Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta-Nikāya,
Nidāna-vaggo
15. Anamatagga Saŋyuttam

Sutta 10

Ekapuggala Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ|| ||

Ekaɱ samayaɱ Bhagavā Rājagahe viharati Gijjhakūṭe pabbate.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Anamataggoyaɱ bhikkhave, saŋsāro.|| ||

Pubbā koṭi na paññāyati avijjānīvaraṇānaɱ sattānaɱ taṇhāsaŋyojanānaɱ sandhāvataɱ saŋsarataɱ.|| ||

Ekapuggalassa bhikkhave, kappaɱ sandhāvato saŋsarato siyā evaɱ mahāaṭṭhikaŋkhalo aṭṭhipuñjo aṭṭhirāsi yathāyaɱ vepullo pabbato,||
sace saŋhārako assa,||
sambhatañ ca na vinasseyya.|| ||

Taɱ kissa hetu?|| ||

Anamataggoyaɱ bhikkhave, saŋsāro.|| ||

Pubbā koṭi na paññāyati avijjānīvaraṇānaɱ sattānaɱ taṇhāsaŋyojanānaɱ sandhāvataɱ saŋsarataɱ.|| ||

Evaɱ dīgha-rattaɱ vo bhikkhave,||
dukkhaɱ paccanubhūtaɱ tibbaɱ paccanubhūtaɱ,||
vyasanaɱ paccanubhūtaɱ,||
kaṭasi vaŋḍhitā.|| ||

Yāvañ c'idaɱ bhikkhave,||
alam eva sabba sankhāresu nibbindituɱ,||
alaɱ virajjituɱ,||
alaɱ vimuccitun" ti.|| ||

Idam avoca Bhagavā.|| ||

Idaɱ vatvā sugato athāparaɱ etad avoca satthā:|| ||

Ekassekena kappena||
puggalassaṭṭhisañcayo,||
Siyā pabbatasamo rāsi||
iti vuttaɱ mahesinā|| ||

So kho panāyaɱ akkhāto||
Vepullo pabbato mahā,||
Uttaro Gijjhakūṭassa||
Magadhānaɱ Giribbaje.|| ||

Yato ariyasaccāni||
sammappaññāya passati:||
Dukkhaɱ dukkhasamuppādaɱ||
dukkhassaca atikkamaɱ,|| ||

Ariyañcaṭṭhaŋgikaɱ maggaɱ||
dukkhūpasamagāminaɱ||
sasattakkhattu paramaɱ||
sandhāvitvāna puggalo,||
[186] dukkhassantakaro hoti||
sabbasaññojanakkhayā" ti.|| ||


Contact:
E-mail
Copyright Statement   Webmaster's Page