Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
II. Nidāna Vagga
15. Anamat'agga-Saɱyuttaɱ
I. Paṭhama Vagga

Sutta 1

Tiṇa-Kaṭṭha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[178]

[1][pts][bodh][olds] Evam me sutaɱ|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

[2][pts][bodh][olds] Tatra kho Bhagavā bhikkh āmantesi:|| ||

"Bhikkhavo" ti|| ||

"Bhadante" ti te bhikkh Bhagavato paccassosuɱ.|| ||

[3][pts][bodh][olds] Bhagavā etad avoca:|| ||

"Anamat'aggāyaɱ bhikkhave saɱsāro pubbākoṭi||
na paññāyati avijjā-nīvaraṇānaɱ sattānaɱ taṇhā-saŋyojanānaɱ sandhāvataɱ saŋsarataɱ.|| ||

[4][pts][bodh][olds] Seyyathā pi, bhikkhave, purisoyaɱ imasmiɱ Jambudīpe tiṇa-kaṭṭha-sākhā palāsaɱ tacchetvā ekajjhaɱ saɱharitvā catur'aŋgulaɱ catur'aŋgulaɱ ghaṭikaɱ karitvā nikkhippeyya.|| ||

'Ayaɱ me mātā||
tassā me mātu ayam mātā' ti.|| ||

Apariyādinnā ca bhikkhave tassa purisassa mātu mātaro assu||
atha imasmiɱ Jambudīpe tiṇa-kaṭṭha-sākhāpalāsaɱ parikkhayam pariyādānaɱ gaccheyya.|| ||

[5][pts][bodh][olds] Taɱ kissa hetu?|| ||

Anamat'aggāyaɱ bhikkhave saɱsāro pubbakoṭi||
na paññāyati avijjā-nīvaraṇānaɱ sattānaɱ taṇhā-saŋyojanānaɱ sandhāvataɱ saŋsarataɱ.|| ||

[6][pts][bodh][olds] Evaɱ dīgha-rattam kho bhikkhave dukkham paccanubhtaɱ tibbam paccanubhtaɱ vyasanaɱ paccanubhtaɱ kaṭasi vaḍḍhitā.|| ||

[7][pts][bodh][olds] Yāvañ cidam bhikkhave alam eva sabba-sankhāresu nibbindituɱ alaɱ virajjituɱ alaɱ vimuccitun" ti.|| ||


Contact:
E-mail
Copyright Statement