Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
2. Nidāna Vagga
12. Nidāna-Saɱyutta
1. Buddha Vagga

Namo tassa Bhagavato arahato Sammā-sambuddhassa

Sutta 1

Desanā

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][rhyc][bodh][olds] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

[2][rhyc][bodh][olds] Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

Paṭiccasamuppādam vo bhikkhave desissāmi||
tām suṇātha sādhukam manasikarotha bhāsissāmīti||

Evaɱ bhante' ti kho te bhikkhū Bhagavato paccassosuɱ.|| ||

[3][rhyc][bodh][olds] Bhagavā etad avoca||
Katamo ca bhikkhave paṭiccasamuppādo?|| ||

Avijjā-paccayā bhikkhave sankhārā||
sankhāra-paccayā viññānaɱ||
viññāṇa-paccayā nāma-rūpaɱ||
nāma-rūpa-paccayā saḷāyatanaɱ||
saḷāyatana-paccayā phasso||
phassa-paccayā vedanā||
vedanā-paccayā taṇhā||
taṇhā-paccayā upādānaɱ||
upādāna-paccayā bhavo||
bhava-paccayā jāti||
jāti-paccayā jarā-maraṇaɱ soka-parideva-dukkha-domanassupāyasā sambhavanti.|| ||

Evam etassa kevalassa dukkhakkhandhassa samudayo hoti.|| ||

Ayaɱ vuccati bhikkhave samuppādo.|| ||

[4][rhyc][bodh][olds] Avijjāya tv eva asesavirāga-nirodhā sankhāra-nirodho||
sankhāra-nirodhā viññāṇa-nirodho||
viññāṇa-nirodhā nāma-rūpa-nirodho||
nāma-rūpa-nirodhā saḷāyatana-nirodho||
saḷāyatana-nirodhā phassa-nirodho||
phassa-nirodhā vedanā-nirodho||
vedanā-nirodhā taṇhā-nirodho||
taṇhā-nirodhā upādāna-nirodho||
upādāna-nirodhā bhava-nirodho||
bhava-nirodhā jāti-nirodho||
jāti-nirodhā jarā-maraṇaɱ soka-parideva-dukkha-domanāssupāyāsā nirujjhanti.|| ||

Evam etassa kevalassa dukkhakkhandhassa nirodho hotī ti|| ||

Idam avoca Bhagavā||
attamanā te bhikkh Bhagavato bhāsitam abhinandunti.|| ||


Contact:
E-mail
Copyright Statement   Webmaster's Page