Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta-Nikāya,
Nidāna-vaggo
16. Kassapa Saŋyutta

Sutta 4

Kulūpaga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[200]

[1][pts][bodh] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkh Bhagavato paccassosuɱ|| ||

Bhagavā etad avoca:|| ||

"Taɱ kiɱ maññatha bhikkhave?|| ||

Kathaɱrūpo bhikkhū arahati kulūpago hotuɱ.|| ||

Kathaɱrūpo bhikkhū arahati na kulupago hotun" ti?|| ||

"Bhagavammūlakā no bhante,||
dhammā Bhagavannettikā Bhagavampaṭisaraṇā.|| ||

Sādhu vata bhante,||
Bhagavantaɱ yeva paṭibhātu etassa bhāsitassa||
attho Bhagavato sutvā bhikkhū dhāressantī" ti.|| ||

"Tena hi bhikkhave suṇātha,||
sādhukaɱ manasikarotha||
bhāsissāmī" ti.|| ||

"Evaɱ bhante" ti||
kho te bhikkhū Bhagavato paccassosuɱ.|| ||

Bhagavā etad avoca:|| ||

"Yo hi koci bhikkhave,||
bhikkhu evaɱ citto kulāni upasaŋkamati:|| ||

"Dentu yeva me,||
mā ādaɱsu.|| ||

Bahukaññeva me dentu,||
mā thokaɱ.|| ||

Paṇitaññeva me dentu,||
mā lūkhaɱ.|| ||

Sīghaññeva me dentu,||
mā dandhaɱ.|| ||

Sakkaccaññeva me dentu,||
mā asakkaccan" ti.|| ||

Tassa ce bhikkhave,||
bhikkhuno evaɱ cittassa kulāni upasaŋkamato,||
na denti,||
tena bhikkhu sandīyati||
so tato nidānaɱ dukkhaɱ domanassaŋ paṭisaŋvedayati.|| ||

Thokaɱ denti,||
no bahukaɱ,||
tena bhikkhu sandīyati,||
so tato nidānaɱ dukkhaɱ domanassaŋ paṭisaŋvedayati.|| ||

Lūkhaɱ denti,||
no paṇītaɱ,||
tena bhikkhu sandīyati,||
so tato nidānaɱ dukkhaɱ domanassaŋ paṭisaŋvedayati.|| ||

Dandhaɱ denti,||
no sīghaɱ,||
tena bhikkhu sandīyati,||
so tato nidānaɱ dukkhaɱ domanassaŋ paṭisaŋvedayati.|| ||

Asakkaccaɱ denti,||
no sakkaccaɱ,||
tena bhikkhu sandīyati,||
[201] so tato nidānaɱ dukkhaɱ domanassaŋ paṭisaŋvedayati.|| ||

Evarūpo kho bhikkhave,||
bhikkhū na arahati kulūpago hotuɱ.|| ||

Yo ca kho bhikkhave, bhikkhu evaɱ citto kulāni upasaŋkamati.|| ||

"Taɱ kutettha labbhā parakulesu-dentu yeva me,||
mā nādaɱsu||
bahuññeva me dentu||
mā thokaɱ;||
paṇītaɱ yeva me dentu||
mā lūkhaɱ;||
sīghaɱ yeva me dentu||
mā dandhaɱ;||
sakkaccaɱ yeva me dentu||
mā asakkaccan" ti.|| ||

Tassa ce bhikkhave,||
bhikkhuno evaɱ cittassa kulāni upasaŋkamato||
na denti,||
tena bhikkhu na sandīyati||
so na tato nidānaɱ dukkhaɱ domanassaŋ paṭisaŋvedayati.|| ||

Thokaɱ denti||
no bahukaɱ,||
tena bhikkhu na sandīyati||
so na tato nidānaɱ dukkhaɱ domanassaŋ paṭisaŋvedayati.|| ||

Lūkhaɱ denti||
no paṇītaɱ,||
tena bhikkhu na sandīyati||
so na tato nidānaɱ dukkhaɱ domanassaŋ paṭisaŋvedayati.|| ||

Dandhaɱ denti||
no sīghaɱ,||
tena bhikkhu na sandīyati||
so na tato nidānaɱ dukkhaɱ domanassaŋ paṭisaŋvedayati.|| ||

Asakkaccaɱ denti||
no sakkaccaɱ,||
tena bhikkhu na sandīyati||
so na tato nidānaɱ dukkhaɱ domanassaŋ paṭisaŋvedayati.|| ||

Evarūpo kho bhikkhave bhikkhu arahati kulūpago hotuɱ.|| ||

 


 

Kassapo bhikkhave, evaɱ citto kulāni upasaŋkamati:|| ||

'Taɱ kutettha labbhā parakulesu dentu yeva me,||
mā ādaɱsu,||
bahuññ eva me dentu||
mā thokaɱ,||
paṇītaɱ yeva me dentu,||
mā lūkhaɱ,||
sīghaɱ yeva me dentu||
mā dandhaɱ,||
sakkaccaɱ yeva me dentu,||
mā asakkaccan' ti.|| ||

Tassa ce bhikkhave,||
Kassapassa evaɱ cittassa kulāni upasaŋkamato||
na denti,||
tena Kassapo na sandīyati||
so na tatonidānaɱ dukkhaɱ domanassaŋ paṭisaŋvedayati.|| ||

Thokaɱ denti||
no bahukaɱ,||
tena Kassapo na sandīyati||
so na tatonidānaɱ dukkhaɱ domanassaŋ paṭisaŋvedayati.|| ||

Lūkhaɱ denti||
no paṇītaɱ,||
tena Kassapo na sandīyati||
so na tatonidānaɱ dukkhaɱ domanassaŋ paṭisaŋvedayati.|| ||

Dandhaɱ denti||
no sīghaɱ,||
tena Kassapo na sandīyati||
[202] so na tatonidānaɱ dukkhaɱ domanassaŋ paṭisaŋvedayati.|| ||

Asakkaccaɱ denti||
no sakkaccaɱ,||
tena Kassapo na sandīyati||
so na tatonidānaɱ dukkhaɱ domanassaŋ paṭisaŋvedayati.|| ||

Kassapena vā hi vo te bhikkhave,||
ovadissāmi,||
yo vā panassa Kassapasadiso.|| ||

Ovaditehi ca pana te tathattāya paṭipajjitabban" ti.|| ||


Contact:
E-mail
Copyright Statement   Webmaster's Page