Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikaya
2. Nidāna Vagga
12. Nidāna Saŋyutta
8. Samaṇa-Brāhmaṇa Vagga

Suttas 71-81

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

71. Jarā-Māraṇa Suttaɱ

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

2. Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti||
te bhikkh Bhagavato paccassosuɱ|| ||

Bhagavā etad avoca:|| ||

"Ye hi ke ci bhikkhave, samaṇā vā brāhmaṇā vā jarā-māraṇaɱ nappajānanti,||
jarā-māraṇa-samudayaɱ nappajānanti,||
jarā-māraṇa-nirodhaɱ nappajānanti,||
jarā-māraṇa-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā jarā-māraṇaɱ pajānanti,||
jarā-māraṇa-samudayaɱ pajānanti,||
jarā-māraṇa-nirodhaɱ pajānanti,||
jarā-māraṇa-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

72. Jāti Suttaɱ

"Ye hi ke ci bhikkhave, samaṇā vā brāhmaṇā vā jātiɱ nappajānanti,||
jāti-samudayaɱ nappajānanti,||
jāti-māraṇa-nirodhaɱ nappajānanti,||
jāti-māraṇa-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā jātiɱ pajānanti,||
jāti-māraṇa-samudayaɱ pajānanti,||
jāti-māraṇa-nirodhaɱ pajānanti,||
jāti-māraṇa-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

73. Bhava Suttaɱ

"Ye hi ke ci bhikkhave, samaṇā vā brāhmaṇā vā bhavaɱ nappajānanti,||
bhava-samudayaɱ nappajānanti,||
bhava-nirodhaɱ nappajānanti,||
bhava-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā bhavaɱ pajānanti,||
bhava-samudayaɱ pajānanti,||
bhava-nirodhaɱ pajānanti,||
bhava-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

74. Upādāna Suttaɱ

"Ye hi ke ci bhikkhave, samaṇā vā brāhmaṇā vā upādānaɱ nappajānanti,||
upādāna-samudayaɱ nappajānanti,||
upādāna-nirodhaɱ nappajānanti,||
upādāna-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā upādānaɱ pajānanti,||
upādāna-samudayaɱ pajānanti,||
upādāna-nirodhaɱ pajānanti,||
upādāna-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

75. Taṇhā Suttaɱ

"Ye hi ke ci bhikkhave, samaṇā vā brāhmaṇā vā taṇhaɱ nappajānanti,||
taṇhā-samudayaɱ nappajānanti,||
taṇhā-nirodhaɱ nappajānanti,||
taṇhā-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā taṇhaɱ pajānanti,||
taṇhā-samudayaɱ pajānanti,||
taṇhā-nirodhaɱ pajānanti,||
taṇhā-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

76. Vedanā Suttaɱ

"Ye hi ke ci bhikkhave, samaṇā vā brāhmaṇā vā vedanaɱ nappajānanti,||
vedanā-samudayaɱ nappajānanti,||
vedanā-nirodhaɱ nappajānanti,||
vedanā-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā vedanaɱ pajānanti,||
vedanā-samudayaɱ pajānanti,||
vedanā-nirodhaɱ pajānanti,||
vedanā-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

77. Phassa Suttaɱ

"Ye hi ke ci bhikkhave, samaṇā vā brāhmaṇā vā phassaɱ nappajānanti,||
phassa-samudayaɱ nappajānanti,||
phassa-nirodhaɱ nappajānanti,||
phassa-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā phassaɱ pajānanti,||
phassa-samudayaɱ pajānanti,||
phassa-nirodhaɱ pajānanti,||
phassa-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

78. Saḷāyatana Suttaɱ

"Ye hi ke ci bhikkhave, samaṇā vā brāhmaṇā vā saḷāyatanaɱ nappajānanti,||
saḷāyatana-samudayaɱ nappajānanti,||
saḷāyatana-nirodhaɱ nappajānanti,||
saḷāyatana-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā saḷāyatanaɱ pajānanti,||
saḷāyatana-samudayaɱ pajānanti,||
saḷāyatana-nirodhaɱ pajānanti,||
saḷāyatana-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

79. Nāma-Rūpa Suttaɱ

"Ye hi ke ci bhikkhave, samaṇā vā brāhmaṇā vā nāma-rūpaɱ nappajānanti,||
nāma-rūpa-samudayaɱ nappajānanti,||
nāma-rūpa-nirodhaɱ nappajānanti,||
nāma-rūpa-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā nāma-rūpaɱ pajānanti,||
nāma-rūpa-samudayaɱ pajānanti,||
nāma-rūpa-nirodhaɱ pajānanti,||
nāma-rūpa-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

80. Viññāṇa Suttaɱ

"Ye hi ke ci bhikkhave, samaṇā vā brāhmaṇā vā viññāṇaɱ nappajānanti,||
viññāṇa-samudayaɱ nappajānanti,||
viññāṇa-nirodhaɱ nappajānanti,||
viññāṇa-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā viññāṇaɱ pajānanti,||
viññāṇa-samudayaɱ pajānanti,||
viññāṇa-nirodhaɱ pajānanti,||
viññāṇa-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

81. Sankhāra Suttaɱ

"Ye hi ke ci bhikkhave, samaṇā vā brāhmaṇā vā sankhāraɱ nappajānanti,||
sankhāra-samudayaɱ nappajānanti,||
sankhāra-nirodhaɱ nappajānanti,||
sankhāra-nirodhagāminiɱ paṭipadaɱ nappajānanti;||
na mete bhikkhave, samaṇā vā brāhmaṇā vā||
samaṇesu vā samaṇa sammatā,||
brāhmaṇesu vā brāhmaṇasammatā,||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

Ye ca kho keci bhikkhave, samaṇā vā brāhmaṇā vā sankhāraɱ pajānanti,||
sankhāra-samudayaɱ pajānanti,||
sankhāra-nirodhaɱ pajānanti,||
sankhāra-nirodhagāminiɱ paṭipadaɱ pajānanti;||
te khome bhikkhave, samaṇā vā brāhmaṇā vā||
samaṇesu c'eva samaṇasammatā,||
brāhmaṇesu ca brāhmaṇasammatā;||
te ca panāyasmanto sāmaññatthañ ca brahmaññatthatañ ca||
diṭṭhe va dhamme sayaɱ abhiññā sacchi-katvā upasampajja viharantī" ti.|| ||

Samaṇabrāhmaṇavaggo aṭṭhamo


Contact:
E-mail
Copyright Statement   Webmaster's Page