Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XII. Nidāna Saɱyutta
III. Dasabalā Vagga

Sutta 24

Aññatitthiyā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[32]

[1][pts][bodh] Evaɱ me sutaɱ|| ||

Ekaɱ samayaɱ Rājagahe Veḷuvane.|| ||

2. Atha kho āyasmā Sāriputto pubbaṇhasamayaɱ nivāsetvā pattacīvaram ādāya Rājagahaɱ piṇḍāya pāvisi.|| ||

3. Atha kho āyasmato Sāriputtassa etad ahosi:|| ||

Atippago kho tāva Rājagahe piṇḍāya carituɱ,||
yam nūnāhaɱ yena aññatitthiyānaɱ paribbājakānaɱ ārāmo ten'upasaŋkameyyanti.|| ||

4. Atha kho āyasmā Sāriputto yena aññatitthiyānaɱ [33] paribbājakānaɱ ārāmo tesupasaŋkami.|| ||

Upasaŋkamitvā tehi aññatitthiyehi paribbājakehi saddhiɱ sammodi.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Sāriputtaɱ te aññatitthiyā paribbājakā etad avocuɱ:|| ||

5. "Santāvuso Sāriputta, eke samaṇa-brāhmaṇā kammavādā sayaɱ-kataɱ dukkhaɱ paññāpenti.|| ||

Santi pan'āvuso Sāriputta, eke samaṇa-brāhmaṇā kammavādā paraɱ-kataɱ dukkhaɱ paññāpenti.|| ||

Santāvuso Sāriputta, eke samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti.|| ||

Santi pan'āvuso Sāriputta, eke samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti.|| ||

6. Idha pan'āvuso Sāriputta, Samaṇo Gotamo kiɱ vādī,||
kim akkhāyī?|| ||

Kathaɱ vyākaramānā ca mayaɱ vuttavādino c'eva Samaṇassa Gotamassa assāma||
na ca Samaṇaɱ Gotamaɱ abhūtena abbhācikkheyyāma?|| ||

Dhammassa cānudhammaɱ vyākareyyāma||
na ca koci sahadhammiko vādānupāto gārayhaɱ ṭhānaɱ āgaccheyyā" ti?|| ||

7. Paṭicca-samuppannaɱ kho āvuso dukkhaɱ vuttaɱ Bhagavatā.

Kim paṭicca?|| ||

Phassaŋ paṭicca.|| ||

Iti vadaɱ vuttavādī c'eva Bhagavato assa||
na ca Bhagavantaɱ abhūtena abbhācikkheyya||
dhammassa cānudhammaɱ vyākareyya||
na ca koci sahadhammiko vādānupāto gārayhaɱ ṭhānaɱ āgaccheyya.|| ||

8. Tatra āvuso ye te samaṇa-brāhmaṇā kammavādā sayaɱ-kataɱ dukkhaɱ paññāpenti,||
tad api phassapacacayā.|| ||

Ye pi te samaṇa-brāhmaṇā kammavādā paraɱ-kataɱ dukkhaɱ paññāpenti||
tad api phassa-paccayā.|| ||

Ye pi te samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti,||
tad api phassa-paccayā.|| ||

Ye pi [34] te samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti,||
tad api phassa-paccayā.|| ||

9. Tatra āvuso ye te samaṇa-brāhmaṇā kammavādā sayaɱ-kataɱ dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā paraɱ-kataɱ dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjatī' ti.|| ||

 


 

10. Assosi kho āyasmā Ānando āyasmato Sāriputtassa tehi aññatitthiyehi paribbājakehi saddhiɱ kathāsallāpaɱ.|| ||

11. Atha kho āyasmā Ānando Rājagahe piṇḍāya caritvā pacchābhattaɱ piṇḍapātapaṭikkanto yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando yāvatako āyasmato Sāriputtassa tehi aññatitthiyehi paribbājakehi saddhiɱ ahosi kathāsallāpo,||
taɱ sabbaɱ Bhagavato ārocesi.|| ||

12. Sādhu sādhu Ānanda,||
yathā taɱ Sāriputto ca sammā vyākaramāno vyākareyya,||
paṭicca-samuppannaɱ kho Ānanda dukkhaɱ vuttaɱ mayā.|| ||

Kiɱ paṭicca?|| ||

Phassaŋ paṭicca.|| ||

Iti vadaɱ vuttavādī c'eva me assa||
na ca maɱ abhūtena abbhācikkheyya,||
dhammassa cānudhammaɱ vyākareyya,||
na ca ko ci sahadhammiko vādānupāto gārayhaɱ ṭhānaɱ āgaccheyya.|| ||

13. Tatr'Ānanda, ye te samaṇa-brāhmaṇā kammavādā sayaɱ-kataɱ dukkhaɱ paññāpenti,||
tad api phassa-paccayā.|| ||

[35] Ye pi te samaṇa-brāhmaṇā kammavādā paraɱ-kataɱ dukkhaɱ paññāpenti,||
tad api phassa-paccayā.|| ||

Ye pi te samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti,||
tad api phassa-paccayā.|| ||

Ye pi te samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti,||
tad api phassa-paccayā.|| ||

14. Tatr'Ānanda ye pi te samaṇa-brāhmaṇā kammavādā sayaɱ-kataɱ dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā paraɱ-kataɱ dukkhaɱ paññāpenti, te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti, te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti, te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

 


 

15. Ekam idhāhaɱ Ānanda samayaɱ idh'eva Rājagahe viharāmi Veḷuvane Kalandakanivāpe.|| ||

16. Atha khvāhaɱ Ānanda, pubbaṇhasamayaɱ nivāsetvā pattacīvaram ādāya Rājagahaɱ piṇḍāya pāvisiɱ.|| ||

17. Tassa mayhaɱ Ānanda etad ahosi:|| ||

'Atippago kho tāva Rājagahe piṇḍāya carituɱ yam nūnāhaɱ yena aññatitthiyānaɱ paribbājakānaɱ ārāmo ten'upasaŋkameyyan' ti.|| ||

18. Atha khvāhaɱ Ānanda, yena aññatitthiyānaɱ paribbājakānaɱ ārāmo ten'upasaŋkamiɱ.|| ||

Upasaŋkamitvā tehi aññatitthiyehi paribbājakehi saddhiɱ sammodiɱ.|| ||

Sammodanīyaɱ kathaɱ sārāṇīyaɱ vītisāretvā eka-m-antaɱ nisīdiɱ.|| ||

Eka-m-antaɱ nisinnaɱ kho maɱ Ānanda,||
te aññatitthiyā paribbājakā etad avocuɱ:|| ||

19. 'Santāvuso Gotama, eke samaṇa-brāhmaṇā kammavādā sayaɱ-kataɱ dukkhaɱ paññāpenti.|| ||

Santi pan'āvuso Gotama, eke samaṇa-brāhmaṇā kammavādā,||
paraɱ-kataɱ dukkhaɱ paññāpenti|| ||

Santāvuso Gotama, eke samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti.|| ||

Santi pan'āvuso Gotama, eke samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti.|| ||

20. Idha no āyasmā Gotamo kiɱ vādī?|| ||

Kim akkhāyī?|| ||

Kathaɱ vyākaramānā ca mayaɱ vuttavādino c'eva āyasmato Gotamassa assāma||
na ca āyasmantaɱ Gotamaɱ abhūtena [36] abbhācikkheyyāma,||
Dhammassa cānudhammaɱ vyākareyyāma,||
na ca koci sahadhammiko vādānupāto gārayhaɱ ṭhānaɱ āgaccheyyā' ti?|| ||

21. Evaɱ vuttāhaɱ Ānanda,||
te aññatitthiye paribbājake etad avocaɱ:|| ||

'Paṭicca-samuppannaɱ kho āvuso dukkhaɱ vuttaɱ mayā.|| ||

Kiɱ paṭicca?|| ||

Phassaŋ paṭicca.|| ||

Iti vadaɱ vuttavādī c'eva me assa,||
na ca maɱ abhūtena abbhācikkheyya,||
Dhammassa cānudhammaɱ vyākareyya,||
na ca koci sahadhammiko vādānupāto gārayhaɱ ṭhānaɱ āgaccheyya.|| ||

22. Tatrā'vuso ye te samaṇa-brāhmaṇā kammavādā sayaɱ-kataɱ dukkhaɱ paññāpenti,||
tad api phassa-paccayā.|| ||

Ye pi te samaṇa-brāhmaṇā kammavādā paraɱ-kataɱ dukkhaɱ paññāpenti,||
tad api phassa-paccayā.|| ||

Ye pi te samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti,||
tad api phassa-paccayā.|| ||

Ye pi te samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti,||
tad api phassa-paccayā.|| ||

23. Tatrā'vuso ye te samaṇa-brāhmaṇā kammavādā sayaɱ-kataɱ dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā paraɱ-kataɱ dukkhaɱ paññāpenti, te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā sayaɱ-katañ ca paraɱ-katañ ca dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjati.|| ||

Ye pi te samaṇa-brāhmaṇā kammavādā asayaɱ-kāraɱ aparaɱ-kāraɱ adhicca-samuppannaɱ dukkhaɱ paññāpenti,||
te vata aññatra phassā paṭisaŋvedissantī' ti||
n'etaɱ ṭhānaɱ vijjatī'" ti.|| ||

24. "Acchariyaɱ bhante,||
abbhutaɱ bhante,||
yatra hi nāma etena padena sabbo attho vutto bhavissati.|| ||

Siyā nu kho bhante esevattho vitthārena vuccamāno gambhīro c'eva assa,||
gambhīrāvabhāso cā" ti.|| ||

25. "Tena h'Ānanda, taññevettha paṭibhātū" ti.|| ||

 


 

26. "Sace maɱ bhante evaɱ puccheyyuɱ:|| ||

'Jarā-māraṇaɱ āvuso Ānanda,||
kiɱ nidānaɱ||
kiɱ samudayaɱ||
kiɱ jātikaɱ||
kim pabhavan' ti?|| ||

Evaɱ puṭṭhohaɱ bhante evaɱ vyākareyyaɱ:|| ||

'Jarā-māraṇaɱ kho āvuso jāti-nidānaɱ,||
jāti-samudayaɱ,||
jāti-jātikaɱ,||
jāti-ppabhavan' ti|| ||

Evaɱ puṭṭhoāhaɱ bhante evaɱ vyākareyyaɱ.|| ||

Sace maɱ bhante evaɱ puccheyyuɱ:|| ||

'Jāti pan'āvuso Ānanda,||
kiɱ nidānā||
kiɱ samudayā||
kiɱ jātikā||
kim pabhavā' ti?|| ||

Evaɱ puṭṭhohaɱ bhante evaɱ vyākareyyaɱ:|| ||

'Jāti kho āvuso bhava-nidānā,||
bhava-samudayā,||
bhava-jātikā,||
bhava-ppabhavā' ti.|| ||

Evaɱ puṭṭhoāhaɱ bhante evaɱ vyākareyyaɱ.|| ||

Sace maɱ bhante evaɱ puccheyyuɱ:|| ||

'Bhavo pan'āvuso Ānanda,||
kiɱ nidāno,||
kiɱ samudayo,||
kiɱ jātiko,||
kim pabhavo' ti?|| ||

Evaɱ puṭṭhohaɱ bhante evaɱ vyākareyyaɱ:|| ||

'Bhavo kho āvuso upādāna-nidāno||
upādāna-samudayo||
upādāna-jātiko||
upādāna-ppabhavo' ti.|| ||

Evaɱ puṭṭhoāhaɱ bhante evaɱ vyākareyyaɱ.|| ||

Sace maɱ bhante evaɱ puccheyyuɱ:|| ||

'Upādāna pan'āvuso Ānanda,||
kiɱ nidāno,||
kiɱ samudayo,||
kiɱ jātiko,||
kim pabhavo' ti?|| ||

Evaɱ puṭṭhohaɱ bhante evaɱ vyākareyyaɱ:|| ||

'Upādānaɱ kho āvuso||
taṇhā-nidānaɱ,||
taṇhā-samudayaɱ,||
taṇhā-jātikaɱ,||
taṇhā-ppabhavo' ti.|| ||

Evaɱ puṭṭhoāhaɱ bhante evaɱ vyākareyyaɱ.|| ||

Sace maɱ bhante evaɱ puccheyyuɱ:|| ||

'Taṇhā pan'āvuso Ānanda,||
kiɱ nidānā,||
kiɱ samudayā,||
kiɱ jātikā||
kim pabhavā' ti?|| ||

Evaɱ puṭṭhohaɱ bhante evaɱ vyākareyyaɱ:|| ||

'Taṇhā kho āvuso vedanā-nidānā,||
vedanā-samudayā,||
vedanā-jātikā,||
vedanā-ppabhavā' ti.|| ||

Evaɱ puṭṭhoāhaɱ bhante evaɱ vyākareyyaɱ.|| ||

Sace maɱ bhante evaɱ puccheyyuɱ:|| ||

'Vedanā pan'āvuso Ānanda,||
kiɱ nidānā,||
kiɱ samudayā,||
kiɱ jātikā||
kim pabhavā' ti?|| ||

Evaɱ puṭṭhoāhaɱ bhante evaɱ vyākareyyaɱ.|| ||

'Vedanā kho āvuso||
phassa-nidānā,||
phassa-samudayā,||
phassa-jātikā,||
phassa-ppabhavo' ti.|| ||

Evaɱ puṭṭhoāhaɱ bhante evaɱ vyākareyyaɱ.|| ||

Sace maɱ bhante evaɱ puccheyyuɱ:|| ||

'Phasso pan'āvuso Ānanda,||
kiɱ nidāno,||
kiɱ samudayo,||
kiɱ jātiko,||
kim pabhavo' ti?|| ||

Evaɱ puṭṭhoāhaɱ bhante evaɱ vyākareyyaɱ:|| ||

'Phasso kho āvuso||
saḷāyatana-nidāno,||
saḷāyatana-samudayo,||
saḷāyatana-jātiko,||
saḷāyatana-pabhavo.|| ||

Channaɱ tv eva āvuso,||
phassāyatanānaɱ asesa-virāga-nirodhā||
phassa-nirodho.|| ||

Phassa-nirodhā vedanā-nirodho.|| ||

Vedanā-nirodhā taṇhā-nirodho.|| ||

Taṇhā-nirodhā upādāna-nirodho.|| ||

Upādāna-nirodhā bhava-nirodho.|| ||

Bhava-nirodhā jāti-nirodho.|| ||

Jāti-nirodhā jarā-māraṇaɱ||
soka-parideva-dukkha-domanass-upāyāsā nirujjhanti.|| ||

Evam etassa kevalassa dukkha-kkhandhassa nirodho hotī' ti.|| ||

Evaɱ puṭṭhoāhaɱ bhante evaɱ vyākareyyan" ti.|| ||


Contact:
E-mail
Copyright Statement   Webmaster's Page