Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
II. Nidāna Vagga
14. Dhātu-Saɱyuttaɱ
II. Dutiya Vagga

Sutta 15

Kammam [Caŋkama] Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[155]

[1][pts] Evaɱ me sutaɱ||
Ekaɱ samayaɱ Bhagavā Rājagahe viharati Gijjhakūṭe pabbate.|| ||

2. Tena kho pana samayen'āyasmā pi kho Sāriputto sambahulehi bhikkhūhi saddhiɱ Bhagavato avidūre caŋkamati.|| ||

3. Āyasmā pi kho Mahā-Moggallāno sambahulehi bhikkhūhi saddhiɱ Bhagavato avidūre caŋkamati.|| ||

4. Āyasmā pi kho Mahā-Kassapo sambahulehi bhikkhūhi saddhiɱ Bhagavato avidūre caŋkamati.|| ||

5. Āyasmā pi kho Anuruddho sambahulehi bhikkhūhi saddhiɱ Bhagavato avidūre caŋkamati.|| ||

6. Āyasmā pi kho Puṇṇo Mantāniputto sambahulehi bhikkhūhi saddhiɱ Bhagavato avidūre caŋkamati.|| ||

7. Āyasmā pi kho Upāli sambahulehi bhikkhūhi saddhiɱ Bhagavato avidūre caŋkamati.|| ||

8. Āyasmā pi kho Ānando sambahulehi bhikkhūhi saddhiɱ Bhagavato avidūre caŋkamati.|| ||

9. Devadatto pi kho sambahulehi bhikkhūhi saddhiɱ Bhagavato avidūre caŋkamati.|| ||

10. Atha kho Bhagavā bhikkhū āmantesi:|| ||

"Passatha no tumhe bhikkhave, Sāriputtaɱ sambahulehi bhikkhūhi saddhiɱ caŋkamantan" ti?|| ||

"Evaɱ bhante"|| ||

"Sabbe kho ete bhikkhave, bhikkhū mahā-paññā.|| ||

11. Passatha no tumhe bhikkhave, Maha-Moggallānaɱ sambahulehi bhikkhūhi saddhiɱ caŋkamantan" ti?|| ||

"Evaɱ bhante"|| ||

"Sabbe kho ete bhikkhave, bhikkhū mahiddhikā.|| ||

12. Passatha no tumhe bhikkhave, Maha-Kassapaɱ sambahulehi bhikkhūhi saddhiɱ caŋkamantan" ti?|| ||

[156] "Evaɱ bhante"|| ||

"Sabbe kho ete bhikkhave, bhikkhū dhutavādā.|| ||

13. Passatha no tumhe bhikkhave, Anuruddhaɱ sambahulehi bhikkhūhi saddhiɱ caŋkamantan" ti?|| ||

"Evaɱ bhante"|| ||

"Sabbe kho ete bhikkhave, bhikkhū dibba-cakkhukā.|| ||

14. Passatha no bhikkhave, Puṇṇaɱ Mantāniputtaɱ sambahulehi bhikkhūhi saddhiɱ caŋkamantan" ti?|| ||

"Evaɱ bhante"|| ||

"Sabbe kho ete bhikkhave, bhikkhū Dhamma-kathikā.|| ||

15. Passatha no tumhe bhikkhave, Upāliɱ sambahulehi bhikkhūhi saddhiɱ caŋkamantan" ti?|| ||

"Evaɱ bhante"|| ||

"Sabbe kho ete bhikkhave, bhikkhū vinaya-dharā.|| ||

16. Passatha no tumhe bhikkhave, Ānandaɱ sambahulehi bhikkhūhi saddhiɱ caŋkamantan" ti?|| ||

"Evaɱ bhante"|| ||

"Sabbe kho ete bhikkhave, bhikkhū bahu-s-sutā.|| ||

17. Passatha no tumhe bhikkhave, Devadattaɱ sambahulehi bhikkhūhi saddhiɱ caŋkamantan" ti?|| ||

"Evaɱ bhante"|| ||

"Sabbe kho ete bhikkhave, bhikkhū pāpicchā.|| ||

18. Dhātuso va bhikkhave, sattā saɱsandanti samenti:|| ||

Hīn-ā-dhimuttikā hīn-ā-dhimuttikehi saddhiɱ saɱsandanti samenti.|| ||

Kalyāṇ-ā-dhimuttikā kalyāṇ-ā-dhimuttikehi saddhiɱ saɱsandanti samenti.|| ||

19. Atītam pi bhikkhave, addhānaɱ dhātuso va sattā saɱsandiɱsu samiɱsu:|| ||

Hīn-ā-dhimuttikā hīn-ā-dhimuttikehi saddhiɱ saɱsandiɱsu samiɱsu.|| ||

Kalyāṇ-ā-dhimuttikā kalyāṇ-ā-dhimuttikehi saddhiɱ saɱsandiɱsu samiɱsu.|| ||

20. Anāgatam pi bhikkhave, addhānaɱ dhātuso va sattā saɱsandissanti samessanti:|| ||

Hīn-ā-dhimuttikā hīn-ā-dhimuttikehi saddhiɱ saɱsandissanti samessanti.|| ||

Kalyāṇ-ā-dhimuttikā kalyāṇ-ā-dhimuttikehi saddhiɱ saɱsandissanti samessanti.|| ||

[157] 21. Etarahi pi bhikkhave, pacc'uppannaɱ addhānaɱ dhātuso va sattā saɱsandanti samenti:|| ||

Hīn-ā-dhimuttikā hinādhimuttikehi saddhiɱ saɱsandanti samenti.|| ||

Kalyāṇ-ā-dhimuttikā kalyāṇ-ā-dhimuttikehi saddhiɱ saɱsandanti samentī" ti.|| ||


Contact:
E-mail
Copyright Statement