Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XII. Nidāna Saŋyutta
II. Āhāra Vagga

Sutta 14

Dutiya Samaṇa-Brāhmaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[15]

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ.|| ||

Bhagavā etad avoca:|| ||

"Ye hi keci, bhikkhave, samaṇā vā brāhmaṇā vā ime dhamme nappajānanti,||
imesaŋ dhammānaɱ samudayaɱ nappajānanti,||
Imesaɱ dhammānaɱ nirodhaɱ nappajānanti,||
Imesaɱ dhammānaɱ nirodha-gāminiɱ paṭipadaɱ nappajānanti.|| ||

Katame dhamme nappajānanti?|| ||

Katamesaŋ dhammānaɱ samudayaɱ nappajānanti?|| ||

Katamesaŋ dhammānaɱ nirodhaɱ nappajānanti?|| ||

Katamesaŋ dhammānaɱ nirodhagāminiɱ paṭipadaɱ nappajānanti?|| ||

Jarā-māraṇaɱ nappajānanti,||
jarāmāraṇa-samudayaɱ nappajānanti,||
jarāmāraṇa-nirodhaɱ nappajānanti||
jarā-māraṇa-nirodha-gāminiɱ paṭipadaɱ nappajānanti;|| ||

jātiɱ nappajānanti,||
jāti-samudayaɱ nappajānanti,||
jāti-nirodhaɱ nappajānanti,||
jāti-nirodha-gāminiɱ paṭipadaɱ nappajānanti;|| ||

Bhavaɱ nappajānanti,||
bhava-samudayaɱ nappajānanti,||
bhava-nirodhaɱ nappajānanti,||
bhava-nirodha-gāminiɱ paṭipadaɱ nappajānanti;|| ||

upādānaɱ nappajānanti,||
upādāna-samudayaɱ nappajānanti,||
upādāna-nirodhaɱ nappajānanti,||
upādāna-nirodha-gāminiɱ paṭipadaɱ nappajānanti;|| ||

taṇhaɱ nappajānanti,||
taṇhā-samudayaɱ nappajānanti,||
taṇhā-nirodhaɱ nappajānanti,||
taṇhā-nirodha-gāminiɱ paṭipadaɱ nappajānanti;|| ||

vedanaɱ nappajānanti,||
vedanā-samudayaɱ nappajānanti,||
vedanā-nirodhaɱ nappajānanti,||
vedanā-nirodha-gāminiɱ paṭipadaɱ nappajānanti;|| ||

phassaŋ nappajānanti,||
phassa-samudayaɱ nappajānanti,||
phassa-nirodhaɱ nappajānanti,||
phassa-nirodha-gāminiɱ paṭipadaɱ nappajānanti;|| ||

saḷāyatanaɱ nappajānanti,||
saḷāyatana-samudayaɱ nappajānanti,||
saḷāyatana-nirodhaɱ nappajānanti,||
saḷāyatana-nirodha-gāminiɱ paṭipadaɱ nappajānanti;|| ||

nāmarūpaɱ nappajānanti,||
nāmarūpa-samudayaɱ nappajānanti,||
nāma-rūpa-nirodhaɱ nappajānanti,||
nāma-rūpa-nirodha-gāminiɱ paṭipadaɱ nappajānanti;|| ||

viññāṇaɱ nappajānanti,||
viññāṇa-samudayaɱ nappajānanti,||
viññāṇa-nirodhaɱ nappajānanti,||
viññāṇa-nirodha-gāminiɱ paṭipadaɱ nappajānanti;|| ||

sankhāre nappajānanti,||
sankhāra-samudayaɱ nappajānanti,||
sankhāra-nirodhaɱ nappajānanti,||
sankhāra-nirodha-gāminiɱ paṭipadaɱ nappajānanti;|| ||

ime dhamme nappajānanti,||
imesaŋ dhammānaɱ samudayaɱ nappajānanti,||
imesaɱ dham- [16] mānaɱ nirodhaɱ nappajānanti,||
imesaɱ dhammānaɱ nirodha-gāminiɱ paṭipadaɱ nappajānanti;|| ||

na me te bhikkhave, samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā,||
na ca pana te āyasmanto sāmaññatthaɱ vā brahmaññatthaɱ vā diṭṭhe va dhamme sayaɱ abhiññā sacchi-katvā upasampajja viharanti.|| ||

 


 

Ye ca kho keci bhikkhave, samaṇā vā brāhmaṇā vā
ime dhamme pajānanti,
imesaŋ dhammānaɱ samudayaɱ pajānanti,
imesaɱ dhammānaɱ nirodhaɱ pajānanti,
imesaɱ dhammānaɱ nirodha-gāminiɱ paṭipadaɱ pajānanti.|| ||

Katame dhamme pajānanti?|| ||

Katamesaŋ dhammānaɱ samudayaɱ pajānanti?|| ||

Katamesaŋ dhammānaɱ nirodhaɱ pajānanti?|| ||

Katamesaŋ dhammānaɱ nirodhagāminiɱ paṭipadaɱ pajānanti?|| ||

Jarā-māraṇaɱ pajānanti,||
jarāmāraṇa-samudayaɱ pajānanti,||
jarāmāraṇa-nirodhaɱ pajānanti,||
jarāmāraṇa-nirodha-gāminiɱ paṭipadaɱ pajānanti;|| ||

jātiɱ pajānanti,||
jāti-samudayaɱ pajānanti,||
jāti-nirodhaɱ pajānanti,||
jāti-nirodha-gāminiɱ paṭipadaɱ pajānanti;|| ||

bhavaɱ pajānanti,||
bhava-samudayaɱ pajānanti,||
bhava-nirodhaɱ pajānanti,||
bhava-nirodha-gāminiɱ paṭipadaɱ pajānanti;|| ||

upādanaɱ pajānanti,||
upādāna-samudayaɱ pajānanti,||
upādāna-nirodhaɱ pajānanti,||
upādāna-nirodha-gāminiɱ paṭipadaɱ pajānanti;|| ||

taṇhaɱ pajānanti,||
taṇhā-samudayaɱ pajānanti,||
taṇhā-nirodhaɱ pajānanti,||
taṇhā-nirodha-gāminiɱ paṭipadaɱ pajānanti;|| ||

vedanā pajānanti,||
vedanā-samudayaɱ pajānanti,||
vedanā-nirodhaɱ pajānanti,||
vedanā-nirodha-gāminiɱ paṭipadaɱ pajānanti;|| ||

phassaŋ pajānanti,||
phassa-samudayaɱ pajānanti,||
phassa-nirodhaɱ pajānanti,||
phassa-nirodha-gāminiɱ paṭipadaɱ pajānanti;|| ||

saḷāyatanaɱ pajānanti,||
saḷāyatana-samudayaɱ pajānanti,||
saḷāyatana-nirodhaɱ pajānanti,||
saḷāyatana-nirodha-gāminiɱ paṭipadaɱ pajānanti;|| ||

nāmarūpaɱ pajānanti,||
nāmarūpa-samudayaɱ pajānanti,||
nāma-rūpa-nirodhaɱ pajānanti,||
nāma-rūpa-nirodha-gāminiɱ paṭipadaɱ pajānanti;|| ||

viññāṇaɱ pajānanti,||
viññāṇa-samudayaɱ pajānanti,||
viññāṇa-nirodhaɱ pajānanti,||
viññāṇa-nirodha-gāminiɱ paṭipadaɱ pajānanti;|| ||

sankhāre pajānanti,||
sankhāra-samudayaɱ pajānanti,||
sankhāra-nirodhaɱ pajānanti,||
sankhāra-nirodha-gāminiɱ paṭipadaɱ pajānanti;|| ||


ime dhamme pajānanti,
imesaŋ dhammānaɱ samudayaɱ pajānanti,
imesaɱ dhammānaɱ nirodhaɱ pajānanti,
imesaɱ dhammānaɱ nirodha-gāminiɱ paṭipadaɱ pajānanti;|| ||

te kho me bhikkhave, samaṇā vā brahāmaṇā vā||
samaṇesu c'eva samaṇa-sammatā||
brāhmaṇesu ca brāhmaṇa-sammatā||
te ca panāyasmanto sāmaññatthañ ca brahmaññatthañ ca diṭṭhe va dhamme sayaɱ abhiññā sacchi-katvā upasampajja viharantī" ti.|| ||


Contact:
E-mail
Copyright Statement   Webmaster's Page