Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
II. Nidāna Vagga
20. Opamma-Saɱuttaɱ

Sutta 2

Nakha-Sikhā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[263]

[1][than][rhyc][olds] EVAṂ ME SUTAṂ:|| ||

Ekaɱ samayaɱ Bhagavā Sāvatthiyaɱ viharati.||
Jetavane Anāthapiṇḍikassa ārāme.|| ||

[2][than][rhyc][olds] Atha kho Bhagavā parittaɱ nakhasikhāyaɱ paɱsum āropetvā bhikkhū āmantesi:|| ||

[3][than][rhyc][olds] "Taɱ kim maññatha bhikkhave?|| ||

Katamaɱ nu kho bahutaraɱ yo cāyaɱ mayā paritto nakhasikhāyaɱ paɱsu āropito,||
ya cāyam mahā-paṭhavī" ti?|| ||

[4][than][rhyc][olds] "Etad eva bhante,||
bahutaraɱ yad idaɱ mahā-paṭhavī.|| ||

Appamattako yaɱ Bhagavatā paritto nakhasikhāyaɱ paɱsu āropito.|| ||

Saŋkham pi na upeti,||
upanidhim pi na upeti,||
kalabhāgam pi na upeti||
mahā-paṭhaviɱ upanidhāya Bhagavatā paritto nakhasikhāyaɱ paɱsu āropito" ti.|| ||

[5][than][rhyc][olds] "Evam eva kho bhikkhave,||
appakā te sattā ye manussesu paccājāyanti.|| ||

Atha kho ete yeva bahutarā sattā ye aññatra manussehi paccājāyanti.|| ||

[6][than][rhyc][olds] Tasmā ti ha bhikkhave,||
evaɱ sikkhitabbaɱ:|| ||

'Appamattā viharissāmā' ti.|| ||

Evaɱ hi vo bhikkhave, sikkhitabban" ti.|| ||

 


Contact:
E-mail
Copyright Statement