Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya
II. Nidāna Vagga
XII. Nidāna Saɱyutta
IV. Kaḷarakhattiyo Vagga

Sutta 31

Bhūta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][bodh]Evaɱ me sutaɱ||
Ekaɱ samayaɱ Sāvatthiyaɱ-|| ||

Tatra kho Bhagavā āyasmantaɱ Sāriputtaɱ āmantetasi.|| ||

Vuttam idaɱ Sāriputta, Pārāyaṇe Ajita-pañhe:|| ||

'Ye ca saŋkhāta dhammāse ye ca sekhā puthū idha,||
Tesaɱ me nipako iriyaɱ puṭṭho pabrūhi mārisā' ti.|| ||

Imassa nu kho Sāriputta,||
saŋkhittena bhāsitassa kathaɱ vitthārena attho daṭṭhabbo" ti?|| ||

Evaɱ vutte āyasmā Sāriputto tuṇhī ahosi.|| ||

Dutiyam pi kho Bhagavā āyasmantaɱ Sāriputtaɱ āmantetasi.|| ||

Vuttam idaɱ Sāriputta, Pārāyaṇe Ajita-pañhe:|| ||

'Ye ca saŋkhāta dhammāse ye ca sekhā puthū idha,||
Tesaɱ me nipako iriyaɱ puṭṭho pabrūhi mārisā' ti.|| ||

Imassa nu kho Sāriputta,||
saŋkhittena bhāsitassa kathaɱ vitthārena attho daṭṭhabbo" ti?|| ||

Evaɱ vutte āyasmā dutiyam pi Sāriputto tuṇhī ahosi.|| ||

Tatiyam pi kho Bhagavā āyasmantaɱ Sāriputtaɱ āmantetasi.|| ||

Vuttam idaɱ Sāriputta, Pārāyaṇe Ajita-pañhe:|| ||

'Ye ca saŋkhāta dhammāse ye ca sekhā puthū idha,||
Tesaɱ me nipako iriyaɱ puṭṭho pabrūhi mārisā' ti.|| ||

[48] Imassa nu kho Sāriputta saŋkhittena bhāsitassa kathaɱ vitthārena attho daṭṭhabbo? ti.|| ||

Evaɱ vutte tatiyam pi kho āyasmā sāraputto tuṇhī ahosi.|| ||

5. "'Bhūtam idan' ti Sāriputta passasi?|| ||

'Bhūtam idan' ti Sāriputta passasī" ti?|| ||

6. "'Bhūtam idan' ti bhante yathābhūtaɱ sammappaññāya passati.|| ||

'Bhūtam idan' ti yathābhūtaɱ sammappaññāya disvā bhūtassa nibbidāya virāgāya nirodhāya paṭipanno hoti.|| ||

'Tadāhārasambhavan' ti yathābhūtaɱ sammappaññāya passati.|| ||

'Tadāhārasambhavan' ti yathābhūtaɱ sammappaññāya disvā āhāra-sambhavassa nibbidāya virāgāya nirodhāya paṭipanno hoti.|| ||

'Tadāhāranirodhā yaɱ bhūtaɱ taɱ nirodha-dhamman' ti yathābhūtaɱ sammappaññāya passati.|| ||

'Tadāhāranirodhā yaɱ bhūtaɱ taɱ nirodhadhamman' ti yathābhūtaɱ sammappaññāya disvā nirodha-dhammassa nibbidāya virāgāya nirodhāya paṭipanno hoti.|| ||

Evaɱ kho bhante, sekho hoti.|| ||

7. Katañ ca bhante, saŋkhātadhammo hoti?|| ||

Bhūtamidanti bhante yathābhūtaɱ sammappaññāya passati.|| ||

Bhūtamidanti yathābhūtaɱ sammappaññāya disvā bhūtassa nibbidā virāgā nirodhā anupādā vimutto hoti.|| ||

Tadāhārasambhavanti yathābhūtaɱ sammappaññāya passati.|| ||

Tadāhārasambhavanti yathābhūtaɱ sammappaññāya disvā āhārasambhavassa nibbidā virāgā nirodhā anupādā vimutto hoti.|| ||

Tadāhāranirodhā - yaɱ bhūtaɱ taɱ nirodhadhammanti yathābhūtaɱ sammappaññāya passati.|| ||

Tadāhāranirodhā yaɱ bhūtaɱ taɱ nirodhadhammanti yathābhūtaɱ sammappaññāya disvā nirodhaDhammassa nibbidā virāgā nirodhā anupādā vimutto hoti.|| ||

Evaɱ kho bhante saŋkhātadhammo hoti.|| ||

Iti kho bhante yaɱ taɱ vuttaɱ pārāyaṇe ajitapañhe:|| ||

"Ye ca saŋkhātadhammāse ye ca sekhā puthū idha, Tesaɱ me nipako irayaɱ puṭṭho pabrūhi mārisā" ti.|| ||

Imassa khvāhaɱ bhante saŋkhittena bhāsitassa evaɱ vitthārena atthaɱ ājānāmī'ti.|| ||

 


 

Sādhu sādhu, Sāriputta!|| ||

Bhūtamidanti Sāriputta, yathābhūtaɱ sammappaññāya passati.|| ||

Bhūtamidanti yathābhūtaɱ sammappaññāya disvā bhūtassa nibbidāya virāgāya nirodhāya paṭipanno hoti.|| ||

Tadāhārasambhavanti yathābhūtaɱ sammappaññāya passati.|| ||

Tadāhārasambhavanti yathābhūtaɱ sammappaññāya disvā āhārasambhavassa nibbidāya virāgāya nirodhāya paṭipanno hoti.|| ||

Tadāhāranirodhā - yaɱ bhūtaɱ taɱ nirodhammanti yathābhūtaɱ sammappaññāya passati.|| ||

Tadāhāranirodhā - yaɱ bhūtaɱ taɱ nirodhadhammanti yathābhūtaɱ sammappaññāya disvā nirodhaDhammassa nibbidāya virāgāya nirodhāya paṭipanno hoti.|| ||

Evaɱ kho Sāriputta sekho hoti.|| ||

Katañ ca Sāriputta,||
saŋkhātadhammo hoti?|| ||

Bhūtamidanti Sāriputta,||
yathābhūtaɱ sammappaññāya passati.|| ||

Bhūtamidanti yathābhūtaɱ sammappaññāya disvā bhūtassa nibbidā virāgā nirodhā anupādā vimutto hoti.|| ||

Tadāhārasambhavanti yathābhūtaɱ sammappaññāya passati.|| ||

Tadāhārasambhavanti yathābhūtaɱ sammappaññāya disvā āhārasambhavassa nibbidā virāgā nirodhā anupādā vimutto hoti.|| ||

Tadāhāranirodhā - yaɱ bhūtaɱ taɱ nirodhadhammanti yathābhūtaɱ sammappaññāya passati.|| ||

Tadāhāranirodhā yaɱ bhūtaɱ taɱ nirodhadhammanti yathābhūtaɱ sammappaññāya [50] disvā nirodhaDhammassa nibbidā virāgā [49] nirodhā anupādā vimutto hoti.|| ||

Evaɱ kho Sāriputta,||
saŋkhātadhammo hoti.|| ||

Iti kho Sāriputta,||
yaɱ taɱ vuttaɱ pārāyaṇe ajitapañhe:|| ||

"Ye ca saŋkhātadhammāse ye ca sekhā puthū idha, Tesaɱ me nipako irayaɱ puṭṭho pabrūhi mārisā"ti.|| ||

Imassa kho Sāriputta,||
saŋkhittena bhāsitassa evaɱ vitthārena attho daṭṭhabboti.|| ||


Contact:
E-mail
Copyright Statement   Webmaster's Page