Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta-Nikāya,
Nidāna-vaggo
16. Kassapa Saŋyutta

Sutta 3

Candūpama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[197]

[1][bit][pts][bodh] Ekaɱ samayaɱ Sāvatthiyaɱ -|| ||

Candūpamā bhikkhave,||
kulāni upasaŋkamatha apakasseva [198] kāyaɱ,||
apakassa cittaɱ,||
niccanavakā kulesu appagabbhā.|| ||

Seyyathā pi bhikkhave,||
puriso charūdapānaɱ vā olokeyya pabbatavisamaɱ vā nadīviduggaɱ vā apakasseva kāyaɱ,||
apakassa cittaɱ,||
evam eva kho,||
bhikkhave,,||
candūpamā kulāni upasaŋkamatha apakasseva kāyaɱ apakassa cittaɱ,||
niccanavakā kulesu appagabbhā.|| ||

Kassapo bhikkhave,||
candūpamo kulāni upasaŋkamati apakasseva kāyaɱ apakassa cittaɱ,||
niccanavako kulesu appagabbho.|| ||

Taɱ kimmaññatha bhikkhave,||
kathaɱrūpo bhikkhu arahati kulāni upasaŋkamitunti?|| ||

"Bhagavammūlakā no bhante dhammā,||
Bhagavannettikā,||
Bhagavampaṭisaraṇā.|| ||

Sādhu vata bhante,||
Bhagavantaɱ yeva paṭibhātu etassa bhāsitassa attho.|| ||

Bhagavato sutvā bhikkhu dhāressantī"ti.|| ||

Atha kho Bhagavā ākāse pāṇiɱ cālesi.|| ||

Seyyathā pi bhikkhave,||
ayaɱ ākāse pāṇi na sajjati,||
na gayhati.|| ||

Na bajjhati.|| ||

Evam eva kho bhikkhave,||
yassa kassaci bhikkhuno kulāni upasaŋkamato kulesu cittaɱ na sajjati,||
na gayhati na bajjhati,||
"labhantu lābhakāmā,||
puññakāmā karontu pana puññānī"ti.|| ||

Yathā sakena lābhena attamano hoti sumano,||
evaɱ paresaɱ lābhena attamano hoti sumano.|| ||

Evarūpo kho bhikkhave,||
bhikkhu arahati kulāni upasaŋkamituɱ.|| ||

Kassapassa bhikkhave,||
kulāni upasaŋkamato kulesu cittaɱ na sajjati,||
na gayhati,||
na bajjhati "labhantu lābhakāmā,||
puññakāmā karontu pana puññānī"ti.|| ||

Yathā sakena lābhena attamano hoti sumano,||
evaɱ paresaɱ lābhena attamano hoti sumano.|| ||

Evarūpo kho bhikkhave,||
bhikkhū arahati kulāni upasaŋkamituɱ.|| ||

[199] taɱ kiɱ maññatha bhikkhave,||
kathaɱ rūpassa bhikkhuno aparisuddhā dhammadesanā hoti,||
kathaɱ rūpassa bhikkhuno parisuddhā dhammadesanā hotī' ti?|| ||

"Bhagavammūlakā no bhante,||
dhammā,||
Bhagavannettikā Bhagavampaṭisaraṇā.|| ||

Sādhu vata bhante,||
Bhagavantaɱ yeva paṭibhātu etassa bhāsitassa attho Bhagavato sutvā bhikkhū dhāressantī"ti.|| ||

Tena hi bhikkhave suṇātha,||
sādhukaɱ manasikarotha bhāsissāmī'ti.|| ||

Evaɱ bhante'ti kho te bhikkhū Bhagavato paccassosuɱ.|| ||

Bhagavā etad avoca:|| ||

Yo hi koci bhikkhave,||
bhikkhū evañcitto paresaɱ dhammaɱ deseti: "aho vata me dhammaɱ suṇeyyuɱ,||
sutvā ca pana dhammaɱ pasīdeyyuɱ,||
pasannā ca pana me pasannākāraɱ kareyyu"nti.|| ||

Evarūpassa kho bhikkhave,||
bhikkhuno aparisuddhā dhammadesanā hoti.|| ||

Yo ca kho bhikkhave,||
bhikkhū evañcitto paresaɱ dhammaɱ deseti:||
"svākkhāto Bhagavatā dhammo sandiṭṭhiko akāliko ehipassiko opanayiko paccattaɱ veditabbo viññūhī'ti.|| ||

Aho vata me dhammaɱ suṇeyyuɱ,||
sutvā ca pana dhammaɱ ājāneyyuɱ,||
ājānitvā ca pana tathattāya paṭipajjeyyu"nti.|| ||

Iti dhammasudhammataɱ paṭicca paresaɱ dhammaɱ deseti.|| ||

Kāruññaɱ paṭicca paresaɱ dhammaɱ deseti.|| ||

Anuddayaɱ paṭicca paresaɱ dhammaɱ deseti.|| ||

Anukampaɱ upādāya paresaɱ dhammaɱ deseti.|| ||

Evarūpassa kho bhikkhave,||
bhikkhuno parisuddhā dhammadesanā hoti.|| ||

Kassapo bhikkhave,||
evaɱcitto paresaɱ dhammaɱ deseti:||
"svākkhāto Bhagavatā dhammo sandiṭṭhiko akāliko ehipassiko opanayiko paccattaɱ veditabbo viññūhī'ti.|| ||

Aho vata [200] me dhammaɱ suṇeyyuɱ,||
sutvā ca pana dhammaɱ ājāneyyuɱ,||
ājānitvā ca pana tathattāya paṭipajjeyyu"nti.|| ||

Iti dhammasudhammataɱ paṭicca paresaɱ dhammaɱ deseti.|| ||

Kāruññaɱ paṭicca paresaɱ dhammaɱ deseti.|| ||

Anuddayaɱ paṭicca paresaɱ dhammaɱ deseti.|| ||

Anukampaɱ upādāya paresaɱ dhammaɱ deseti.|| ||

Kassapena vā hi vo bhikkhave,||
ovadissāmi,||
yo vā panassa kassapasadiso.|| ||

Ovaditehi ca pana vo tathattāya paṭipajjitabbanti.|| ||


Contact:
E-mail
Copyright Statement   Webmaster's Page