Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikaya
Nidāna Vagga
13. Abhisamaya Saŋyutta

Sutta 1

Nakhasikhā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][wp][than][olds] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

[2][pts][wp][ati][bd] Atha kho Bhagavā parittaɱ nakhasikhāyaɱ paɱsuɱ āropetvā bhikkhū āmantesi:|| ||

Taŋ kim maññatha bhikkhave,||
katamaɱ nu kho bahutaraɱ yo cāyaɱ mayā paritto nakhasikhāyaɱ paɱsu āropito, ayaɱ vā mahāpaṭhavī ti?|| ||

[3][pts][wp][ati][bd] Etad eva bhante, bahutaraɱ yad idaɱ mahāpaṭhavi,||
appamattako nakhasikhāyaɱ Bhagavatā paritto paɱsu āropito||
n'eva satimaɱ kalaɱ upeti, na sahassimaɱ kalaɱ upeti, na satasahassimaɱ kalaɱ upeti, mahāpaṭhaviɱ upanidhāya Bhagavatā paritto nakhasikhāya paɱsu āropito ti.|| ||

[4][pts][wp][ati][bd] Evam eva kho bhikkhave, ariyasāvakassa diṭṭhisampannassa puggalassa abhisametāvino etad eva bahutaraɱ dukkhaɱ yad idaɱ parikkhīṇaɱ pariyādiṇṇaɱ, appamattakaɱ avasiṭṭhaɱ.||
N'eva satimaɱ kalaɱ upeti, na sahas- 134 simaɱ kalaɱ upeti, na satasahassimaɱ kalaɱ upeti, purimaɱ dukkhakkhandhaɱ parikkhīṇaɱ pariyādinnaɱ upanidhāya yad idaɱ sattakkhattūɱ paramatā.|| ||

[5][pts][wp][ati][bd] Evaɱ mahatthiyo kho bhikkhave, dhammābhisamayo,||
evaɱ mahatthiyo dhammacakkhupaṭilābho ti.|| ||


Contact:
E-mail
Copyright Statement   Webmaster's Page