Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikaya
Nidāna Vagga

Dhātu Saŋyutta

Sutta 3

No ce tam [No phassanānatta] Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[pts][wp][bd] Evaɱ me sutaɱ||
Ekaɱ samayaɱ Sāvatthiyaɱ viharati Jetavane Anāthapiṇḍikassa ārāme.|| ||

2. Dhātunānattaɱ bhikkhave, paṭicca uppajjati phassanānattaɱ,||
no phassanānattaɱ paṭicca uppajjati dhātunānattaɱ.|| ||

3. Katamañ ca bhikkhave dhātunānattaɱ?|| ||

4. Cakkhudhātu||
sotadhātu||
ghāṇadhātu||
jivhādhātu||
kāyadhātu||
manodhātu.|| ||

Idaɱ vuccati bhikkhave dhātunānattaɱ.|| ||

5. Kathañ ca bhikkhave dhātunānattaɱ paṭicca uppajjati phassanānattaɱ,||
no phassanānattaɱ paṭicca uppajjati dhātunānattaɱ?|| ||

6. Cakkhudhātu bhikkhave paṭicca uppajjati cakkhusamphasso,||
no cakkhusamphassaɱ paṭicca uppajjati cakkhudhātu.|| ||

Sotadhātu bhikkhave paṭicca uppajjati sotasamphasso,||
no sotasamphassaɱ paṭicca uppajjati sotadhātu.|| ||

Ghāṇadhātu bhikkhave paṭicca uppajjati ghāṇdhāsamphasso,||
no ghāṇdhāsamphassaɱ paṭicca uppajjati ghāṇdhādhātu.|| ||

Jivhādhātu bhikkhave paṭicca uppajjati jivhāsamphasso,||
no jivhāsamphassaɱ paṭicca uppajjati jivhādhātu.|| ||

Kāyadhātu bhikkhave paṭicca uppajjati kāyasamphasso,||
no kāyasamphassaɱ paṭicca uppajjati kāyadhātu.|| ||

Manodhātuɱ paṭicca uppajjati manosamphasso,||
no manosamphassaɱ paṭicca uppajjati manodhātu.|| ||

7. Evaɱ kho bhikkhave, dhātunānattaɱ paṭicca uppajjati phassanānattaɱ.||
No phassanānattaɱ paṭicca uppajjati dhātunānattanti.|| ||


Contact:
E-mail
Copyright Statement   Webmaster's Page