Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta-Nikāya,
Nidāna-vaggo
16. Kassapa Saŋyutta

Sutta 8

Tatiya Ovāda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[208]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Rājagahe viharati veluvane kalandaka nivāpe.|| ||

Atha kho āyasmā Mahā Kassapo yenana Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Mahā Kassapaɱ Bhagavā etad avoca:|| ||

"Ovada Kassapa bhikkhū, karohi Kassapa bhikkhūnaɱ dhammiɱ kathaɱ.|| ||

Ahaɱ vā Kassapa bhikkhū ovadyeɱ, tvaɱ vā.|| ||

Ahaɱ vā bhikkhūnaɱ dhammiɱ kathaɱ kareyyaɱ,||
tvaɱ vā" ti.|| ||

"Dubbacā kho bhante,||
Bhagavā etarahi bhikkhū dovacassakaraṇehi dhammehi samannāgatā akkhamā appadakkhiṇaggāhino anusāsaniɱ.|| ||

Tathā hi pana Kassapa,||
pubbe therā bhikkhū āraññakā c'eva ahesuɱ||
āraññakattassa ca vaṇṇavādino.|| ||

Piṇḍapātikā c'eva ahesuɱ||
piṇḍapātikattassa ca vaṇṇavādino.|| ||

Paɱsukūlikā c'eva ahesuɱ||
paɱsukulikattassa ca vaṇṇavādino.|| ||

Tecīvarikā c'eva ahesuɱ||
tecīvarikattassa ca vaṇṇavādino.|| ||

Appicchā c'eva ahesuɱ||
appicchatāya ca vaṇṇavādino.|| ||

Santuṭṭhā c'eva ahesuɱ||
santuṭṭhiyā ca vaṇṇavādino.|| ||

Pavivittā c'eva ahesuɱ||
pavivekassa ca vaṇṇavādino.|| ||

Asaŋsaṭṭhā c'eva [209] ahesuɱ||
asaŋsaggassa ca vaṇṇavādino.|| ||

Āraddhaviriyā c'eva ahesuɱ||
viriyārambhassa ca vaṇṇavādino.|| ||

Tatra yo hoti bhikkhu āraññako c'eva āraññakattassa ca vaṇṇavādī,||
piṇḍapātiko c'eva piṇḍapātikattassa ca vaṇṇavādī,||
paɱsukūliko c'eva paɱsukūlikattassa ca vaṇṇavādī,||
tecīvariko c'eva tecīvarikattassa ca vaṇṇavādī,||
appiccho c'eva appicchatāya ca vaṇṇavādī,||
santuṭṭho c'eva santuṭṭhiyā ca vaṇṇavādī,||
pavivitto c'eva pavivekassa ca vaṇṇavādī,||
asaŋsaṭṭho c'eva asaŋsaggassa ca vaṇṇavādī,||
āraddhaviriyo c'eva viriyārambhassa ca vaṇṇavādī,||
taɱ therā bhikkhū āsanena nimanetanti|| ||

"Ehi bhikkhu!|| ||

Ko nāmo ayaɱ6 bhikkhu?|| ||

Bhaddako vatāyaɱ bhikkhu.|| ||

Sikkhākāmo vatāyaɱ bhikkhu.|| ||

Ehi bhikkhu,||
idaɱ āsanaɱ nisīdāhī' ti.|| ||

Tatra Kassapa, navānaɱ bhikkhūnaɱ evaɱ hoti.|| ||

'Yo kira so hoti bhikkhū āraññako c'eva āraññakattayā ca vaṇṇavādī,||
piṇḍapātiko c'eva piṇḍapātikattayā ca vaṇṇavādī,||
paɱsakulīko c'eva paɱsakūlikattayā ca vaṇṇavādī,||
tecīvariko c'eva tecīvarikattayā ca vaṇṇavādī,||
appiccho c'eva appicchatāya ca vaṇṇavādī,||
santuṭṭho c'eva santuṭṭhiyā ca vaṇṇavādī,||
pavivitto c'eva pavivekassa ca vaṇṇavādī,||
asaŋsaṭṭho c'eva asaŋsaggassa ca vaṇṇavādī,||
āraddhaviriyo c'eva viriyārambhassa ca vaṇṇavādī,||
taɱ therā bhikkhū āsanena nimattenti|| ||

'Ehi bhikkhu ko nāmo ayaɱ, bhaddako vatāyaɱ bhikkhu sikkhākāmovatāyaɱ bhikkhu|| ||

"Ehi bhikkhu, idaɱ āsanaɱ nisīdāhī' ti.|| ||

Te tathattāya paṭipajjanti.|| ||

Tesaŋ taɱ hoti dīgha-rattaɱ hitāya sukhāya.|| ||

Etarahi pana Kassapa,||
therā bhikkhū na c'eva āraññakā||
na ca āraññakattassa ca vaṇṇavādino.|| ||

Na c'eva piṇḍapātikā||
na ca piṇḍapātikattassa ca vaṇṇavādino.|| ||

Na c'eva paɱsukūlikā||
na ca paɱsukūlikattassa ca vaṇṇavādino.|| ||

Na c'eva tecīvarikā||
na ca tecīvarikattassa ca vaṇṇavādino.|| ||

Na c'eva appicchā||
na ca appicchatāya ca vaṇṇavādino.|| ||

Naceva santuṭṭhā||
na ca santuṭṭhiyā ca vaṇṇavādino.|| ||

Na c'eva pavivittā||
na ca pavivekassa ca vaṇṇavādino.|| ||

Na c'eva asaŋsaṭṭhā||
na ca asaŋsaggassa ca vaṇṇavādino.|| ||

Na [210] c'eva āraddhaviriyā||
na ca viriyārambhassa ca vaṇṇavādino.|| ||

Tatra yo hoti bhikkhu ñāto yasassī lābhī cīvara-piṇḍapāta-senāsana-gilāna-paccaya-bhesajja-parikkhārānaɱ,||
taɱ therā bhikkhū āsanena nimantenti|| ||

'Ehi bhikkhu, ko nāmo ayaɱ bhikkhu,||
bhaddako vatāyaɱ bhikkhu,||
sabrahmacārikāmo vatāyaɱ bhikkhu,|| ||

Ehi bhikkhu, idaɱ āsanaɱ, nisīdāhī' ti.|| ||

Tatra Kassapa, navānaɱ bhikkhūnaɱ evaɱ hoti:|| ||

'Yo kira so hoti bhikkhu ñāto yasassī lābhī cīvara-piṇḍapāta-senāsana-gilāna-paccaya-bhesajja-parikkhārānaɱ, taɱ therā bhikkhū āsanena nimante' ti|| ||

'Ehi bhikkhu ko nāmo ayaɱ bhikkhu,||
bhaddakako vatāyaɱ bhikkhu:||
sabrahmacārikāmo vatāyaɱ bhikkhu,|| ||

Ehi bhikkhū, idaɱ āsanaɱ, nisīdāhī' ti.|| ||

Te tathattāya paṭipajjanti tesaŋ taɱ hoti dīgha-rattaɱ ahitāya dukkhāya.|| ||

Yaɱ hi taɱ Kassapa,||
sammāvadamāno vadeyya upaddutā brahmacārī brahmacārūpaddavena,||
abhibhavanā brahmacārī brahmacārābhibhavanenā' ti.|| ||

Evaɱ hi taɱ Kassapa,||
sammāvadanto vadeyya upaddutā brahmacārī brahmacārupaddavena abhibhavanā brahmacārī brahmacārābhibhavanenā" ti.|| ||


Contact:
E-mail
Copyright Statement   Webmaster's Page