Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XII. Nidāna Saɱyutta
III. Dasabalā Vagga

Sutta 30

Dutiya Samaṇa-Brāhmaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[46]

[1][pts][bodh] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Ye hi keci, bhikkhave, samaṇā vā brāhmaṇā vā||
jarā-māraṇaɱ na parijānanti,||
jarāmāraṇa samudayaɱ na parijānanti,||
jarāmāraṇanirodhaɱ na parijānanti,||
jarāmāraṇanirodhagāminiɱ paṭipadaɱ na parijānanti.|| ||

Te vata jarā-māraṇaɱ samatikkamma ṭhassantīti||
n'etaɱ ṭhānaɱ vijjati.|| ||

Jātiɱ na parijānanti,||
jāti samudayaɱ na parijānanti,||
jāti-nirodhaɱ na parijānanti,||
jāti-nirodhagāminiɱ paṭipadaɱ na parijānanti.|| ||

Te vata jātiɱ samatikkamma ṭhassantīti||
n'etaɱ ṭhānaɱ vijjati.|| ||

Bhavaɱ na parijānanti,||
bhavasamudayaɱ na parijānanti,||
bhava-nirodhaɱ na parijānanti,||
bhava-nirodhagāminiɱ paṭipadaɱ na parijānanti.|| ||

Te vata bhavaɱ samatikkamma ṭhassantīti||
n'etaɱ ṭhānaɱ vijjati.|| ||

Upādānaɱ na parijānanti,||
upādānasamudayaɱ na parijānanti,||
upādāna-nirodhaɱ na parijānanti,||
upādāna-nirodhagāminiɱ paṭipadaɱ na parijānanti.|| ||

Te vata upādānaɱ samatikkamma ṭhassantīti||
n'etaɱ ṭhānaɱ vijjati.|| ||

Taṇhaɱ na parijānanti,||
taṇhāsamudayaɱ na parijānanti,||
taṇhā-nirodhaɱ na parijānanti,||
taṇhā-nirodhagāminiɱ paṭipadaɱ na parijānanti.|| ||

Te vata taṇhaɱ samatikkamma ṭhassantīti||
n'etaɱ ṭhānaɱ vijjati.|| ||

Vedanaɱ na parijānanti,||
vedanāsamudayaɱ na parijānanti,||
vedanā-nirodhaɱ na parijānanti,||
vedanā-nirodhagāminiɱ paṭipadaɱ na parijānanti.|| ||

Te vata vedanaɱ samatikkamma ṭhassantīti||
n'etaɱ ṭhānaɱ vijjati.|| ||

Phassaŋ na parijānanti,||
phassasamudayaɱ na parijānanti,||
phassa-nirodhaɱ na parijānanti,||
phassa-nirodhagāminiɱ paṭipadaɱ na parijānanti.|| ||

Te vata phassaŋ samatikkamma ṭhassantīti||
n'etaɱ ṭhānaɱ vijjati.|| ||

Saḷāyatanaɱ na parijānanti,||
saḷāyatanasamudayaɱ na parijānanti,||
saḷāyatana-nirodhaɱ na parijānanti,||
saḷāyatana-nirodhagāminiɱ paṭipadaɱ na parijānanti.|| ||

Te vata saḷāyatanaɱ samatikkamma ṭhassantīti||
n'etaɱ ṭhānaɱ vijjati.|| ||

Nāmarūpaɱ na parijānanti,||
nāmarūpasamudayaɱ na parijānanti,||
nāma-rūpa-nirodhaɱ na parijānanti,||
nāma-rūpa-nirodhagāminiɱ paṭipadaɱ na parijānanti.|| ||

Te vata nāmarūpaɱ samatikkamma ṭhassantīti||
n'etaɱ ṭhānaɱ vijjati.|| ||

Viññāṇaɱ na parijānanti,||
viññāṇasamudayaɱ na parijānanti,||
viññāṇa-nirodhaɱ na parijānanti,||
viññāṇa-nirodhagāminiɱ paṭipadaɱ na parijānanti.|| ||

Te vata viññāṇaɱ samatikkamma ṭhassantīti||
n'etaɱ ṭhānaɱ vijjati.|| ||

Sankhāre na parijānanti,||
sankhārasamudayaɱ na parijānanti,||
sankhāra-nirodhaɱ na parijānanti,||
sankhāra-nirodhagāminiɱ paṭipadaɱ na parijānanti.|| ||

Te vata sankhāre samatikkamma ṭhassantīti||
n'etaɱ ṭhānaɱ vijjati.|| ||

 


 

Ye hi keci, bhikkhave, samaṇā vā brāhmaṇā vā||
jarā-māraṇaɱ parijānanti,||
jarāmāraṇa samudayaɱ parijānanti,||
jarāmāraṇanirodhaɱ parijānanti,||
jarāmāraṇanirodhagāminiɱ paṭipadaɱ parijānanti.|| ||

Te vata jarā-māraṇaɱ samatikkamma ṭhassantīti ṭhāname taɱ vijjati.|| ||

Jātiɱ parijānanti,||
jāti samudayaɱ parijānanti,||
jāti-nirodhaɱ parijānanti,||
jāti-nirodhagāminiɱ paṭipadaɱ parijānanti.|| ||

Te vata jātiɱ samatikkamma ṭhassantīti ṭhāname taɱ vijjati.|| ||

Bhavaɱ parijānanti,||
bhavasamudayaɱ parijānanti,||
bhava-nirodhaɱ parijānanti,||
bhava-nirodhagāminiɱ paṭipadaɱ parijānanti.|| ||

Te vata bhavaɱ samatikkamma ṭhassantīti ṭhāname taɱ vijjati.|| ||

Upādānaɱ parijānanti,||
upādānasamudayaɱ parijānanti,||
upādāna-nirodhaɱ parijānanti,||
upādāna-nirodhagāminiɱ paṭipadaɱ parijānanti.|| ||

Te vata upādānaɱ samatikkamma ṭhassantīti ṭhāname taɱ vijjati.|| ||

Taṇhaɱ parijānanti,||
taṇhāsamudayaɱ parijānanti,||
taṇhā-nirodhaɱ parijānanti,||
taṇhā-nirodhagāminiɱ paṭipadaɱ parijānanti.|| ||

Te vata taṇhaɱ samatikkamma ṭhassantīti ṭhāname taɱ vijjati.|| ||

Vedanaɱ parijānanti,||
vedanāsamudayaɱ parijānanti,||
vedanā-nirodhaɱ parijānanti,||
vedanā-nirodhagāminiɱ paṭipadaɱ parijānanti.|| ||

Te vata vedanaɱ samatikkamma ṭhassantīti ṭhāname taɱ vijjati.|| ||

Phassaŋ parijānanti,||
phassasamudayaɱ parijānanti,||
phassa-nirodhaɱ parijānanti,||
phassa-nirodhagāminiɱ paṭipadaɱ parijānanti.|| ||

Te vata phassaŋ samatikkamma ṭhassantīti ṭhāname taɱ vijjati.|| ||

Saḷāyatanaɱ parijānanti,||
saḷāyatanasamudayaɱ parijānanti,||
saḷāyatana-nirodhaɱ parijānanti,||
saḷāyatana-nirodhagāminiɱ paṭipadaɱ parijānanti.|| ||

Te vata saḷāyatanaɱ samatikkamma ṭhassantīti ṭhāname taɱ vijjati.|| ||

Nāmarūpaɱ parijānanti,||
nāmarūpasamudayaɱ parijānanti,||
nāma-rūpa-nirodhaɱ parijānanti,||
nāma-rūpa-nirodhagāminiɱ paṭipadaɱ parijānanti.|| ||

Te vata nāmarūpaɱ samatikkamma ṭhassantīti ṭhāname taɱ vijjati.|| ||

Viññāṇaɱ parijānanti,||
viññāṇasamudayaɱ parijānanti,||
viññāṇa-nirodhaɱ parijānanti,||
viññāṇa-nirodhagāminiɱ paṭipadaɱ parijānanti.|| ||

Te vata viññāṇaɱ samatikkamma ṭhassantīti ṭhāname taɱ vijjati.|| ||

Sankhāre parijānanti,||
sankhārasamudayaɱ parijānanti,||
sankhāra-nirodhaɱ parijānanti,||
sankhāra-nirodhagāminiɱ paṭipadaɱ parijānanti.|| ||

Te vata sankhāre samatikkamma ṭhassantīti ṭhāname taɱ vijjati.|| ||


Contact:
E-mail
Copyright Statement   Webmaster's Page