Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikaya
Nidāna Vagga
14. Dhatu Saɱyutta

Sutta 36

Uppāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Yo bhikkhave, paṭhavīdhātuyā uppādo ṭhiti abhinibbatti pātubhāvo,||
dukkhasseso uppādo,||
rogānaɱ ṭhīti,||
jarāmaraṇassa pātubhāvo.|| ||

3. Yo āpodhātuyā uppādo ṭhiti abhinibbatti pātubhāvo,||
dukkhasseso uppādo,||
rogānaɱ ṭhiti,||
jarāmaraṇassa pātubhāvo.|| ||

4. Yo tejodhātuyā uppādo ṭhiti abhinibbatti pātubhāvo,||
dukkhasseso uppādo,||
rogānaɱ ṭhiti,||
jarāmaraṇassa pātubhāvo.|| ||

5. Yo vāyodhātuyā uppādo ṭhiti abhinibbatti pātubhāvo,||
dukkhasseso uppādo,||
rogānaɱ ṭhiti,||
jarāmaraṇassa pātubhāvo.|| ||

6. Yo ca kho bhikkhave, paṭhavīdhātuyā nirodho vūpasamo atthaŋgamo||
dukkhasseso nirodho,||
rogānaɱ vūpasamo,||
jarāmaraṇassa atthaŋgamo.|| ||

7. Yo āpodhātuyā nirodho vūpasamo atthaŋgamo,||
dukkhasseso nirodho,||
rogānaɱ vūpasamo,||
jarāmaraṇassa atthaŋgamo.|| ||

8. Yo tejodhātuyā nirodho vūpasamo atthaŋgamo,||
dukkhasseso nirodho,||
rogānaɱ vūpasamo,||
jarāmaraṇassa atthaŋgamo.|| ||

9. Yo vāyodhātuyā nirodho vūpasamo atthaŋgamo,||
dukkhasseso nirodho,||
rogānaɱ vūpasamo,||
jarāmaraṇassa atthaŋgamo ti.|| ||


Contact:
E-mail
Copyright Statement   Webmaster's Page