Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikaya
2. Nidāna Vagga

20. Opamma-Samyuttam

Sutta 1

Kūṭa

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][rhyc][olds]EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][rhyc][olds] Tatra kho Bhagavā bhikkhu āmantesi bhikkhavo' ti.|| ||

Bhadante' ti kho te bhikkhū Bhagavato paccassosuɱ.|| ||

Bhagavā etad avoca:|| ||

[3][rhyc][olds] seyyathā pi bhikkhave,||
kūṭāgārassa yā kāci gopānasiyo,||
sabbā tā kūṭaŋgamā||
kūṭasamosaraṇā,||
kūṭasamugghātā||
sabbā tā samugghātaɱ gacchanti.|| ||

[4][rhyc][olds] Evam eva kho bhikkhave,||
ye keci akusala dhammā||
sabbe te avijjaŋgamā[1]||
avijjāsamosaraṇā,||
avijjāsamugghātā||
sabbe te samugghātaɱ gacchanti.|| ||

[5][rhyc][olds] Tasmāti ha bhikkhave, evaɱ sikkhitabbaɱ:|| ||

"Appamattā viharissāmā" ti.|| ||

Evaɱ hi vo bhikkhave, sikkhitabbanti.|| ||

 


[1] Avijjaŋgamā. PTS switches to avijjāmūlakā here


Contact:
E-mail
Copyright Statement   Webmaster's Page