saraṇaɱ bhavāti."|| ||

Atha kho Bhagavā candimaɱ devaputtaɱ ārabbha rāhuɱ asurindaɱ gāthāya ajjhabhāsi:|| ||

"Tathāgataɱ arahantaɱ candimā saraṇaɱ gato||
Rāhu candaɱ pamuñcassu buddhā lokānukampakāti."|| ||

Atha kho rāhu asurindo candimaɱ devaputtaɱ muñcitvā taramānarūpo yena vepacitti asurindo ten'upasaŋkami.||
Upasaŋkamitvā saɱviggo lomahaṭṭhajāto eka-m-antaɱ aṭṭhāsi.|| ||

Eka-m-antaɱ ṭhitaɱ kho rāhuɱ asurindaɱ vepacitti asurindo gāthāya ajjhabhāsi:|| ||

Kin nu santaramānova rāhu candaɱ pamuñcasi,||
Saɱviggarūpo āgamma kin nu bhīto va tiṭṭhasīti.|| ||

Sattadhā me phale muddhā jīvanto na sukhaɱ labhe,||
Buddhagāthābhigītomhi no ce muñceyya candimanti.|| ||

 

§

 

Sutta 10

Suriya Suttaɱ

[10.1][rhyc][piya] Evam me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tena kho pana samayena Suriyo devaputto rāhunā asurindena gahito hoti.|| ||

Atha kho Suriyo devaputto Bhagavantaɱ anussaramāno tāyaɱ velāyaɱ imaɱ gāthaɱ abhāsi:|| ||

"Namo te Buddhavīratthu vippamuttosi sabbadhi,||
Sambādhapaṭipannosmi tassa me saraṇaɱ bhavāti."|| ||

Atha kho Bhagavā suriyaɱ devaputtaɱ ārabbha rāhuɱ asurindaɱ gāthāhi ajjhabhāsi:|| ||

"Tathāgataɱ arahantaɱ Suriyo saraṇaɱ gato,||
Rāhu suriyaɱ pamuñcassu buddhā lokānukampakāti.|| ||

Yo andhakāre tamasī3 pabhaŋkaro verocano maṇḍalī uggatejo,||
Mā rāhu gilī caraɱ antalikkhe4 pajaɱ mama rāhu pamuñca suriyanti"|| ||

Atha kho rāhu asurindo suriyaɱ1 devaputtaɱ muñcitvā taramānarūpo yena vepacitti asurindo ten'upasaŋkami.||
Upasaŋkamitvā saɱviggo lomahaṭṭhajāto eka-m-antaɱ aṭṭhāsi.|| ||

Eka-m-antaɱ ṭhitaɱ kho rāhuɱ asurindaɱ vepacitti asurindo gāthāya ajjhabhāsi:|| ||

"Kin nusantaramānova rāhu suriyaɱ pamuñcasi,||
Saɱviggarūpo āgamma kin nu bhītova tiṭṭhasīti.|| ||

"Sattadhā me phale muddhā jīvanto na sukhaɱ labhe,||
Buddhagāthābhi gītomhi no ce muñceyya suriyanti."|| ||

Suriyavaggo paṭhamo

 


Contact:
E-mail
Copyright Statement   Webmaster's Page