Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikaya
Nidāna Vagga
14. Dhatu Saɱyutta

Sutta 39

Tatiya Samaṇabrāhmaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

2. Ye hi keci, bhikkhave, samaṇā vā brāhmaṇā vā paṭhavidhātuɱ na pajānanti,||
paṭhavidhātusamudayaɱ na pajānanti,||
paṭhavidhātunirodhaɱ na pajānanti,||
paṭhavīdhātunirodhagāminiɱ paṭipadaɱ na pajānanti.|| ||

3. [177] Āpodhātuɱ na pajānanti,||
āpodhātusamudayaɱ na pajānanti,||
āpodhātunirodhaɱ na pajānanti,||
āpodhātunirodhagāminiɱ paṭipadaɱ na pajānanti.|| ||

Tejodhātuɱ na pajānanti,||
tejodhātusamudayaɱ na pajānanti,||
tejodhātunirodhaɱ na pajānanti,||
tejodhātunirodhagāminiɱ paṭipadaɱ na pajānanti.|| ||

Vāyodhātuɱ nappajānanti,||
vāyodhātusamudayaɱ na pajānanti,||
vāyodhātunirodhaɱ na pajānanti,||
vāyodhātunirodhagāminiɱ paṭipadaɱ na pajānanti.|| ||

Na me te bhikkhave, samaṇā vā brāhmaṇā vā samaṇesu vā samaṇasammatā, brāhmaṇesu vā brāhmaṇasammatā.|| ||

Na ca pana te āyasmantā sāmaññattaɱ vā brahmaññattaɱ vā diṭṭhe va dhamme sayaɱ abhiññā sacchi-katvā upasampajja viharanti.|| ||

6. Ye ca kho keci bhikkhave, samaṇā vā brāhmaṇā vā paṭhavīdhātuɱ pajānanti,||
paṭhavīdhātusamudayaɱ pajānanti,||
paṭhavīdhātunirodhaɱ pajānanti,||
paṭhavīdhātunirodhagāminīɱ paṭipadaɱ pajānanti.|| ||

7. Āpodhātuɱ pajānatti,||
āpodhātusamudayaɱ pajānanti,||
āpodhātunirodhaɱ pajānanti,||
āpodhātunirodhagāminiɱ paṭipadaɱ pajānanti.|| ||

8. Tejodhātuɱ pajānanti,||
tejodhātuɱ pajānanti,||
tejodhātusamudayaɱ pajānanti,||
tejodhātunirodhaɱ pajānanti,||
tejodhātunirodhagāminiɱ paṭipadaɱ pajānanti.|| ||

9. Vāyodhātuɱ pajānanti,||
vāyodhātusamudayaɱ pajānanti,||
vāyodhātunirodhaɱ pajānanti,||
vāyodhātunirodhagāminiɱ paṭipadaɱ pajānanti.|| ||

Te ca kho me bhikkhave, samaṇā vā brāhmaṇā vā samaṇesu c'eva samaṇasammatā brāhmaṇesu ca brāhmaṇasammatā||
te ca panāyasmanto sāmaññatthañ ca brahmaññatthañ ca diṭṭhe va dhamme sayaɱ abhiññā sacchi-katvā upasampajja viharantī ti.|| ||

Dhātusaɱyuttaɱ samattaɱ.|| ||


Contact:
E-mail
Copyright Statement   Webmaster's Page