Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
II. Nidāna Vagga
12. Nidāna Saɱyutta
2. Āhāra Vagga

Sutta 18

Timbaruka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[22]

[1][pts][bodh][than] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Atha kho Timbaruko paribbājako yena Bhagavā ten'upasankami.|| ||

Upasaŋkamitvā Bhagavatā saddhiɱ sammodi.|| ||

Sammodanīyaɱ kataɱ sārāṇīyaɱ vīti-sāretvā eka-m-antaɱ nisīdi.|| ||

3. Eka-m-antaɱ nisinno kho Timbaruko paribbājako Bhagavantaɱ etad avoca:|| ||

4. "Kin nu kho bho Gotama||
sayaɱ kataɱ dukkha-sukhanti" ti?|| ||

"Mā hevaɱ Timbaruka" ti Bhagavā avoca.|| ||

5. "Kim pana bho Gotama||
parakataɱ dukkha-sukhanti" ti?|| ||

"Mā hevaɱ Timbaruka" ti Bhagavā avoca.|| ||

6. "Kin nu kho bho Gotama||
sayaɱ katañ ca parakatañ ca dukkha-sukhanti" ti?|| ||

"Mā hevaɱ Timbaruka" ti Bhagavā avoca.|| ||

7. "Kim pana bho Gotama||
asayaɱ-kāraɱ apara-kāraɱ adhicca-samuppannaɱ dukkha-sukhanti" ti?|| ||

"Mā hevaɱ Timbaruka" ti Bhagavā avoca.|| ||

8. "Kin nu kho bho Gotama||
n'atthi dukkha-sukhanti" ti?|| ||

"Na kho Timbaruka||
n'atthi dukkhaɱ.|| ||

Atthi kho Timbaruka||
dukkha-sukhanti" ti.|| ||

9. "Tena hi bhavaɱ Gotamo dukkhaɱ||
na jānāti||
na passatī" ti?|| ||

"Na khvāhaɱ Timbaruka dukkhaɱ||
na jānāmi||
na passāmi.|| ||

Jānāmi khvāhaɱ Timbaruka dukkhaɱ||
passāmi khvāhaɱ Timbaruka dukkha-sukhanti" ti.|| ||

10. "'Kin nu kho bho Gotama||
sayaŋ-kataɱ dukkha-sukhanti' ti||
iti puṭṭho samāno||
'mā hevaɱ Timbaruka' ti vadesi.|| ||

[23] 'Kim pana bho Gotama parakataɱ dukkha-sukhanti' ti||
iti puṭṭho samāno||
'mā hevaɱ Timbaruka' ti vadesi.|| ||

'Kin nu kho bho Gotama||
sayaŋ-katañ ca parakatañ ca dukkha-sukhanti' ti||
iti puṭṭho samāno||
'mā hevaɱ Timbaruka' ti vadesi.|| ||

'Kim pana bho Gotama asayaɱ-kāraɱ apara-kāraɱ adhicca-samuppannaɱ dukkha-sukhanti' ti||
iti puṭṭho samāno||
'mā hevaɱ Timbaruka' ti vadesi.|| ||

'Kin nu kho bho Gotama n'atthi dukkha-sukhanti' ti||
iti puṭṭho samāno||
'na kho Timbaruka n'atthi dukkhaɱ||
atthi kho Timbaruka dukkha-sukhanti' ti vadesi.|| ||

'Tena hi bhavaɱ Gotamo dukkhaɱ na jānāti||
na passatī' ti||
iti puṭṭho samāno||
'na khvāhaɱ Timbaruka dukkhaɱ||
na jānāmi||
na passāmi.|| ||

Jānāmi khvāhaɱ Timbaruka dukkhaɱ||
passāmi khvāhaɱ Timbaruka dukkha-sukhanti' ti vadesi.|| ||

Ācikkhatu me bhante Bhagavā dukkhaɱ||
desetu me bhante Bhagavā dukkha-sukhanti" ti.|| ||

11. "'Sā vedanā, so vediyatī' ti||
kho Timbaruka,||
ādito sato||
'sayaɱ kataɱ sukha-dukkha-sukhanti' ti||
evam pahaɱ na vadāmi.|| ||

12. 'Aññā vedanā añño vediyatī' ti||
kho Timbaruka,||
vedanā-bhitunnassa sato||
"paraɱ kataɱ sukha-dukkha-sukhanti' ti,||
evam pahaɱ na vadāmi.|| ||

18. Ete te Timbaruka||
ubho ante anupagamma majjhena Tathāgato dhammaɱ deseti:|| ||

Avijjā-paccayā sankhārā,||
saŋkāra-paccayā viññāṇaɱ,||
viññāṇa-paccayā nāma-rūpaɱ,||
nāma-rūpa-paccayā saḷāyatanaɱ,||
saḷāyatana-paccayā phasso,||
phassa-paccayā vedanā,||
vedanā-paccayā taṇhā,||
taṇhā-paccayā upādānaɱ,||
upādāna-paccayā bhavo,||
bhava-paccayā jāti,||
jāti-paccayā jarā-maraṇaɱ||
soka-parideva-dukkha-domanass'ūpāyāsā sambhavanti.|| ||

Evam etassa kevalassa dukkha-k-khandhassa samudayo hoti.|| ||

Avijjāya tv'eva [21] asesa-virāga-nirodhā sankhāra-nirodho,||
sankhāra-nirodhā viññāṇa-nirodho||
viññāṇa-nirodhā nāma-rūpa-nirodho||
nāma-rūpa-nirodhā saḷāyatana-nirodho||
saḷāyata-nanirodhā phassa-nirodho||
phassa-nirodhā vedanā-nirodho||
vedanā-nirodhā taṇhā-nirodho||
taṇhā-nirodhā upādāna-nirodho||
upādāna-nirodhā bhava-nirodho||
bhava-nirodhā jāti-nirodho||
jāti-nirodhā jarā-maraṇaɱ||
soka-parideva-dukkha-domanass'ūpāyāsā nirujjhanti.|| ||

Evam etassa kevalassa dukkha-k-khandhassa nirodho hotī" ti.|| ||

14. Evaɱ vutte acelo Timbaruka Bhagavantaɱ etad avoca:|| ||

"Abhikkantaɱ bhante!|| ||

Abhikkantaɱ bhante!|| ||

Seyyathā pi bhante||
nikkujjitaɱ vā ukkujjeyya||
paṭi-c-channaɱ vā vivareyya||
mūlhassa vā Maggaɱ ācikkheyya||
andha-kāre vā tela-pajjotaɱ dhāreyya||
cakkhu-manto 'rūpāni dakkhintī' ti.|| ||

Evam evaɱ Bhagavatā aneka-pariyāyena dhammo pakāsito||
es'āhaɱ bhante Bhagavantaɱ saraṇaɱ gacchāmi||
Dhammañ ca||
bhikkhu-Saŋghañ ca" ti|| ||

Upāsakaɱ maɱ bhavaɱ Gotamo dhāretu ajja-t-agge pāṇupetaɱ saraṇaɱ gatanti.|| ||


Contact:
E-mail
Copyright Statement